يا بنات ساعدوني

وانا مثلها ابي اسوي حق خطيبي بس ما اعرف شو اسوي وهو مسافر عقب كم يوم للدراسة

الفزعة يابنات المنتدى :shy:

يا ختي شيلي الحياء عنك..........وفرفشي وخلك طبيعيه..........بس ما فهمت قصدك ايش تبين بالضبط,,,,,,,,,,,يعني كيفيه الاستقبال ولا تسوين له عشاء ولا كيف؟؟؟ولا تبغين تعملين له حركه وهو موجود عندك ؟؟

يا هلا والله بام ناصر

سمسومه

عزيزتي
المشكله اني بطبعي خجوله وجاء خطيبي خجول

وهذا اللي خلاني اتمسك بخجلي اكثر

كيف اصير جرئيه وهو خجول..!

عزيزتي خطيبي بمدينه غير مدينتي

وما راح اشوفه بهذا اليوم لانه صعبه يجي عندنا

ابغه منكم حركه حلوة لهذا اليوم

اشكر لك اهتمامك

وينكم يا بنات كذا تخذلوني :sad:
ما بقي غير اليوم وبكره وانتم ما رديتوا علي ما توقعتها منكم :no:

شوفي بما انه بعيد و بما انك خجوله ...اكتبي له لان انتي ما بتقولين الكلام و هو مب موحود جنبك فانسي الخجل شوي


اول شي يوم بتصير الساعه 12 في اليوم قبل ذكرا الملكه يعي ليله الذكرا ..ارسلي له مسج على جواله تباركين له على يوم الملكه و تقولين مبروك علينا و ان شاء الله نبقى مع بعض دايما ...يعني اي اشي يجي في بالك ...


و علي الايميلات ارسلي له بطاقات .....عندك مثلا اعنيه كل عام و انت الحب موجوده على البطاقات ...و في وايد بنفس النمط دوري هذي البطاقات و ارسليها ...و في وحده منهم اكتبي كل الي بخاطرج ...و لا تستحين ...قولي ان شاء الله دايما نكون مع بعض و يجبعنا بيت واحد يعني من هذي الاشياء ...و اذا ما تسمعين اغاني في بطاقات يكون بس مكتوب فيها كلام من غير الاغنيه


و ممكن اذا تعرفين محل ورود في مدينتج و له فرع في مدينته او محل كيكات ...تتصلين و تسون طلبيه ... و اذا عندهم توصيل خليهم يوصلون له البيت في وقت انتي عارفه نه موجود بالبيت او انك تقولين لاخته تروح تستلم الباقه او الكيكه


و الافصل من كل هذا انك تعزمينه بيتكم علشان تحتفلون مع بعض .. و اذا ما يقدر ابدا ...ما عليه اول مره يزورج فيها ... و سوي كيكه و شتري له هديه و عشا و حاولي انج تسوينه بنفسج و اذا ما تعرفين على الاقل دوري اكله سهله و سويها شي واحد على الاقل تكونين انتي مسوتنه .... و ممكن تشوفون صور الملكه مع بعض ...او اذا ممكن حتى تلبسين فستان الملكه اذا حابه و اذا لا ...البسي فستان ثاني ...بس لازم فستان سهره علشان يحس ان الجو اليوم غير عن كل مره ...و تزيني كانك اليوم ملكتك ...


لا تنسن الهديه (ممكن تشترين له ساعه ماركه ...او قلم او محفظه او بزم ما ادري كفلج على حسب شو تسمونها اذا يلبس ...او عطر )...بس لازم يكون اي واحد منهم ماركه عليها القيمه ...و انتي و حسب ميزانيتج ..تنقين الهديه و الماركه .. و تغلفينها بطريقه حلوه ...

و طبعا تزينين الطاوله الي بتحطين عليها الاكل ...بالشموع او الورد ...يعني انتي و ذوقج ...مكن الورود و الشموع يكون بلون الفستان الي بتلبسينه ...

و اذا تبين افكار للتزين المكان ...في المنتدى في واااايد افكار ...شوفي الي يناسبك


بالتوفيق و رب يسعدك و يهنيك و يتمم لك على خير ان شاء الله و نشوفك احلى عروس ان شاء الله

مرسي الف الف شكر مرمر :clap:

الله يخليك ويعطيك العافيه

اشكرك اختي لاهتمامك

تقبلي تحياتي وتشكراتي المعطره بالمسك والبخور