مشكلة تعرفت على ذاك الشاب منذ ان كانت في الثاني ثانوي .. طيب وألحين الحل ؟

بسم الله الرحمن الرحيم
اولا احب اهنيك بصراحتك مع صديقتك ونصحك لها
ثانيا هو لو من جد يبيها كان خطبها حتى لو كان طالب هذا مايمنعها كثير شباب خطبوا وهم طلبة وتزوجوا بعد ما خلصوا دراسة لكن انا انصحها انها تتركه لأن ما بني على باطل فهو باطل وما اعتقد ان في شاب بهل مواصفات ويرضى يتزوج وحدة كان يعرفها قبل الزواج

من ترك شيئا لله عوضه الله خير منه

السلام عليكم ورحمه الله وبركاته
حال صديقتك حال اكثر الشباب
والمهم مابلف وادور... بدخل بالموضوع
اذا كانوا الاثنين مايقدرون يفارقون بعض
وكل واحد يحب الثاني فليش تقاطع الشاب؟؟؟
وهو على افضل حال مسلم ... متدين ... بار
... محترم والخ الخ
يعني تثقل احسن من المقاطعه على شان ماتكون
بنظره خاينه وغير مخلصه

واذا كان هو بالاساس مايكلمها لازم يوضح لها وضعه
وبما ان يقول لها بيقاطعها فمعناها ماكو زواج للاسف

ولكن اتمنى من كل قلبي ان ربنا مايفرق بين المحبين

ولكم تحياتي

أول شي ..

فيه شي استغربت منه
عادة طالبات ثاني ثانوي تكون اعمارهم 16 سنه
يعني اذا صار لها 3 سنوات المفروض عمرها اللحين 19

يا بنت الحلال خليها تتركه
وتتذكر امها وابوها
وثقتهم
خل تحط ربها و امها وابوها بكف
وحبيبها بكف


وتشوف من اللي يستاهل ؟

:no: :no: :no: :no: :no:

لا حول ولا قوة إلا بالله

يعني الواحد يأمن على بنته أنها تستخدم النت ويحسبها انها تستخدمه بأشياء مفيده كمشاركتها بالمنتديات والمعلومات وهي اتاريها تكلم الشباب وتايهه بين هذا وذاك.

يا عزيزاتي ما بني على باطل فهو باطل والبيت لمن ينبي بأساسات غلط ينهد على روس أصحابه.

نصيحه تترك هذا الشاب وبلا هالمشاكل اللي ما منها فايده وصدقيني ثم صدقيني الله سبحانه وتعالى ما ينسى حد ابدا أبدا بيجيها نصيبها ولو كانت محبوسه ورا الجدران .

نصحيه خلها تضم حبها وشوقها لزوجها مو لحد غيره ومافي رجل بالدنيا كلها بيوثق بوحده تعرف عليها عن طريق الأنترنت شو دراه يمكن كلمت حد غيره. وحتى هي صدقيني بعدين من تشوفه جالس ورا النت أكيد بتصيبها الغيرة والشك وبتقول اكيد يكلم وحده.


والله انا لمن أشوف هالمشاكل أخاف واجلس افكر عيل يوم بيكبرو عيالنا شو راح يعملو إذا من الحين الدنيا ضايعه .

هلا

كلمه مش كلمتين إذا هو يبيها بسوي المسحيل عشان يحافظ عليها ويريحها.
واذا هي تبيه فعلا راح تصبر عليه وعلى ظروفه. وشو يعني 3 سنين راحت اهم الشيء الحب والأحترام من بينهم لسه موجود.
وليش تقولين عيبه انها تكلمه ... ماأعتقد عيب .....!!:s2

والله يسهل الأمور

السلام عليكم ورحمة الله و بركاته ...

يا جماعة شو اللي صاير...

و الله ينحرق قلبي من مشاكل تعرف البنت على شاب...

و الأدهى و الأمرّ إنها تكون واثقة من نفسها...و ما ترضى تقبل أي نصح من أحد...كإن البشر كلهم صاروا أعداءها...

هو قاعد يلعب...و كلامه مفضوح و باين...الشاب المحترم اللي ( بار بأمه )...كلّم أمه في الموضوع طيب...فهمها إنه نفسه يتزوج ؟

و طبعا يتكرر السيناريو...و الأم ما توافق...و الحبيبة يتقطع قلبها...و تسهر الليالي...و هو يغير و يروح على واحدة ثانية يلعب عليها...

و أكثر شيء يغيظ لما يقولوا : ( إنسان ملتزم يحافظ على الصلاة ) !!!

ليش هو شو تعريف الإلتزام ؟؟؟؟؟

إنه يدخل البيوت خلسة من الشبابيك... ؟؟؟

مش الصلاة تنهى عن الفحشاء و المنكر ؟

هم اللي يعملوه مش فحشاء و منكر يعني ؟

شو فايدة صلاته إذا ؟؟؟؟؟

أختي...اطبعي كلامي و كلام الأخوات و خليها تشوفه...و أعتقد هي كبيرة و عاقلة...و واضح إنها نفسها تنقرص من هذا الإنسان...لذلك كل واحد حر في حياته...لو ما رضيت تسمع النصيحة...انتظري شوية...و قريب راح تواسيها...

و الله صعبان علي الأهالي اللي يربوا و بناتهم يخونوهم بهذا الشكل..


لا حول و لا قوة إلا بالله...

اختي مذهلة البحرين ..

انتي قلتي ( وليش تقولين عيبه انها تكلمه ... ماأعتقد عيب .....!!)

إلا عيب ونص وربع ... أصلا هذا الولد ما يقرب لها .. محرم عليها

بأي صفة تبغينها اتكلمه ؟

انا بحاول معاها .. وترى أصعب جهاد جهاد النفس ...

داخل نفس الانسان تدور اكبر المعارك .. بس من ينتصر فالنهاية

الله العالم .. !!

والله ما تقصرون .. ومشكورة يا ام انوار على نصايحج

وانا بخليها تقرأ الردود يا اختي مرموم .. وان شاء الله خير ..

لحظة لحظة

اذا تبين الصراحة عاد اكبر عيب انك تعرفين وحدة مثلها على قولتك تكلم واحد غريب ومحرم عليها,:s2

والثانية انتي بالمره ماتكلمين اي رجل غريب بالمره ....!!!
خلك صريحه وواضحة مع نفسك وجاوبي بمنتهى الصدق والذمه

يعني انتي ما تشتغلين وماتروحين دوائر حكومية وماتسوين اي معاملات

ماعندكم سواق وماتروحين السوق والمشاغل...؟؟؟؟؟؟
وكل ماتم ذكره تتعاملين مع حريم وبس.

شي مومعقول ولا منطقي بالمره:pain:

وانتي أذا وايد متشدده كيف تكون صديقتك كذا اعتقد في حلقه مفقوده ....!!!!!!!

السلام عليكم ...


حبيبتي مذهلة البحرين .. مافي حلقة مفقودة ولا شي

تعاملي مع الموضوع بكل بساطه .. تراني والله مو متشددة

وانا تكلمت مع شباب محرمين عليي مثل ( السايق و الاساتذة في الجامعه

اللي يشتغلون في المحلات .................إلخ)

بس هل ياترى انا أكلمهم بنفس طريقة وحده اتحب واحد ؟؟!!!!!!

اللي اعرفه إن بين المحبين أسرار .. وما أدري شو يقولون .. بس أكيد

الشرع ما يرضى ..


ومشكووووووووووورة على مرورج على موضوعي ..

اتمنى ما تكونين زعلانه مني .. :smile:

لا ياقلبي انه موزعلانه منك
:D2
وصحيح بين الحبيبين اسرار على قولتك بس نحن نحسن الضن .
هم يكلمون بعض من باب التفاهم في امورهم المستقبليه عجل اشلون تقوله تعال اخطبني واللزي منه
وهو اشلون بيرد عليها
فهل من المنطق يستعملون الحمام الزاجل......؟؟؟؟؟:cool2:

لا طبعا

عموما اختي الله يوفق الجميع

:smile: الله ايوفق الجميع ..

خليها اتحطه امام الامر الواقع................

الزواااااااااااااااااااااااااج

اذا فعلا يبيها...بيخطبها على الاقل

يحجزها عن اي حد غيره ياخذها بداله.... لين ما هو ايدبر اموره

أنا أقول لازم البنت أتفاتح حد من اهله بالموضوع امه خواته و لازم ما يكون هذا الموضوع سري لازم تنكشف الأوراق و يطلب إيدك ترى انت غاليه

مابني على باطل فهو باطل حتى لو تزوجو

من ترك شيئا لله عوضه الله خير منه

hello ya gm3a

2na lia ra2i tani 7'eles

hia momekn te2olooh 7aga basita 2oi
te2olooh 2e7na ma neklmish ba3ed 3lshan rabena yebarik el 3ilaka law fih 7'er

wi inshaa allah lama el zerof tesma7 wi te2der tet2dem rabena yebarik lina wi yesahil

dah ra2ii

السلام عليكم ورحمة الله وبركاته



على فكرة اربيعتي وحبيبها اثنينهم قروا الموضوع ..

أنا خبرتها تقرأه وهي خبرته .. ولمن قرأ الموضوع قالها

كلام مدهشة البحرين عجبني وانا أأيدها ..

قالت له بس انا ما راح أكلمك .. قالها مليتي

قالت لأ .. بس ما بني على باطل فهو باطل

انا مستانسه لأنها خذت خطوة جريئة .. بس انشالله هو بعد الله يهديه

وما يظن فيها ظن السوء .. ما يظن فيها ان ملت منه ..

ان شاء الله يقدر يتفهم الوضع ولا يؤثر عليها

والله يكتب لهم نصيب لمن يكبرون اشوي :smile:









بس ادعولها ما ترجع اتكلمه .. لأنها كل مرة تتركه وترجع اتكلمه .. الشيطان وما ايسوي..

لو كان يبيها كان خطبها من زمااااااااااان
ومن ترك شيئا لله عوضه خير منه والله يعينها