هل الولاده الثانية اصعب من الاولى؟

:eek2: هلا اختي الله يقومج بالسلامه يارب
بصراحه انا الين الحين ما عندي خبره في الحمل لكن انا اللي اعرفه ان الولاده الاولى هي الاصعب مب الثانيه انا سمعت الوالده اتقول ان الولا ده الثانيه اخف من الاولى ..لا تحاتين ولا شي وسالفة العقب لا تشيلين همها ترا مب شرط تيي بعد الولاده الثانيه
هذي تيي بعد اي ولاده ........ بس انتي توكلي على الله ووبلا هالخوف وانشاء الله تبشرينا بولادتج يااااااااااارب:up:

الف الف شكر يا <<<<وردة الحب>>>> على الرد الجميل والله انك طمنتيني وانتي اول وحده بابشرها وش جبت:D2


واتمنى من الجميع ما يبخلو علي بالردود:o

السلام عليكم ورحمة الله وبركاته



ياهلا حبيبتى الخويدم

كيف بتكون الولاده الثانيه اصعب؟؟؟؟؟؟؟؟؟

الاولى بتكون هى الاصعب طبعا

لان التانيه بيكون المكان اتوسع شوى وبيكون له قابليه انو يوسه مع الولاده

وكذلك الحمل نفسه الاول بيكو نصعب

والثانى اسهل وهكذا

ماتخافى الولاده الثانيه اسهل بكتيييييييير جدا جدا



اختك

حبيبه

اختي الخويدم

انا الحين عندي 4 وكل الولادات مثل بعض مافي فرق

بس الناس يبحون يبالغون ويخوفون اللي على الولادة

لاتخافين ولاتحاتين

والله يسهل عليج

هلا الغاليةالخويدم

حبيبتي الولادة الثانية أسهل و أسرع من الأولى

بس سبحان الله احيانا الولادة الثانية تتعسر بإختلاف وضعية الجنين او نبضات قلبه تصير بطيئة

بس بشكل عام الثانية أسهل بإذن الله

يا رب يسهل عليج:up:

لا تخوفيني يا اخت خويدم انا الحين حامل بالطفل الثاني ومابي احاتي

الولاده من الحين بس اللي اعرفه ان الولاده الثانيه اسهل من الاولى

وخواتي جربوها وقالولي ان الاولى دايما اصعب والثانيه اهون بكثير ان

شاءالله..


بس انت لا تحاتين وتفكرين كثير بهالموضوع والله يسهل علي وعليج

وعلى كل حامل يارب....



تصدقين عاد اني خايفه وميته من الخوف من الولاده لان لي تجربه

مأساويه مع ولادتي الاولى وظليت ثلاث ايام بغرفة الولاده ليما تشهدت

ووكلت امري لله وسبحانه ما يخيب رجا احد الله سهلها لي بالاخير

وولدت وعدت هالتجربه على خير...

اشكركم شكر جزيل والله يحقق لكم كل امنياتكم:smile:

والله انكم طمنتوني وريحتو بالي:cool2:

هلا اختي

ماعليك من كلام الناس ولا فلانه وعلانه

الولادة سهاله ويسر من عند الله

وبالعكس الولادة الأولى اني سمعت انها أصعب لأنها تجربة جديدة


مو انتي المفروض ألي تخافي مجربة أحنا ألي بنمووت أول مرة لينا


الله يسهل عليك وعليي وعلى الحوامل يارب


اني بعد بالسابع:smile:

الله يسهلها ويقومج بالسلامه انشاءالله :up: وبشرينا:shy:

من واقع خبرتي لا في شي أسمه أسهل ولا أسمه أصعب يعتمد على كيف وضعية الجنين وكيف صحة الأم إذا كل شي طبيعي ترا الولاده طبيعية

بس عموما في الولادة الثانية عارفه أنتي شو راح يصير لك وبعدين بالولاده الثانيه أحتمال ما تحتاجي لخياطة وإذا أحتجتي بتكون شي بسيط مو مثل الأولى.


لا تحاتي ولا تفكري بشي وكلي أمرك لله والله يسهل عليك:up:

وعليكم السلام ورحمة الله وبركاته

عزيزتي ما عليج شر وعسى ربي يسهل عليج واتنشين بالسلامه

والولادة الثانيه بتكون اسهل باذن الله لانه عندج خلفيه عن اعراض الولادة وكيف اتكون وبعد الرحم يتوسع بسرعة يعني ان شاء الله ما بتاخذين وقت طويل في المنان

بالنسبة لي كانت اسهل من الولادة الاولي يعني ما خذيت وقت والحمدلله الله يسر

عليج بالدعاء

والله يسهل عليج