يا عرايس يا حوامل محتاجة مساعدتكم ..

السلام عليكم ورحمة الله و بركاته

اخواتي الحبيبات..

انا دائما من المتابعات لهذا الركن ودخولي عليه يومي.. وبصراحة اضيع اذا ما ادخله يوم..
يمكن مشاركتي قليلة .. بس والله قلبي معاكم.. والله يرزق الجميع الذرية الصالحة يا رب..


المهم ما اطول ولا امللكم..

انا حامل بنهاية السادس.. او قولوا بداية السابع..

تقريباً من فترة اسبوعين بديت اعاني من الم في الفخذ اليسار .. من داخل .. فوق.. واحيانا على جانب المهبل.. هذا الالم احس فيه لما اتحرك او احاول اني افتح رجلي او اقوم بأي حركة تحرك هذا المكان..

ساعات افكر انه المفصل بتاع الحوض..
ولكن احيانا يبين انه عضلة صايبها شد.. او حتى مثل ما يقولون عندنا .. " عرق طافر" عندي..

رحت للدكتورة وقالت لي هذا من ضغط البيبي وهو يكبر .. لانه صاير بجهة اليسار.. وطلبت مني اني ادلك المنطقة اللي تألمني بزيت الزيتون بعد تحميته او تسخينه قليلا..
قمت باللي قالته.. خف الالم بس ما راح..
وبصراحة الالم يروح ويجي.. يعني مو مستمر دائماً، واكثر شيء يألمني لما اصحي من النوم واحاول النهوض من السرير ..وبعض الاوقات يكون شديد لدرجة اني ما اقدر احرك رجلي اليسار بكاملها..

الحين اشوف الالم زاد وارتفع الى جانب مكان البول كرمكم الله..
اخواتي.. احد مر عليه حالة مثلي؟ وشنو اسوي برايكم؟؟

تحياتي

عذراء القلب (u)