طلب للي عنده خبره بالصالونات

جربي صالون شارم في دبي

اختي نورااان في الشارجة صالون ماريوت لموناليزا ما يحتاج اقولج عنه تراه صالون مادح عمره وسمعته طيبه والله يوفقج;)

حبيبتي
أنا بعد أنصحج بصالون شارم بس اطلبي المدام الفرنسية... مكياجها روعة وتسويلج اللي تبينه... أنا تمكيجت عندها حق عرسي والحمدلله الكل مدحني .. جربي وانشاء الله ماراح تندمين

ان بصراحه داخله احسب اني بفزعلك لكن للاسف ماني من الامارات

بس ممكن ناخذ خبره ليش لا............

تعجبوني يابنات على هالتعاون....

الله لا يحرمنا منكم....

أختكم:همسة

مشكوووورين خواتي صراحة على معلوماتكم هذي .. وادري انكم ما بتقصرون عشان جي سألتكم .. بسأل عيل انا عن شارم دبي وبعد بسال عن الماريوت وبشوف .. والله لا يحرمني منكم (l)

شوفي عزيزتي عندج صالون ليندا خليفة ...وهذا اسمها واسم صالونها..معروف في دبي ..اعتقد في الكرامة ...وهي معروفة كانت تشتغل في تلفزيون بوظبي...وسوت لوااايد ممثلات وفنانات في المهرجان والبرامج...مثل نجوى ونوال...

وفي بعد صالون ...منى في دبي ...يقولون اوكي...ومكياجهم حلو... ;)

في الشارجة صالون ايماج ..على ما اذكر واللي تمكيج اسمها هناء...وايد فنانة...

ان شالله دوم تكونين حلوة ومميزة...واحنا تحت امرج الشيخة...;)

في صالون في دبي جديد في مركز الهنا على ما اعتقد و اسمه ( جانيت و .......) ما اذكر الاسم ...و في صالون ثاني اسمه دانييلا ...و في صالون عمرو ابراهيم في شارع الرقه فرع للنساء

عندج في الشارجه بافان ...و حبيت اوضح لج شي ان (هيفاء صفر) غير عن (هند الاميري ) ..الكل يتلخبط باسمائهم

خواتي بس حبيت اوضح شغله
صالون ماريوت في الشارجه انتقل لدبي
و نفس مكانه في الشارجه فتح صالون يديد اسمه موناليزا و ما يخصه ابد في صالون ماريوت
انا سرت هناك من كم يم و انصدمت

عندج مادونا خوري مكياجها وااااااايد حلو ما عندها صالون يعني نفس هيفاء ساكنة في جبل علي واذا تبين اتيج بتيج مكياجها وايد حلو انا انشاءالله يمكن اسير عندها في عرسي.. اذا تبين رقمها قوليلي ,,

بنات نسيت اقولكم

في وحده اسمها ناهيه كانت تشتغل عند ليندا خليفه

تيي لين البيت و تسويلج المكياج
و اسعارها مب غاليه

اذا حد يبي رقمها يكلمني على الخاص

مرحبا بنات
حبيت أشارك في الموضوع
بالنسبه لناهيه تراها ما تنفع لعرايس و مكياجها جدا عادي و أنا امجربتنه و شايفتنه على ناس بعد
و بالنسبه للصواليين فيه صالون وااايد حلو أسمه غوطيس و صاحبته مغربيه أسمها دليله و ألي تبا تشوف مكياجها تشوف وفاء صالح مذيعة تيلفزيون عجمان دايما تتمكيج عندها
و فيه بعد صالون مرام في الشارقه صاحبته مريم عياش مكياجها وااايد رووعه بس مشكلتهم الزحمه ممكن يستقبلون 4 عرايس غير اهل العرس
صالون مشكبار في دبي حلو .. و بعد صالون ايمان في دبي .. و بالنسبه للفرنسيه في صالون شارم الناس أذواق و أنا ما عجبني مكياجها ألين هناك
هند الأميري مكياجها حلو سويت عندها في ملجتي و حاجزه في صالون غوطيس ان شاء الله حق العرس لأنه أمجربينهم في عرس مرت أخوي و عرس أختي بعد
وسلامتكم

مشكورين خواتي على ها المعلومات
بس لو سمحتو اللي عندها رقم هند الاميري
تعطيني اياه..او تعرف وين ساكنه بالضبط
ابغي اسوي عندها مكياج

هلا اختي
انا سمعت عن صالون غطيس في شارع زعبيل بسير اسوي عنده بروفه حق عرسي يقوولوون حلو ...ترا ملينا من مورا ومشكبار والباجي نبقي نغير اشوي.

بالنسبه لهند الأميري عندي رقمها و بحاول أطرشه لج عالخاص ، و صالون غوطيس في الكرامه في مركز الشريفي و لا تستغربون أسمه لأن صاحبته دليله أمسميه المحل على أبوها غوطيس
و سلامتكم

اختي ام سيف انا بعد ابا رقم هند الاميري اذا ممكن

الكل عطاج رايه
انا عن نفسي ما انصحج اتغيرين عن هيفا

وبتندمين اذا سرتي صالون ثاني وبتلاحظين الفرق

وبتقولين لورا قالت

خواتي مشكورات على ها المعلومات الحلوة..

بس اريد اسألكن .. اول مرة اسمع بهند الاميري وهيفا صفر ..

شو هن زينات.. ومنو احسن بصراحة هن ولا صالون غوطيس ؟؟

ارجو الي عندها خبرة تجاوبني ..

وألف شكر عزيزاتي :)

مرحبا اختي خولة
اتعرفين بعد ما صارت سمعة الصالونات زفته والصراحة هاذيل من هل البلاد وفي بيوتهن واريح لج وبالنسبة للاحسن هيفا احسن لان عندها خبرة من عشر سنين وهي دارسة في برايتون ولبنان وفرنسا يعني الواحد يكون مطمن

وان شاء الله تكون عند حسن ضنج