مكياج ماك

بصراحة كل شئ عندهم أكثر من روعة ومشهورين بالبودرة المضغوطة والكحل الشديد السواد بس عيبه إزالته صعبة ...

السلام عليكم ورحمة الله وبركاته
أختي الكريمة omboz
كيف الحال
بصراحة انا انصحج تاخذين من ماركة ماك انا كنت ما احب الا الماركات الموجودة في باريس غاليري بس بعدين اختي جربت روج ممن عندهم كانم يوم العيد بصراحة كان جذاب وايد وحلو فرحنا انا وياها وخذت كم روج بصراحة روعة جدا مع المحدد وبالنسبة لكريمات الاساس فهي خفيفة جدا بس انصحج تاخذين المضغوطةمن عندهم لاني جربتها وايد حلوة
اما الاي شدو الوانهم حلوة وثابتة بس عيبها ان كل لون بروحه يعني مش نفس الماركات الثانية اللي تكون فيها كذا لون انصحج تاخذين البلاشر والروجات والمحددات والكحل الاسود العادي وايد حلو وبعد الكلوسات حلوة وايد
عالعموم اذا عندج اي سؤال حاضرين

هلا اختي الله يسلمج ماك عندهم جحال الاسود رهيييب و هم الايشدو
بس اذا تبين تشترين اشياء عدلة بما انج عروس خذيلج من ديور او مك اب فو ايفر عندج بعد كلينك البلاشر من كلينك وايد حلو و كريم الاساس ما تاخذين الا يا ديور يا كلينك بعد...و الايشدو من مك اب فور ايفر او هم ديور
اللي تكون اربع الوان في علبة وحده اسهلج في خلط الالوان و شششششو بعد الله يسلمج الروج من لانكوم وماك بعد الروج عندهم وااو
وسلامتكم

ياحليلكم يابنات ... والله ماقصرتوا ... انتو كده :up::up::up:


بالنسبة للبودرة المضغوطة من مالك ، أنا جربتها ، بس مادري ليش ماعجبتني .... مع ان الكل اللي أعرفهم تعجبهم .. وانتو بعد ... أكيد العلة فيني أنا ...

وبالنسبة للشادو : أنا الصراحة شفتهم من بيعد .. وعجبوني وايد:cool2: بس ماجربتهم .. وسمعت عن الكحل الأسود : انه حلو ...



وبالنسبة لـ ديور .. الكريم الاساس .. هم بعد ماعجبني .. حسيته وايد ثقيل على بشرتي ... لأن أنا بشرتي حساسة .. ماتستحمل ...




ومشكورة وايد وايد ياحلوين ياعسل ياسكر ...:shy::shy:

:bigsmile: :bigsmile: :bigsmile:

ماك ياسلالالالالالام كلشي عندهم حلو ياحلو:cool2:

كل شي رووووووووعه من ماك الشدو الأسود والآي لاينر وقلم الكحل

والماسكرا الشي العجيب فيها انها ما تلصق ابد ابد مثل باقي الماركات

لا كأنك مو حاطه شي وشدييييدة السواد بس هذا اللي جربته

ومعروووووف ماك وايد حلو :up:

بصراحه مكياج مااااااااك ماعليه كلام:pain: روعه وانا اكثر مكياج من ماك لانه الوان حلوه :up:

انا عن نفسي استخدم جفنشي كل شي عندهم ممتاز

هلا أختي ...

أنا قريت لقاء مع خبير تجميل وقال إن أحسن شي عند ماك البلاشر ..
وأحسن كريم أساس غيرلان ..
وأحسن آي شدو شانيل ..
وأحسن كحل وماسكرا لانكوم ..


أتمنى اني أفدتج .....:shy:

بصراحه انا اخذ من عندهم الروجات والقلوسات والاي شدو والبودره المضغوطه وهاي الماركه ماعليها كلام

يعطيكم الف عافيه على هل الموضوع

لانه افاد اللبات اكثير


يسلمو


تحياتي لكم

مرحبتين اختي ..

انا توني متزوجه ومكياجي تقريبا اكثر شي ماك .. حتى شنطة المكياج السوده الكبيره خذتها عشان احط مكياجي فيها .. ولفيت بعد على ديور وكينبو وجفينشي ونينا ...

انصحج بالابوده المضغوطه مالت ماك تستخدمينها بس بشرط تكون اسفنجتها مبلوله شوي مب وايد .. لانها بدون ماي تطلع غبار على الويه ..

وبعد انصحج باساس كينبو وبودرته .. روووووعه حق السهره وخفيف وثابت ..

واذا تبين شي اخف .. عندج من جفينشي الاساس والبودره خفيفه بس مب ثابته وايد ..

بس الشدو والروج والجلوس لا يعلى على ماااااك (حبيب الجماهير ) شدو ماك ثابت والوانه واضحه ويكفي ان شدو ماك الاكثر استخداما هالايام للعرايس ..

وووووو اي شي انا حاضره ..

سؤال لو سمحتم..

هل ماركة ماك موجودة في باريس غاليري؟؟ واذا ما كانت موجودة وين ممكن القاها؟؟

لاني ما احب الف وايد بالاسواق... احب اروح مكان واحد والقى اللي ابيه !1

:up:

انا جربت البودره المضغوطه والبلاشر وفعلا روعه

يعني قبل ما احط البودره شكل وبعد ما احطها

شكل ثاني :cool2: بس مع الاسف ما تهنيت بالبلاشر

وايد لانه بعد اسبوع طاح مني وتكسرت البودره بس

اشوه ليلحين تقريبا صالحه للاستعمال :) وبلاشر

بودي شوب وايد حلو والكحل مالهم اول مره اجربه

وسواده روعه والماسكرا استعمل لانكوم وماكس فاكتور

اللي اطول 40% ..اما الجلوس احب نيفيا وريفلون ولوريال

عندهم الوان جلوس جذي :up: واليوم شريت من جيفشنشي

روجين حمر مع محدد احمر بس رووووعه

اما بالنسبه للشدو انا استعمل بودي شوب اكثر شي

بس يمدحون شدو شانيل وديور ..


اسفه طولت عليج بس حبيت افيدج وافيد البنات

:)

[CELL=filter: glow(color=red,strength=5);][ALIGN=center]بصراحه كل شئ عندهم حلو الأساس والأرواج والظل روووووووووووووعه[/CELL]

ام عبدالرحمن ...

ماك دايما له محل مستقل بنفسه .. يعني تلاقين محل خاص في ماركة ماك .. وعندهم غرفة للتجربه اذا حبيتي .. هذا بالنسبه لقطر ماادري اذا في باقي الدول فيها غرف تجربه والا لا ...

أشكرج اختي على الرد

أنا من الامارات

وزواجي قريب فحبيت اشتري الماكياج من ماك لاني سمعت عن هالماركة وايد والكل يمدحها تقريبا

فحبيت اعرف وين ممكن اشتري منهم في الشارجة أو دبي وممكن تعلموني عن اسعارهم لو سمحتوا؟؟؟ مثل ماركات باريس غاليري؟؟؟

ام عبدالرحمن .....

محل ماك

في دبي .... سيتي سنتر ، وافي ، ميركاتو ... بعد اعتقد له فروع ثانيه :eek2: اتصلي فرع من هالفروع واسئليهم عن الفروع الثانيه في دبي والشارجة .....

اتمنى اكون افدتج ..... :s2