زوجي بخيل !!!!!!!! - منتديات عروس

ا

الخلود

عروس جديدة

16-09-2002 | 01:32 AM

أنا في بداية زواجي , واكتشفت إن زوجي بخيل علي وعلى أسرتي , وأنا أخجل من إلحاحي عليه بالطلبات الخاصه بي خصوصاَ وأني مازلت في أشهري الأولى معه , فأظطر لبيع ذهبي أحياناً . فماذا أفعل معه ؟؟؟؟؟؟ :( :s :o

ا

الكاسر

العضوية الماسية

16-09-2002 | 11:04 AM

السلام عليكم

خلود...

اش فيك معصبه .....

والله معك حق .... البخل عيب شرعي.

بس يمكن ما عنده ....؟؟؟.

وبعدين تعالي ... شنو قصدك ببخيل على أسرتك ..

اش تبينه يسوي لهم ...

حقوقك الشرعيه خذيها من بقبق عينه بالإقناع والهداوه.

ياليت تأجلين موضوع الحمل ... الين توزنين امورك.

الله معك ... لا تبيعين ذهبك ....

ا

الهنوف

عروس متألقة

16-09-2002 | 12:30 PM

الله يعينك بخييييييييييل عاد والله صعبه(u)

يقولون البخيل ماديا يكون بخيل عاطفيا وهاذي الماساه (u)

وانا اشوف ان الحل هو انك اتفهمينه انتي اشلون كنتي عايشه في

بيت اهلك واشكثر كنتي تصرفين لان مش من حقه انه يعطيك اقل من

الي كنتي تاخذينه في بيت اهلك وبعدين لاتبيعين ذهبك هاذي ابسط

حقوقك وبعدين اذا هو مش قد الزواج ليش يتزوج وهاذي الموضوع لازم

اتحلينه معاه قبل ليجيلكم عيال ويزيد بخله (u) (u) (u)

رايك يالكاسر مع احترامي الشديد :s

ا

الأموره

المشرفة العامة (سابقا)

16-09-2002 | 12:54 PM

عزيزتي الخلود

لا تسكتين عن حقك ...ولا تعدينها له وتقولين بتحمل دام في البدايه!!

لانه اللي يمشي عليك الحين بيمشي عليك بعدين ....

لازم تكلمينه وتحددين مبلغ معين يصرفه لك حسب راتبه وقدرته الماديه

وعليه الالتزام به واذا مافاد الكلام معاه ولا تغير ...

اشتكي عند اهله ...لازم احد يدري بمشكلتك

لانه البخل مكروه في الاسلام !!!!!:mad:

والله يعينك بصراحه ويسهلها عليك يارب...

ر

ريم...الفلا

عروس جديدة

18-09-2002 | 09:00 AM

عزيزتي إذا كان بخيل عليك فالله يعينك
لكن على أهلك !!!!!!!!صراحة مو مكلوف
أهم شي أنتي ... وفعلا كلام أخوي الكاسر صحيح ياليت تأجلين موضوع الحمل لين تنظمين أمورك
وأهم شي النظام زين خليه يحدد لك أو أنتي حددي له راتب يسلمه لك كل شهر والوجه من الوجه أبيض
ونصيييييييييييحة لاتبيعين ذهبك ولا تعودينه انك ممكن تتصرفين وتوفرين لنفسك فلوس من دونه ترى أكبر غلط عوديه على تحمل المسؤوليه..
وترى الصراحة زينه والأشياء هذي مافيها حياء
قولي له إذا كنت ماتقدر أبشر باللي يساندك
وإذا كنت تقدر وباخل علي بالمصروف وش السبب وليه تتزوج وانت ماعندك استعداد تتحمل المسؤولية ؟؟؟؟
ومن عندك بالدنيا أغلى مني وتبخل علي .... ومن هالكلام لين يقتنع
والنفقه على الزوجه وااااااجبه غصب عليه حتى ولو كانت مليونيره ولها راتب وهذا رأي الشرع والسلااااااام
نصيحة : ترى الدعاء زين : اللهم اغنني بحلالك عن حرامك وبفضلك عمن سواك ..
لاإله إلا أنت سبحانك اني كنت من الظالمين..
قريب لي داوم على هالدعاء وكان عليه دين ورزقه الله وسدد دينه من غير مايبذل أي جهد..
فاتكلي على الله وترى الدنيا ماتسوى وانا اختك ....

ا

الخلود

عروس جديدة

21-09-2002 | 02:33 AM

شكرً لكل من أفادني بردوده ,وبصراحه آرائكم شجعتني على إتخاذ موقف حازم مع زوجي .

:D ;)

ا

الأموره

المشرفة العامة (سابقا)

21-09-2002 | 10:25 AM

عزيزتي الخلود

يسعدني ان احنا قدرنا نفيدك ...

وتمنياتي لك بالسعاده والتوفيق مع زوجك ...