ايش أسوي؟؟

اختي
هل انتي البنت الوحيدة لها.؟

عاشق القطط :




نعم ...بنتها الوحيدة

خلاص
اذا عرف السبب،،،بطل العجب

يا اختي هذا من زود حبها لج و تعلقها، صدقيني هذي مرحلة لازم تمر فيها، حتى يوم العرس راح تبكي بحرقة وانصحيها لا تحط مكياج:D2

اول ما يتم العرس و تشوفج مرتاحة مع ريلج ان شاء الله قولي آمين، راح ترجع مثل أول

وان شاء الله تفرح بج وبعيالج يا رب

:smile:

عاشق القطط :

مثل ماهي متضايقة ، أنا بعد متضايقة ..


بس أنا ماأبي أشوف دمعه من عينها ... لأنها لو صاحت :cry: ,,, أنا مادري ايش بصير فيني ...





هل تأجيل العرس ، بيكون الحل ؟؟؟؟

اختي

هل انتي متأكدة ان اللي مضايقها بس موضوع العرس

ماعتقد في ام تتضايق من زواج بنتها

هذا شعور بالفقد وراح يزول بعد الزواج

يمكن هناك اسباب ثانية وراء ضيقها

عاشق القطط :


والله مادري ياخوي ... مو متأكدة . لأنها رافضة تقول السبب ..
بس أنا حسيت بسبب قرب موعد العرس .. من جملة هي قالتها : أنا متعودة أكون بروحي .. وحاسة بفراغ ووحدة وملل ..
يعني ليش الحين هي حاسة بالوحدة والفراغ ؟؟؟ ليش الحين قالت هالجملة ؟؟




عشان جذي أنا حللت الموضوع ...

على فكرة

اذا العرس صار في وقته
ولا
تم تأجيله
راح تظل حالة الوالدة مثل ماهي

صدقيني هذا شيء طبيعي
لا تتضايقين انتي بعد، يمكن راح تزيدين ضيق الوالدة

اهتمي فيها اكثر، حسسيها انج ماتقدرين تعيشين بدونها، كلمة حلوة ابتسامة وهدية راح تحل القضية

:smile:

اولاً بالبركة على العرس والله يوفقك يا رب لكن امك يمكن تكون متضايقة عليج ويمكن احد مزعلها او مضايقها ، انت حاولي تعرفين السبب او تدخلين احد من خالاتك يعرفون اش بها ، يجوز احد من الأهل مضايقها ، او وحده من الجارات ، او صديقاتها ، انت حاولي تعرفين السبب واذا قالت متضايقة عشان عرسك قريب اخذي رايها بتأجيل العرس شوفي شو ردها ، والله يبرد قلبك وقلب والدتك الغالية يالله يا قادر يا كريم .

أم هلول :
اي والله حصل خير :shy:



عاشق القطط :
أشكرك على دعمك لي ، واهتمامك لموضوعي ... ومثل ماقلت : راح أحاول اني أهتم فيها أكثر خصوصاً في هذه الفترة .


odoo :
انشالله راح أحاول أعرف سبب ضيقها ... بس أنا حاسة بنسبة 90% سبب ضيقها .. وهو قرب موعد عرسي ..
واذا طلع هذا هو السبب راح أحاول اني أكلمها بموضوع تأجيل العرس ... اذا هذا راح يريحها ..

كل الامهات قبل العرس تصيبهم هالحاله..

أمي كانت هابه فيني وبخواتي السبع باسبوع عرسي بدون سبب..:D2:D2:D2:D2:D2:D2:D2:D2

هالشي سببه التوتر وكثر الشغل عليها..(u)

طمني بالك اختي الشيء هذا طبيعي ايام زواج اختي ابوي وامي محد قادر يكلمهم نار شابه ا للهم ياكافي:eek2:

فترة وتعدي حبيبتي بس تأجيل الزواج مو حل بالعكس راح يعقد الامور اكثر هي بتتعود وان شالله بس تشوفك مبسوطه راح تدعي لك وتتغير نفسيتها


وبالتوفيق عزيزتي


ام ميرال

لو عرستي اليوم و الا باجر حزن امج على فراقج بيتم نفس ماهو... لكن انتي حاولي تصارحيها.. وقوقليلها اذا كان هذا هو السبب بينيلها انج انتي بعد بتشتاقيلها يمكن هيه تحس انج بتنسينها وهيه مالها غيرج.. فهميمها انها هيه الاصل.. و كل الدنيا وراج... وشوقيها بشوفة احفادج... وبفرحتها تشوفج بفستان العرس.. و وعديها بزيارتها كل يوم او يوم ويوم....

يعني خففي عليها شوي... اما اذا اجلتي العرس تراها حتى بعد شهر شهرين بترد لنفس الحالة...


هذا شي طبيعي انا امي نفس الشي يوم عرست مع انه نخن 9 بنات ماشاء الله وانا الثانية اللي عرست لكن بعد فعرسي صاحت وطول فترة الملجة متنرفزة...

لا تشيلي هم ... و يلسي وياها اكثر.....ارجو ان اكون افتدتج:shy:

أنا بعد جرب موعد عرسي وأمي كله معصبه وأنا بعد ساعات أعصب وأقول لها اذا جذي ما بي عرس يكون أحسن :s2

من كثر مشاغلهم أمهاتنا الله يحفظهن يصيرن عصبيات


عادي خيتي مرحله وتروح ان شاء الله بعد الزواج

شفتي omboz
آراء الأخوات كانت قريبة من رأيي بالأول
حالة طبيعية وان شاء الله بتعدي
ماهو كله بيعدي
:D2

السلام

في سؤال عندي اذا مايضايقج

هل الوالد موجود معكم في البيت.....؟

اذا مو موجود معاكم يمكن الوالده حاسه انها راح تكون وحيده بالبيت بعد العرس وهالشي مسيطر عليها...

فتاجيل العرس راح يزيد الطين بله وماهو بالحل ..الحل انك تهتمين فيها ولاتركزين على هالسؤال يعني لاتسالينها كثيرايش فيكي يايما مضايقه؟؟ لانك راح تقلبين عليها المواجع وماراح تنسى..

خبره متواضعه تقبليها

:confused::confused:

امك قطعت قلبي يا ام بوز

اكيد اكيد هي متضايقة لانك بتخلليها وتروحي بيت زوجك

والله انا ما اعرف شو اقول ولا كيف اواسي..لاني حساسة وعاطفية مستوية:confused: من هالمواقف


ما عندي شي اقوله غير الله يوفقك في زواجك ويهون على امك.


انتي حاولي تهوني عليها قولي لها..انك تعرفي انها متضايقة علشان بتتزوجي..بس طمنيها انك ما راح تتركيها ومنه هالكلام

والله حتى ماني عارفة وش اقول:pain:


:confused:<--متاثرة مرة

بس انا امي يوم عرست اختي كانت شوية ووتطير من الفرح..لحقنا ومسكناها:D2:D2

يمكن لانه اختي مو الوحيدة..البيت متروس بنات ههههههه


الله يوفقك يا ام بوز وترا هذا شعور طبيعي

:smile:

السلام عليكم ورحمة الله وبركاته

و الله يا omboz ذكرتيني بأيام عرسي من سنة...

نفس اللي صار...

و يا ريت بس أمي...كل العيلة...

قبل الفرح بأسبوع صار كل شيء متوتّر...

إذا كلمت زوجي يقولوا بكرة تروحي له...خليكي معانا...

إذا فرحت بالتجهيز يقولوا كل البنات يصير لهم نفس الشيء...

كانت حالة متوترة جدا...و أصلا أنا كبيرة إخواتي...صرت أبكي كل يوم في الليل لأني راح أبعد عن أهلي...

و في يوم قعدت معاهم و قلت لهم التوتر اللي فينا من قرب الفرح غلط...كل العائلات يحصل لها نفس الموقف...أنا محتاجاكم بجانبي...ما تتخلّوا عنّي...

و صرت دايما اضحك معاهم...و أشركهم في التجهيز...

بصراحة كانت أيام صعبة و متوترة على الجميع...

أتذكر قبل الفرح بيوم...قست فستان الفرح في البيت...و صاروا كلهم يبكوا...و دموعي نزلت على فستان الفرح...

و يوم الفرح...قلت لهم هذا يوم حلو..خلونا ننبسط...و فعلا فرحنا و انبسطنا...أخواتي كان لهم دور في تهدئة أمي و أبي...

بس ثاني يوم خالي قال لي أمك ما نامت طول الليل هي و والدك...

ما تطمنّت علي إلا يوم ما زارتني في بيتي و لقيتني مبسوطة...


تعالي شوفيها الحين بعد سنة...لو اتأخرت عندهم في الزيارة شوية تقول لي : روحي عند زوجك بدل ما يقلق عليكي...:smile:

كل اللي يحصل عادي يا omboz...و إن شاء الله ربّك يتمم لك على خير يا رب :smile:

حورا - أم ميرال - سكر حبيبي - فجر البحرين - عاشق القطط - دموع الفواطم - نجمة الفجر ...


والله ماقصرتوا معاي ... مو عارفة اشلون أشكركم ...ماتتخيلوا اشلون ردودكم أثرت فيني ، وأنا أقرأ الردود بغيت أصيح :cry: من الكلام الجميل اللي كتبتوه ...

بالنسبة لسؤال دموع فطيم : أنا وأمي واخواني بروحنا في البيت...





ومثل ماقلتوا تأجيل العرس مو هو الحل ...
أنا راح آخذ بنصيحة كل وحدة فيكم ... وانت بعد ياعاشق القطط راح آخذ بنصيحتك ..:cool2:


انا عارفة ان توتر الأم طبيعي ... بس المشكلة اني أنا بعد متوترة ...


انشالله يجي هذا اليوم على خير ...