أحتاج أفكار لترتيب أغراض العروس

حبيبتي ياريت توضحين أكثر عشان نقدر نساعدج

مافهمت شقصدك
حنا ماحد يشوفك وانت تدخلين اغراضك
يعني الملابس في الشنط والفساتين في الاكياس الخاصة

وتنصف في الدولاب وتسكرين بابه وانتهى الموضوع بعد ماتصفين اغراضك;)

قصدت انه لما انقل اغراضي من بيتنا للبيت الزوجيه تكون الأشياء مرصوصه بطريقه حلوه في سبتات وصناديق غير الشنط للملابس

احتاج طريقه يدخل فيها مكياجي واكسسواراتي وعطوري

احنا يجوا اهل العروسه خالاتها وجداتها وعماتها الكبار
وبعد ما نخلص يجي اهل العريس وأكيد بيشوفون ترتيب الغرفه

هلا الدلوووعة....

طيب حتى لو حطيتيهم بصناديق حلوووة ، وزينتيها ، بعد كذا راح تصفينهم في أماكنهم

في غرفتك........مو صح ؟؟؟؟

وش الفائدة من التعب والتكلف على تزينهم ....!!!!

المهم .....

إكسسواراتك ...ممكن تحضرين لها صندوق خشبي معتق ..

وأعلى الصندوق (( الغطاء)) يزين بعقووود من اللؤلؤ ....طبعاً مو حقيقي .وأساور ، وأحجاااار ، من الأنواع الرخيصة .

وتثبت بشكل متجانس ومرتب على السطح........ويبقى هذا الصندوق ذكرى عندك....

ومن الأفضل يكون بألوان غرفتك.....مناسب لها....:)

وبالنسبة للمكياااج.....

تعرفين الفلين الأبيض ألي يجي مع الأجهزة الكهربائية والأثااث......

فيه نوعية ممكن تتحكمين فيها ..........إعملي عن أحد مختص بالهدايا

مثل (( الشفاااه )) المفتوحه...........ويصف في داخلها المكياج وتغلف وتزين بالشرائط

هاااه وش رأيك بالأفكاااار ........؟؟؟؟؟

إن شاء أعجبتك.......:)

أختك:همسة

حلوة ياهموسه فكرة الشفايف ممكن توصفها للمحل وهو يسويها بس مو شرط روج احمر لازم لون يتماشى مع الوان الغرفة
مثل درات الوردي

بصراحة الاخت همسه افكارها وااااايد حلوه ...

وانا عندي فكره بسيطه تنشالله تعجبج ....

ممكن اتيبين علبة الهدايا واتحطين في داخلها وروود مجففه واتحطين فيها العطور اول الملابس الداخليه او اي شي....

وبالتوفيق لج ولكل الاخواااااااااات :D

شكرا على الرد هموسه.. فكرتك حلوه..بالنسبه للصناديق أنا بستفيد منها لأني بحط أشيائي الزايده وأغراض زوجي وطبعا انتوا عارفين الرجال خرابيطهم كثير..

فكره الشفاه حلوه بس مو عمليه لأني ما رح استعملها بعد كذا صح.. عجبتني الفكره وبحاول اتخيلها...


شكرا حبيبتي الجميريه على الفكره عجبتني...

ممكن تستعملين المندوس مثلا واحد كبير للملابس ومتوسط للملابس الداخلية واصغر للعطور والمكياج 000وتزينينه

مشكوره حبيبتي بنت بلادي... بس وش هو المندوس؟؟

المندوس هو الصندوق الخشبي المزين بدبابيس ذهبيه وهو من التراث 000
معروف عندنا في الامارات بالمندوس اتمنى تكونين فهمتيني
:o

مرحبا خواتي حبيت اضيف على كلامكن الحلو وهو انا الحين موضة المناديس وهي تكون افخم واحلى من الصناديق العاديه وخاصه يوم تغطين المندوس من داخل بقطعة قماش لونها احمر غامق حرير وتكون نازله من المندوس وبس هذي فكرتي
بااااااااااااااي..........;)

أختي الفاضلة بنت بلادي
أعجبتني فكرة المندوس كثيرا .. يعني أنا صحيح مش من الأمارات لكن على وصفك الباين حلو وخصوصا أنو من التراث .. بس ياريت ياأختي لو في أمكانية توضحيلنا شكلوا بصورة له أو آي صورة تقريبية .. وكم سعره بالدولار .. وبينباع مندوس واحد أو مجموعة منه بأحجام مختلفة .. فأنا بصراحة أفكر أني أبعث عليه وأشتريه لأن أنا كمان فرحي قريب وعندنا عادة عرض ملابس العروس وباقي أحتياجاتها أمام المعازيم في يوم خاص بهذا التقليد..
وشكرا ليك حبيبتي;)

اخواتي ابشاركم الترف الي صار هلحين وبقول لكم افكاري ....
على دولاب صغير وجميل جداً في الحمام ينحط حاجة مغلفة مثل الهدايه طبعاً عند محل الهداية ...
( كريمات للجسم ومزيل عرق وآلة حلاقة وكريم حلاقه وكلونيا الفواكهة وليفة وبعض الصابون والجل ) خاصة للرجل . وحدة مثلها بعد اشياءك
وعلى التسريحة سلة في منتها الروعة من كريستال زجاجي فيها طقم العروس عطر وبودرة وبخاخ شعر وكريم والتغليف عليه شرائط ساتان لون كانه شاهي بحليب ومناسب لون الغرفة ....
اما الداخليه كلها محطوطة بسلة قش ومغلفة تغليف رائع وكذالك الستيانات بسلة اخرى .... ومحطوطة داخل الدولاب والقمصان معلقة فوقها ...بمعاليق خاصة للعروس الي اسفنج عارفينها يبنات تلقونها عند محل المفارش ...
ودولاب التطبيق مفروش بمفارش رائعة ....
وفوق التسريحة محطوطة علب دائرية ثلاث كان فيها المكياج وعلببتين مستطيلة وحدة فيها الفرش وحدة فيها الاقلام المحددات وغيرة ..
والمنظفات فوق التسريحة والقطن بعلبة دائرية حلوة ودلاب الذهب وعلبة مستطيلة شريتها من تركيا كانت من الخشب ومنقوش عليها للاساور وعلبة مثلها دائرية للخواتم
وصنادلك الي تستخدمينها في البيت القطنية او الاسفنجيه مافي مانع حطيها باحد الادراج .... اما جزمك الاخرى حطيها بدولااب جزم خارج غرفت النوم عشان ريحت الجلد لايمسك با الغرفة ...
بس هذا الي فا كرته ...:(

السلام عليكم ..
فكرة هذه العلب حلوة .. يمكن تفيدكم في وضع بعض الأغراض مثل المكياج والعطورات...

مرحبا .. ممكن أشارككم الموضوع ..

انا أشوف إن الملابس الداخلية غالباً بتكون أطقم .. خذي كل طقم وحطيه في علب هدايا صغيرة ( على قد الملابس الداخلية ) وأحلى لو كانت هالعلب على شكل صندوق .. صففي العلب بسلة كبيرة بشكل مرتب مع قمصان النوم .ز بحيث قمصان النوم تلفينها بشكل اسطواني وتربطينها بشريطة ستان .. وصففيهم في السلة الكبيرة بشكل مرتب مع الصناديق ( عاد إنتي وذوقك ) .. وإذا رحتي لعش الزوجية علقي قمصان النوم في الدولاب .. أما الملابس الداخية فحطيها في مكانها المخصص بعلبها الحلوة ..

ابفكر في باقي الأغراض وارجع أرد عليكم .. الحين مستعجلة بروح الدوام :)

اهلين عروستنا الحلوه :)
انا عندي فكره حلوه و انشاء الله تعجبك ....اتجبين شجره (طبعا صناعيه) و توزعين فيها عشش للعصافير و في هذي العشش توزعين بعض الاشياء الصغيرة مثل الاكسسوارات و اغراض المكياج........ اما عن باقي الاغراض فتوضع في صناديق كرتونيه و توضع تحت الشجرة....;)

ياعيني ياعيني عليكم

وين هالأفكار هذي من زمان ياعرايسنا

زيدونا من الأفكار الحلوة

:D<<== مستانسة من هالتعاون

مرحبا أخواتي العضوات
أود أن أشكر الأخت أفنان كثيرا لأن صورها أوحت لي بعدة أفكار
وأرغب بأن أوضح لكم نوعية الصناديق اللي بنستعملها في ليبيا لنقل دبش العروس .. ونحنا عندنا بنسموهم( سباتات )وهن عبارة عن صندوق من الخشب الدائري الشكل ويكون مصنوع من الخشب الخفيف ليسهل حمله ويغلف هذا الصندوق بالكامل بقماش من الساتان واللون الدارج يكون دائما الوردي أو الأبيض ويكون التغليف بالقماش غير متساوي.. يعني كيف أشرحلكم:( ..يعني يكون القماش على هيئة أمواج .. غير منطرح ولكن يقوموا بتقريب القماش من بعض ليعطي أشكال من الأنحناءات... أتمنى أن أكون وصلت الفكرة:o .. وبعدين يلفوا جوانب الصندوق من فوق بشرائط ملونة وبعد أن نقوم بوضع حوائج العروس في صناديقها المناسبة .. نأخذ أقمشة من الأورغنزا أو آي قماش مشابه بشرط أن يكون شفاف جدا ونطرح القماش ونضع عليه الصندوق ونلفه وكأننا نقوم بلف هدية ونضم جوانب القماش مع بعضها ونربطها بشريط ملون بنفس لون السبات والأشرطة المحيطة به.. وتتعدد أحجام السباتات بتعدد أغراضها .. فالكبير منه للملابس وأخر للأحذية والحقائب وسبات أصغر واحد لملابس النوم والأخر للملابس الداخلية .. وأخر أصغر للمكياج والعطور .. بالأضافة لسبات للذهب وأخر لفستان الزفاف وأخر للزي الشعبي وغيره لفساتين السهرة وغيرها.. يعني أعداد السباتات عندنا في الأفراح تبدى من 8 سباتات الى مالانهاية .. يعني كل ماكانت حالة العريس المادية جيدة كل مازاد عدد السباتات .. وفي يوم ( القفة ) أو (الرمو) وهما أسما اليوم الذي يقوم فيه أهل العريس بجلب السباتات لبيت العروس وعرضها أمام المعازيم (وعشان كده نقوم بلف السباتات بقماش شفاف .. لكي لا تضيع حاجيات العروس ولكي لايلمسها أحد .. وأيضا ليتمكن كل المعازيم من رؤيتها دون الحاجة الى أزالة القماش عنها).. وقديما كان العريس هو الذي يتكفل بشراء جميع حاجيات العروس بعد أخذ مقاساتها .. ولكن الأن أصبح العريس يعطي العروس مبلغ معين غير مبلغ المهر وتقوم هي بشراء كل حاجياتها ومن ثم تعطيه لأهل العريس لجلبه يوم (القفة)
وطبعا هذا اليوم يكون في تنضيمه والأعداد له وكأنه يوم الزفاف لأنه مهم جدا بالنسبة لنا نحن الليبين وفيه يكون عدد المدعوين كبير مثل يوم الزفاف وأحيانا أكثر لأن الكل يرغب برؤية ماذا جلب العريس لعروسه .. ومعضم العائلات تقوم بجلب فرقة شعبية تماشيا مع تقاليد هذا اليوم أما في حفلة

الزفاف فلها الحرية الكافية في جلب فرقة شعبية أو شبابية أو DJ...
أتمنى أن أكون قد أفدتكم ووضحت لكم معنى وضع دبش العروس وعرضه في صناديق
مع تحياتي;)