أيام وانشاء الله بولد...بس؟؟؟؟؟؟؟؟

الله يسهل عليج انشاءالله واتقومين بالسلامة حاسة فيج والله

لاني مثلج وايد اتعب في النوم وخاصة يوم اتقلب


وانا موعد ولادتي 17/8
ادعووووووووووووووووووووولي ياحرييييييييييييييييم ويابنات

وايد خايفة لانه اول حمل لي :confused::confused:

[CELL=filter: glow(color=royalblue,strength=5);][ALIGN=center]تقومين بالسلامه ويارب أيسهل عليج[/CELL]

السلام عليكم ورحمة الله وبركاته

الله يقومكم بالسلامه خواتي

طمنونااااااا

ولك مني كل التقدير والأحترام

مملكــة القلوب

الله يسهل عليج يارب وتقومين بالسلامة:smile:

الله يقومك بالسلامة وتبشرينا عليك يارب وتجيبي بيبي طبيعي

تقومين بالسلامه إن شاء الله
:up:

السلام عليكم دلوعه

وعليه حبيبتي باجر موعدج يعني

الله يسهل عليج ياقلبي

ادري متأخر ردي بس الكلام لج ولكل البنات لا تتقلبووون وايد خصوصا في الشهور الاخيره

واذا تنبون تنقلبون قوومو قعدو انقلبو

اعرف وحده الى قبل ولادتها باسبوع كل شي تمام لكن كانت وايد تتقلب والتف الحبل السري على رقبة بنتها وماتت قبل موعد الولادة بيومين

مابي افاول عليكم ان شاء الله ماعليكم شر كلكم بس .... خذو حذركم :pain:

الغالية نورة تسلمين على النصيحة وعني انا اقول:"قل لن يصيبنا إلا ما كتبه الله لنا"،،، الغالية وايدات اللي يجلبن وما يستويبهن شي وويدات اللي ممكن يتأثرن لكن ها كله عند رب العالمين،،، انا الصراحة زغت يوم قريب تحذيرج بس شو بنسوي التجلب لابد منه والوحدة ما تروم تم على ينب واحد خصوصا انه اعظامها وعضلاتها في الشهور الاخيرة متكسرة،،، وما تروم ترقد عليهن فترة طويلة،،،وحركة النشة هاي بين كل جلبة الصراحة وايد صعبة وما تخلي الوحدة ترقد بسلام،،، يعني على كل جلبه لازم انش عنبوه شو ها التعذيب،،، انا سألت ثلاث دكتارة عن ها الشي وحدة قالتلي سوي هاي الحركة احسن عشان الحبل السري ما يلتف،،، ويكون افضل تنامين على الجنب،،، والصراحة استغربت ليش افضل من ناحية الجنب وشو دخله في الحبل السري،،، يعني اذا رقدت على ظهري بيلتف الحبل السري ولو على الينب ما بيلتف،،، مب فاهمة العملية الصراحة ياريت اللي فاهم يخبرني،،، والدكتورتين الثانيات قالن لي ما عليج خذي راحتج على الاخر ولا تنشين ولا شي ولا عليج من اللي يقولون هاي الرمسة،،، حتى وحدة منهن كانت هندية وتقولي كيف يعني بتوبلين تنشين بين كل جلبه والثانية وهيه تطالعني مستغربه جني وحدة غبية،،، اصلا الياهل امبونه وانتي يالسة مستقرة تحسينه يلف بروحه،،، يعني يت على الرقاد،،،

المهم ما يمنع انه الوحدة تاخذ احتياطاتها والله ان شاء الله يولدنا جميعا واطفالنا بالسلامة

الله يقومج بالسلامه وتولدين وتجيبين نونو عسل..:shy:

الله يسهل عليج وعلينا يا رب موعدي قريب مثلج