مشكلة اتمنى تشاركوني بطرح آرائكم وحلولكم

السلام عليكم ورحمة الله وبركاته
مرحبا خواتي العزيزات

اتمنى انكن تشاركون بآرئكم في مشكلة تواجه اختي المتزوجة

..... هي متزوجة من ثلاث سنوات وعندهاا بنت عمرها سنة ونص وولد عمره 6 شهور... وساكنة في بين اهل زوجها ..... بغرفة صغيرة
بدأت مشكلتها من اكتشفت زوجها يرمس بنات ... وتكرر اكثر من مرة
طبعا .. صار زعل ومشاكل كثيرة بحياتها واختي تأثرت وااايد لانها كانت تحب زوجها وما توقعت يسوي هالسوالف وبعد ذلك هدأت الامور اشوي وتحسنت....ولكنها دايما اتشك فيه لانها اكتشفت انه من نوع اللعاب.. وبياع الرمسة...
وطبعا خلال هالاسابيع رجع من ا لدوره( وهي ما قصرت بعمرها سوت حمام مغربي وشرت لها اطقم يديدة وقمصان نوم يديدة وغيرت من الديكور الغرفة وعدلت من شكلها قصت شعرها وغيره) .... وفي هاليومين كانت يالسة مع زوجها في الغرفة ورقدتت اليهال وقامت تتعدل ولبست من القمصان النوم اليداد..... ولا تشوف فجأة زوجها طالع من الغرفة ومشرع الباب وهي بالقميص النوم في الغرفة وباب الغرفة مفتوح على صالة......( وهي تقول ( انه تعمد يسوي هالحركة)ولما رجع ريلها عصبت عليه( وقالت له انه اخوانك في البيت وخليت الباب مبطل) يعني شي من هالقبيل..... جان يقول كنت ابا امي بكلمة ما صار شي.. وانتي اصلا مب في بالي... طبعا اختي زعلت وغيرت لبسها ولبست بيجاما ونامت عنه ولا تأسف لها..... في اليوم الثاني الصبح وصل مسج على تلفون ريلها.. اللي هو( ممكن تتصل).... ولما خذت الرقم اكتشف انها للوحدة.... وهي قالت له انها عرفت انه الرقم للوحدة وهو انكر وطنشها وطلع عنه ولا اهتم...


وطبعا انها قلتها يلسي معاه واسأليه من شو مضايق شو اللي ما عايبنه فيج ..... اتقول ما يفيد ولا يرد عليهولا يهتم
قلتها اتغزلي فيه قوليه الكلام الحلو ... اتقول هو ما يبدأ .. قلتها ما عليه انتي ابديئ وحاولت معاه ايقولها انا ماحب هالسوالف.....
قلتها يمكن ما يباج تحملين خلال هالفترة خذي موانع ..... قالت هو يدري اني آخذ موانع حمل وعادي عنده
.... وللاسف زوجها بخيل ...... ( وعيونه زياغة يعني يبصبص على البنات وااايد في أي مكان) ....ز
واختي هي اللي تصرف على عيالها من معاشها طبعا اختي تشتغل مدرسة
واختي وااايد وااايد مضايقة تبا الحل

وطلبت مني انزل مشكلتها عندكم عشان اتشوف آرائكم

وانا كرهت الزواج من تصرفات هالنسيب

ادري طولت عليكم
ولكم جزيل الشكر