اروع هديه في حياتي كلها ...

[CELL=filter: glow(color=darkred,strength=5);][ALIGN=center]السلام عليكم خواتي... شو اخباركم ان شالله الكل مرتاح...

حبيبت ابشركم انا الحمدالله نقلت لبيتي اليديد ومرتاحه فيه وخلص هم التحويل والنقل وترتيب الاغراض والبلاوي كلها...

المهم حبيبت اخبركم عن اروع مفاجئه واحلى هديه كان ريلي مجهزها لي بمناسبه البيت اليديد ... انا اخوي بتزوج في 30\7 ان شالله وما كان فيه اي امل اني انزل للبلاد لاني النزله في شهر 12 وما يستوي تتجدم هذا اولا وثانيا لانه عنده امتحان قبل العرس بيوم فما يمدي اصلا انسافر .. لانه السفر على الاقل يومين ... وبعد موضوع الميزانيه التعبانه....

المهم على هذا كله كان يسمعني اكلم اخوي وخواتي واتخبرهن عن العرس والتجهيزات وفيني صيحه وغم بس اقول ريلي اهم ..المهم هو من وراي حجز التذاكر وسوى كل شي واول ما وصل البريد على البيت اليديد كان بريد التذاكر .. ويقولي هذا الظرف لتج .. بمجرد ما فتحت الظرف وشفت التذاكر قعدت اصيح صياح هستيري من خاطري وتم ايقول هذا كله بس عشانج وعلشان تستانسين .. والله اني ما عارفه كيف اشكره او اعبرله عن الي في قلبي غير بالصياح... وانا كنت اصيح مب علشان اني بنزل لا والله بس لانه سوى المستحيل علشان ننزل ..هو جدم امتحانه ليوم الاثنين وصار عنده امتحانين وتسليم الواجبات والبحوث وكل شي بنفس اليوم ... بس علشان ننزل ..

ادعوله الله يخليكم وداعولي اتوفق مع ريلي والله يخليلي اياه طول عمري وان الله كتب فراق الله يجعلني زوجته بالاخره ...

اناوايد مستانسه واحس الدمعه في عيوني الحين من الفرح واحب اتشاركوني لاني انتوا خواتي وحبايبي ...
انا ان شالله نازله يوم الثلاثاء ان شالله الفجر الساعه 5 وبوصل اذا الله اراد يوم الاربعاء الصبح ... دعوه منكم خواتي الله يوصلني وريلي وعيالي بالسلامه ان شالله ... وعلى فكره انا اول ما عرفت بالنزله على طول شريت سلل وزينتها وسويت حركه لمسكه البنات بس مو شموع شيء شرات الليتات اللامعه ان شالله بصورها وبحطا لكم بالمنتدى لانكم طيبين وتستاهلون كل خير حبايبي ...

اشوفكم على خير انت شالله ولا تنسونا من دعادكم الصالح ... [/CELL]