السلام عليكمو رحمة الله و بركاته
تتذكرون طبعا كلكم كيكة الشطرنج واللي تعبنا وإحنا ناخذ طرق عنها .... الحين بعطيكم هالطريقة هذي واللي أخذتها من العلبة مالت قالب الشطرنج وسويتها والكل مومصدق إني آنا مسويتها وخصوصا إنها مثل الجاهزة تماما وأحلى ... طبعا القالب شريته من وحدة في الكويت .... وكنت من زمان أدور عليه ... بحطلكم شكل القالب أول وبعدين أبلش معاكم بالصور والطريقة .....
صورة القالب
وهذي صورة الكيكة المشهية ... بصراحة لذيذة حيل بس نصيحة لاتحطون الكيكة بالثلاجة لأنها راح تجمد علشان الصوص نوعا ما جامد .... وإذا حطيتيها بالثلاجة طلعها قبل التقديم بساعات وغطيها علشان تطرى ..
الحين بحطلكم المقادير والطريقة بالخطوات .....
&&&المقادير:
** 3 أونصات مكعبات الشوكولا (آنا حطيت 4 مكعبات كبيرة + نص كوب السمي الحجم الصغير) الهرشي
** 4 كوب طحين
** 3 م ك بيكنج باودر
** 1 م ك ملح
** 1 كوب زبدة بما يعادل 2 قالب حجم 115 جم
** 2 كوب سكر
** 4 بيض + فانيليا
** 1 وربع كوب حليب بحرارة الغرفة ...
*****الطريقة :
1. نقوم بوضع المكعبات بحمام مائي حتى تذوب الشوكولا وضعيها جانبا حتى تبرد قليلا ..
2. نقوم بخلط الطحين + البيكنج باودر + الملح ونخله ووضعه جانبا..
3. نخلط الزبدة + السكر بالخلاط حتى يصبح قوامه كريمي ثم نقوم بإضافة البيض واحدة تلو الاخرى مع الفانيليا ..
4. نضيف الحليب والطحين تدريجيا ... إلى أن تختلط المكونات جميعا مع بعض .. وتكون السرعة متوسطة لمدة 30 ثانية تقريبا.
5. نقوم بتقسيم الخليط إلى قسمين (تقريبا كل قسم 3 أكواب) ... نضع على أي قسم منهم الكاكاو المذوب مسبقا .. ونخلط جيدا حتى يصبح لونه لون الشوكولا ..
والحين صار عندج خليطين واحد لون شوكولا والثاني لون أبيض على بيج تقريبا .. نستخدم القالب بالطريقة الموضحة بالصور ... علشان التسهيل ...
الحين الخطوة الاولى تحطين الخليط بالطريقة هذي
يعني القالب الاول تحطين نفس اللي بالصورة والثاني يكون مخالف اللي برة بني واللي داخل أبيض بنفس هذي الصورة
فيصير بالنهاية عندج 3 قوالب .... 1 بنفس الصورة الاولى و 2 بنفس الصورة الثانية ...
الحين تدخلينه على درجة 160 علشان يستوي على راحته وراح يصير جذي ..
وهذا الثاني
االحين تاخذين الثلاث كيكات ... طبعا آنا حطيت صورة أثنين بس لآن الثالث نفس الثاني فماله داعي ...
المهم لما يبرد كلش تحطينهم فوق بعض بالطريقة هذي وبينهم الكريما اللي راح أحط مقاديرها تحت ...
يعني تحطين الاولى وفوقها كريمة وبعدين الثانية وفوقها كريمة وبعدين الثالثة .... لو تلاحظون بالصورة في الكيكة الثالثة بالقالب بعد ماطلعتها ....
الحين تزينين الكيكة على حسب ذوقج بالكريمة ... طبعا آنا ماكان عندي آداة التزيين فخليت التزيين جدا بسيط .... وراح تشوفون باجي الخطوات بالصور ..
وهذي بالنهاية بعد ماحطيت كل الكريمة عليها
وهذي بعد التقطيع
وهذي قطعة من الكيكة :
***الحين نجي إلى طريقة الكريمة :
3 أونصات كاكاو مكعبات (آنا حطيت 2 جالكسي + 4 مكعبات كاكاو كبيرة الخاصة بالحلويات).
5 م ك حليب سايل
3 كوب سكر بودرة
6 م ك زبدة طرية
رشة ملح
1 م ك فانيليا
الطريقة :
يتم تذويب الشوكولا ... ثم نقوم بتسخين الحليب حتى يفور ونبعده عن الفرن، ثم نقوم بإضافة الحليب البودرة ونحرك بسرعة كي لايتكتل ونتركه يدفى قليلا .. ثم نضيف الزبدة السايحة والملح والفانيليا والشوكولا ونخلط جيدا وتستخدم...
هذي الطريقة عطيتكم إياها بحذافيرها وإنشاءالله تضبطون الكيكة هذي .... وبالعافية عليكم ..
منقوووووووووووول
و دمتم سالمين :shy:
