بنات ايش لازم نقول لازواجنا ؟؟

الأخت غدا
اذا ماعندج مانع اقول رايي في الموضوع خبريني
لأني متزوج وعندي خبرة
صراحة انا حاس انه موضوع حريمي
لكن اجابته تلقونها عندنا نحن الرجال

اهلين اختي غدا

اولا ليش تسبقين الامور الشي اللي تكرهينه في جسمك يمكن يعجب
زوج المستقبل وهذا الكلام عن خبرة

وبعدين ليش تقعدين تطلعين في نفسك عيوب يمكن زوجك غافل عنها
خليه مولازم يشوف :D2
وبعدين اهم شيء الصدق والدلال والدلع والتغنوج هذا اللي يحبب الزوج
يعني تصرفي طبيعي واياني واياك تقولين له عيوبه او تقولين له عيوبك
خليه هو يكتشفك ويعرفك
ودائما احسني الظن فيه وفي اللي حولك صدقيني فذاك الوقت تملكينه

:up:

واخيرا خليك غامضه وحبوبة ودائما مايعرف وش الخطوة التاليه اللي تبين
تسوينها خاصة وقت الزعل
وعليك بالدموع هي السلاح الفتاك :confused:

الاخت غدا...

لاتخبرينه ولا شي... وبالنسبه للخطوط هذا شي عادي ممكن من السمنه

وممكن بعد الزواج تجي من الحمل والولاده... والحين الطب تتطور ولها علاج

بإذن الله...

اما اخوي عاشق القطط....الصراحه مافهمت ردك هل قصدك انها الافضل

اتقوله :think:

ليش؟؟؟؟؟؟؟:think:

السلام عليكم ورحمة الله وبركاته


اختي الغاليه الله يكتب لج ان شاء الله اللي فيه الخير

بس بقولج شغله
واهم شي

وحطي في اذونك

واستخدميه في كل امور حياتج

لا تتكلمين عن ولا عيب ولا عله ولا طبع مو زين فيك

نهائيا

يعني اذا فيك عيب الله لا يقوله خطوط بيض - سمنه - كرش - شعر زائد في الجسم - لون البشره -حبوب - اسنانك - وغيره وغيره من الاشياء

بالاضافه الى بعض اطباعك اللي تحسينها غير مرغوب فيها

لا تتكلمين عن ولا شي

اولا لان الله صورك وخلاك في هالشكل

ثانيا كلامك بأثر على زوجك وانتي اللي راح تخلقين عنده الانتقاد - اذا تذمرتي من حالك او من خطوط او غيره - اشكي حق اهلك وبس ولا تشكين حق اهله حتى

ثالثا اذا واجهك او عرف ان فيك خطوط او غيره من العيوب قولي له ان شاء الله تروح او تختفي وهذا قدر والله صورني جذي


رابعا خلي زوجك اهو اللي يعرف من نفسه اذاعرف او لاء يكون احسن
يعني لا تجيبين طاري لعيوبك جدامه


خامسا حاولي انج تدارين عيوبك بالملابس بالكريمات بالعلاجات ولا تهملين حالك



والله يسعدك ويوفقك ولا تنسين ان المرأه هي اللي تخلق من الرجل الشخصيه اللي تناسبها

:up:

لا أتقوليله شيء هو أصلا ما بيعرف

حبي عيبك الناس تحبه

هذا مثل مصري وبعدين هاللي فيك مو عيب الله اكبر من زينهم عاد هم كلهم شطوب وشخوط الوان قوس قزح

لاتقولين له شي ابداااااااااااااااااااااااااااااااا

ولما يسالك من احلى وحده شفتيها او اي شي قولي انا احلى وحده اوكي لاتحاولين تعيبين في عمرك او تقولين شي شين فيك

موفقه يارب:shy:

السلام عليكم ورحمة الله وبركاته

أختي شوفي هذا الموضوع...و الذي تمت فيه مناقشة هذه القضية من قبل...

الموضوع من هنا

NO
ماانصحك بالمره اياك تعمليها والله راح تفتحين على روحك باب انتي غنيه عنه

لأنه يوم تذكرين عيوبك له ... راح تعطينه فرصه وممكن ينتقدك بالروحه والجيه.
وراح يقارنك بالحسناوات من غير مراعاة لشعورك

شو خطوط مو خطوط

حبيبتي الزواج أسمى وانبل واهدافه غير عن اللي أنتي ببالك أنتي بتتزوجي وبتشوفي بنفسك.

مافي داعي تقولي له مثل هذي الأمور الوحده تظهر محاسنها أمام زوجها ومافي أنسان خالي من العيوب.


وبعدين اللي تصارح زوجها بعيوبها هذي اللي يكون عندها عيوب خلقيه ظاهرة مثل هذي البنت هي الحرام أنها تكتكم على زوجها مثل هذا الشي عشان ما ينصدم بعدين.

أما سالفة انه عندك خطوط بيضا أو غيرة هذي أشياء أعتقد مالها لزمه أن الواحد اصلا يذكرها لكن احنا البنات أي شي يخص بشرتنا او جسمنا تحصلينا بقلق دائم.

عموما مبروك عليك إن شالله والله يتمم عليكم بالف خير

لا لا لا لا لا





لاتقولي له أي شيء ...





لو كان هو مو منتبه لأي عيب في جسمك ... راح ينتبه لو قلتي له ..






لأن أغلبية الرجال ماينتبهوا ...




ولو انتبه من نفسه ... أكيد ماراح يعلق أو يقولك عشان مايحرجك ...

ماادري والله ماعندي رد :pain:

بس بجول لج سالفة وحده من اهلي كانت مصابه بمرض جلدي برجلها بالاخص وكان يروح ويرجع لها ومافي علاج فاد فيها بس يوم كبرت وبالاخص قبل زواجها بكم شهر بداء يخف

والحين عندها في ركبها شوي وعند القدم ويوم زواجها طبعا حنوها فأنا سالتها شنو بتجولين لزوجج جالت بسكت لانه حاليا ماينبان بالحنه لانه لونه مثل لون الحنا
وجالت عقب الحنا تطلع بجول له حساسيه جاتني بسبب الحنا :D2:D2 " ان كيدهن عظيم "
تجول لو هي جالت له انه مرض من صغرها بيتم يفكر ويحتاس طول عمره وبيخاف واقل شي بيتحسس منها ويمكن يعايرها ليش ماجالت له من قبل الزواج و و و و
لكن يوم يعرف انه صابها بعد الزواج هني مابيفكر وبيجول مكتوب عادي


تدرين بالبدايه كنت مامقتنعه وحذرتها وجلت لها اتوقع انه حرام تخشين عليه مثل هالسالفه
بس والله ماادري هل كان المفروض تجول له ولا لا
والحين هي عايشه سعيده وعندها ولد وعمره ماجرحها وبالعكس تجول ماينتبه انه هالشي فيني وماخذه السالفه عاديه


بس تظنين لو كان عارف هالشي من قبل الزواج وعارف انه من صغرها اكييييييييد كان بيتضايق ودوم يفكر بالسالفه صح ولا لا

بس انت والله ماادري شنو اجول لج يمكن هو مابيلاحظ فليش تجولين له وتخلينه دوم يدقق في جسمك ويحس انه في شي غريب

عاد انت وحظج لو طحتي على ريل مدقق حسابات :D2:D2 رحتي وطي
ولو طحتي على خبير كمبيوتر وعقله كله بالنت :pain: مثل ريلي عاد اجول لج مبروووووووووووووك انت الاجمل والاحلى والاكمل ولله الكمال وحده في نظره بالكون كله :D2:D2

صح نسيت اجول شي
هالبنت لها اخت اكبر منها فيها نفس الشي بس اقل منها ونفس الشي بركبتها وقدمها وصار لها 11 سنه متزوجه وحياتها سمن على عسل وهي جالت لزوجها ايام الخطوبه وورته لانه بسيط بس ماتاثر ابد ولا تضايق ولا حاس بي هالشي

وقرار الاعتراف يرجع لج انت بروحج :smile:

لا تغلطين غلطتي ما شالله علي اي حد يشوف جسمي يقول شاكيرا :cool2::cool2:طلعتلي كرشه صغيره عقب الاجازه مثل اي خبله قلت حق خطيبي انا مسويه دايت عشان اخوز الكرشه!!!!!!!!!!
قال اي كرشه ما فيج!!!:eek2:

لالالا فيه بس انت ما تجوووووف:s2

والحين كل ما يتصل يقولي ها ما خازت الكرشه:down::down::down:
يباها تخوز بيومين الحبيب وكل يوم محاضره عندي

انا برايي ما تقولينله لنه اتوقع الريايل ما يلاحظون الأشيا اللي الحريم يلاحظونها....يعني خليها مستووووووورة:cool2:



عاشق القطط...قولنا رايك عشان الكل يستفيد خصوصا أن الجواب عندكم انتوا يا الريايل:smile: