زوجة أخي

زوجه اخوك ساكنه معاكم بالبيت ولا تجي زيارة بس

إذا ساكنه الله يعينكم عليها وحاولو لا تحتكون بيها كثير من هذي النواحي لأنه الولد بعده ابنها هي وأمك لا جدته .

وبعدين بصراحه كلام زوجت اخوك ما فيه شي بس يمكن لأنكم شايفن منها كثير فعشان كذا تنغاضو منها لأي سبب .


الله يعينكم عليها ويهديها هي بعد

أم أنوار

شكراً حبيبتي على ردك على موضوعي ..

بالنسبة لسؤالك اذا هي ساكنة عندنا في البيت ؟؟؟
لأ . هي في بيت واحنا في بيت ..



بالنسبة لكلامها .. ممكن يكون عادي ، بس هي قالتها بطريقة غير عادية .. لو شفتيها اشلون قالت الجملة .. راح تستغربي .. حتى صديقة أمي لاحظت اسلوبها .. وردت عليها..


وهناك مواقف وايد وايد تسويها مع أمي ... وحتى معي أحياناً ..

قولي لأمك وأتبعي بعد انتي هذا الأسلوب لا تعبرنها لما بتبتدي تسوي مثل هذي الحركات وصدقيني النار تاكل عمرها .

وأحمدي ربك يوم انها ما ساكنه معكم

ترا زوجات الأخوان مو كلهن طيبات في منهن تقتلهن الغيرة لما زوجها يطلع أخته بيوديها مكان أو يشتري لأمه أو لأخته شي كأنه حسبت انها لما تزوجته انها ملكته ولازم ينسى هله عشان خاطرها .

فأحسن شي أنه أخوك سكنها ببيت بروحها وإذا سوت مثل هذي الحركات خلي الوالده ترد عليها بأسلوب يحسسها أنها غلطت وبعدين هذي جدته يعني بعد لها الحق .

أم أنوار :

شكراً حبيبتي على ردودك ... واهتمامك في موضوعي ...

هي أحياناً تكون كويسة معانا وأحياناً تكون لئيمة ...


بس والله عيب عليها تكلم أمي بهذا الاسلوب ... المفروض انها تحترمها .. وما تقول أي شي ...


يعني هي تفكر انها الوحيدة اللي جابت ولد وتعرف تربيه ... كأن أمي ماتزوجت ولاجابت عيال ... ولاربتهم وكبرتهم وأكلتهم..


ماتصدقين اشلون أنا مقهورة منها ...

عزيزتي لا تضايقين نفسك والايام تدور ومصيرها تجرب وتنقهر وراح اصبرك بسالفة مرة اخوي الكبير من كثر غيرتها من امي منعت عيالها اللي هم احفادها يزورونها وخلتهم يكتبون على الجدران كلام يسيىء لجدتهم مدري هالناس ما يعرفون الاخلاق ولا صلة الرحم ولا اصلا ما يعرفون ربهم .........
المهم انتي خليك مع امك وواسيها وسعي صدرها........

( بسم الله الرحمن الرحيم )

مرحبا omboz ...

تصرف زوجة أخوك ... يحصل من كل أم أتوقع عندها ولد في هذه الشهور ... وخاصة اذا كان الأول ... فالأم تهلوس كثير عليه وتخاف عليه حتى من الهوا اللي يتنفسه ...

وبما أن أمك تضايقت من اسلوب زوجة أخيك ... واحرجتها أمام صديقتها ..

فهنا الكلام ..............., طريقة التحدث ...ربما لا تقصد لكن أنتوا أخذتوها بحساسية ... لكن يختلف الكلام اذا كل مرة تعامل أمك بهذا الاسلوب ...

اذا تكرر هذا الأمر أكثر من مرة ... فمن الأفضل أن تخبري أخوك ... حتى يعلمها الصح من الغلط ... لأن خالتها بمكانة أمها ... يعني المفروض ماتفرق ...


تحياتي

ليش حنا يابنات حوا نتحسس من زوجات اخوانا وليش حنا ياامهات دوم نحاسب زوجة الابن على كل كلمة

يعني بالله عليكم لو بنتها هي الي جالت لها لا يايمه لا تعطين ولدي الشاي كانت الام بتتحسس بي هالشكل


ياناس مب لازم امهاتنا يكونون افهم واعلم منا بكل شي
اعرف وحده والله والله انها كانت نعم الام في التربيه لولدها البكر والكل كان مصدوم شلون هي تعرف كل شي بتربيه الطفل من يوم ولادته وتخيلوا انه حماتها كانت تعلمها اشياء بعضها تكون خاطئه مثلا الحماة كانت تظغط على بطن الطفل لما تلبسه وانتوا بكرامه الحفاظه مالته يعني تسكر عليه بقوة وكانت البنت تسكت ويوم تودي ولدها الحجره توسع له الحفاظه شوي لانها كانت تشوف امها شلون ربت اخوها الصغير وكانت الحماة تجعد الطفل من هو اربع شهور تخيلوا طفل عظامه هشه ويجعدونه ويحاولون يخلون له مخدات وحركات والبنت تسكت ونفس الشي جعدوه في حجله وهو خمس شهور يعني يحاولون يمشونه بالغصب ورجله اصلا ماتتحمل لانه رجله ماتوصل الارض كانت متعلقه وبس وبكذا الدم ينزل لرجله لكن صارت مواقف كثيره هنا الزوج تكلم مع اخته الكبيره وجال لها كلمي الوالده انه هذا غلط والكلام يجي منك احسن من ما يجي من زوجتي والحمدلله الاخت طيبة قلبها كبير وايد وكانت تتفاهم مع اخوها وزوجته ويحاولون يفهمون الام بطريقة ماتجرحها لانه كبيرة في السن وتدرون غيرة الام من زوجة ولدها
والله في امهات ربوا عيالهم كله بطريقة غلط مو لازم نشوفهم كبروا وتزوجوا بس شوفوا العلل الي فيهم تلاجين الواحد طول عمره يشتكي من معدته والسبب انه والدته كانت تعطيه اكلات غريبه واشياء يشربها من هو في الاربعين وهذه طبعا كلها حركات جداتنا
بس شوفوا الولد ولا البنت يوم يكبرون من شنو يعانون وكله هذا من اثر الاغلاط الي كانوا امهاتنا جاهلين عنها

انا بالنسبه لي تعلمت اشياء وايد من امي ومن حماتي
وكنت اخذ الزين منهم والشي الي احسه غلط اتجبنه سواء من امي ولا من حماتي
امي تعلمت منها شلون هي الطريقه الصحيحه لتغذية الطفل
وحماتي تعملت منها الطريقة الصحيحه في تربية الطفل
مثلا حماتي من انا في الاربعين كان تتحمل وتمسك على روحها ماتدلع الولد وتحمله كل شوي وتمنع بناتها بعد مع انهم يكونون ملهوفين لشيلة الولد بس كل هذا في سبيل انه الطفل يتعلم شلون ينام لحاله من بعد ما ياخذ كفايته من الرضعه
الحمدلله بسبب حماتي ماعانيت ابد من قلة النوم بالعكس كانوا الحمدلله عيالي ينامون بشكل حلو ويوم كبروا يلعبون بالعابهم وماكانوا مثل بعض الاطفال يبون في كل وقت حد يحملهم

اختي omboz ادري طولت عليج بس لا تتحسسون من زوجة اخوكم بي هالشكل السالفة جدا عاديه وتحصل في كل بيت وبعدين هذا ولدها الوحيد واكيد خوفها عليه يكون كبير
انا ام ومريت بي هالتجارب وكنت اخاف على عيالي بشده والحمدلله تفاهم الزوج واهله ربيت عيالي مثل ماابي
خليكم متفاهمين معاها ولا تكونون السبب في خلق مشاكل مع اخوكم وزوجته انتٍ بامكانج تكلمين زوجة اخوك يوم تكونون لحالكم وجولي لها بطريقه حلوه انج تفهمين خوفها على ولدها بس حاولي انج تتحملين تصرفات الوالده وجولي لها الله يعوضج خير في ولدج وبالعكس بيكون بكامل صحته اذا انت حاولتي تتحملين هالمواقف علشان خاطر زوجك لانها امه وبالمقابل كلمي والدتج وجولي لها يمه مو كل شي ربيتونا عليه صحيح العلم تقدم وحنا درسنا واخذنا اشياء في زمنكم كانت الحقيقه العلميه غايبه عنكم
ترا زمان اجدادنا غير عن زمنا وزمن احفادنا بيكتشوفون اشياء واشياء اكثر هي غايبه عنا حاليا



خلي قلوبكم بيضة والتفاهم انسب الحلول

باللعكس اللي سويتيه اهوو الصواب


لان اهو ماراح يكرهها باللعكس راح يكره امج

وهذا الشي انتي باللتاكيد ماتبينه

الموقف جدا عادي ويحصل في احسن العائلات:smile:

صح امك عندها خبرتها بالحياه بس هم زوجة اخوك عندها ثقافه ومايصير امك تتدخل في كل صغيره وكبيره بحجه انها خبيره بالحياه .

ممكن تفيد زوجة اخوك ببعض النصائح لو الثانية طلبت منها. وبطريقة الإرشاد وليس بالأمر حتى ما يصير حساسية بين الأثنتين.....:cool2:

اما انك منعتي امك من ان تقول او تشتكيها زوجها فهذا منتهى العقل والصواب ... عفارم عليك يابنت.:up:

وصح كلام زوجة اخوك الشاي بكل انواعه مايصلح للأطفال وفعلا راح يخرب عليه عشاه

hhmq :
شكراً أختي على ردك ... والله يكون في عونكم عليها ...


بانوراما :
لا والله ياحبيبتي احنا ما أخذنا الموضوع بحساسية ، بس هي كل فترة والثانية تعمل حركة ، مادري ليش ؟؟؟ مع ان أمي وايد تهتم فيها وأنا بعد أهتم فيها وأعتبرها مثل أختي ... وأنا ليش قلت حق أمي : لاتقولي حق أخوي ، لأني عارفة ان أمي راح تتهاوش مع أخوي .. وراح يدافع عن زوجته وتسير مشكلة كبيرة ... لأننا قلناله أكثر من مرة ...


الفارسية :
أبي أقولك شي : احنا مانتحسس من زوجة أخوي ... بل بالعكس احنا اعتبرناها من أهل البيت .. بس هي أحياناً تكون مزاجية ... وتقط كلام مانعرف ليش ... وأبي أعلق على جملة : ( يعني بالله عليكم لو بنتها هي الي جالت لها لا يايمه لا تعطين ولدي الشاي كانت الام بتتحسس بي هالشكل ) أنا بقولك : لا ماراح تتحسس ... ليش ؟؟؟؟ لأني بنتها وهي اللي ربتني ، يعني أمي تعرف الطريقة اللي أنا بقولها ، إذا فيها لؤم أو لأ، وبتحس في كلامي ... بينما أمي ماتعرف نفسية زوجة أخوي من الجملة اللي قالتها ...
أما أنا عن نفسي فأنا وايد وايد أحترم حماتي ، ومستحيل اني أجرحها في أي كلمة ... ليش ؟؟ لأنها بمثابة أمي ... وأنا اللي دخلت عليهم جديدة في العائلة ... يعني لازم أحترم البيت اللي أنا داخلة عليه وأحترم أهله ..

السمررة : شكراً حبيبتي على تعليقك الحلو ، وكلامك فيه كل الصواب ..



بس حبيت اني أوضح للجميع : إننا في البيت مانكره زوجة أخوي .. أبداً أبداً بالعكس احنا نحبها ... بس أحياناً هي تضايقنا بتصرفاتها ...

عزيزتي ام بوز
دام انها ما ساكنة معاكم خلاص لاتسووا لها راس

واذا اخوك طيب وما يستاهل طنشوها

وبعدين بالنسبة لصديقة امك هي شافت انه زوجة اخوكي على قولتك قليلة ادب

هذي راح تكون نقطة لامك مش عليها

انا اقول ياعزيزتي سواليف زوجات الاخوان كثيرة

وفي زوجات اخوان اشد واشد

الواحد يحمد ربه على كل شي

مثل ما قلت لك طنشيها انتي وامك بس

وانتي خففي عن امك بس انها لا تتضايق علشان موقف مثل هذا

وربنا يعينكم عليها:pain:

نجمة الفجر :

أشكرك عزيزتي على نصيحتك ... واحنا سوينا اللي قلتيه .. وفعلاً طنشناها ، ومافتحنا الموضوع مع أخوي..

بس أنا الصراحة انكسر خاطري على أمي المسكينة .. ماتتخيلي اشلون هي تضايقت .. وحسيتها راح تصيح ...

ودائماً أمي بس تحاول انها تاكل الولد : تقوم زوجة أخوي وتقولها لا .. هذا الأكل مب زين للطفل ..

كأنها يعني كلٍش عندها خبرة في الحياة ...



تخيلي مرة : أمي أكلت الولد عسل مع لبن زبادي ... وكانت واقفة زوجة أخوي ... قامت قالت حق أمي : لا لا :rolleyes: مب زين العسل حق معدة الطفل .. لا تأكلينه عسل ... ... قامت أمي قالت لها : بالعكس مافيها شي حبيبتي ، أنا كنت أأكل عيالي عسل مع لبن ، وأنا ماحطيت وايد عسل .. يعني شوية عسل ماتضره انشالله ....
المهم : ثاني يوم اتصلت زوجة أخوي في أمي وقالت لها : الولد أمس مانام في الليل وهو يستفرغ ... أكيد من العسل ...
قالت لها أمي : طيب يمكن ماخذ برد من الليل ، أو انتي ماغطيتيه كويس في الليل ...

أمي تضايقت بينها وبين نفسها ... :sad: :sad:

لأنها تقول : اني أنا أحب الولد ، ومستحيل اني أضره ...


وطبعاً يانجمة الفجر ،، في وايد مواقف مو بس مواقف الأكل ... بس احنا نسكت ونقول خليها المسكينة فرحانة في الولد ...

طيب اختي..لو مثلا خبرتي اخوك..هل تضمني انه بيكون في صفكم؟

وزوجته ما تقلب الموضوع عليكم؟

:confused:

سبحان الله من بعض الحريم

الحين لو امها اللي عطت الولد العسل كان بتقول لها شي؟!

اكيد لا

الله يهديها..ومن رايي اذا فكرتوا تخبروا اخوك..خلليها تجي من امك افضل


الله يزول عنكم الهم:smile:

نجمة الفجر:

حاولت أمي أكثر من مرة ، إنها تقول حق أخوي عن مواقفها ... بس النهاية تكون : خلاف بين أخوي وأمي ... لأن أخوي يقعد يحاول يطلع مبررات حق زوجته ، ويحاول ان يدافع عنها ، ويقول انها ماكان قصدها وووو ........ وأمي تنقهر أكثر :angry:


ونفس الجملة اللي قلتيها :
( الحين لو امها اللي عطت الولد العسل كان بتقول لها شي؟!

اكيد لا ) امي قالته...




عشان جذي في هذا الموقف الأخير (الشاي مع حليب ) أنا قلت حق أمي خلاص انسي الموضوع وماتقولي حق أخوي أي شي ...
بس مشكلتها انها ترجع وتعيد الموقف ... الله يهديها ..



اتصدقين يانجمة الفجر : أحياناً نحسها وايد وايد زينة معانا ، وأحياناً نحسها غريبة الأطوار ..

السلام عليكم ورحمة الله وبركاته

أختي omboz...

الموقف يحصل في كل العائلات أختي...و ما كان في داعي تتضايقوا من موقف زوجة أخوكم...هذا برضه ابنها و هي خايفة عليه من الشاي...و تريد تكمل له عشاه...يعني ما فيها شيء....

والدتك ما شاء الله كبرتكم و علمتكم...و من حق زوجة أخوكي كمان إنها تكبر ولادها بطريقتها...لذلك ما تزعلوا منها...

و صدقيني لو كنتي مكان زوجة أخوكي كنتي اتضايقتي...

حاولي ما تتدخلوا كثير بينها و بين ابنها...و راح تلاقوها هي لوحدها تيجي و تسألكم عن أشياء تخصه...

و أخوكم ما في داعي أبدا لإشراكه في هذه الأمور...هذه أمور عادية...مش لازم يعرف فيها و تكبر المشكلة على الفاضي...

بالتوفيق إن شاء الله...

معاكي حق يا عزيزتي : مرموم


بس الواحد غصبن عنه يتضايق ...


واحنا نحبها ... بس عليها حركااااااااااااااااااااات :bigsmile: :bigsmile:

[CELL=filter: dropshadow(color=deeppink,offx=4,offy=4) shadow(color=purple,direction=135) glow(color=deeppink,strength=5);][ALIGN=center] عزيزتي
أي أم في الدنيا ماتحب أحد يتدخل في تربية إبنها..أو حتى الأنظمه اللي هي معودته عليها
مثلاً تمنعه أمه من شيء معين قرأت إن هو ضار للطفل في مثل سنه
تجي جدته وتعطيه إياه..طبعاً أكيد راح تتضايق لأنها راح تحس إنها تخرب عليها اللي سوته..
وخلاصة المشكله فما يبدوا تكمن في ولد أخوك ..أتركوا لها تربية ولدها ولاتعطوه شيء هي ماتبيه..حتى وان كانت خبرة أمك في الحياه كبيره بالتأكيد لن تكون أحرص من الأم على ولدها..تدخلوا فقط عندما تطلب منكم ذلك ..
كما هو واضح من كلامك إن أنتِ والوالده حساسين بزياده ..ولا ترى ردة فعلها طبيعيه جداً ..الإنسان عندما يشعر بالإحباط من شيء ما لابد وأن يكون هناك ردة فعل..وربما تكون بالغت في ردة فعلها ولكنها معذوره قلبها على ولدها
فلا تكبروا السالفه ترى والله ماتستاهل
احترامي
امل[/CELL]

كاتب الرسالة الأصلية : مرموم

والدتك ما شاء الله كبرتكم و علمتكم...و من حق زوجة أخوكي كمان إنها تكبر ولادها بطريقتها...لذلك ما تزعلوا منها...

و صدقيني لو كنتي مكان زوجة أخوكي كنتي اتضايقتي...

حاولي ما تتدخلوا كثير بينها و بين ابنها...و راح تلاقوها هي لوحدها تيجي و تسألكم عن أشياء تخصه...

...

أنا مع اختي مرموم في اللي قالته.. أنا أم جديده وخالتي كثير تحب تتدخل في شؤون ولدي مع اني الحمد لله فاهمه كل شي من قرايتي..

ولما أحس بخالتي تبي تتدخل بشي أحاول أسبقها وأشرح لها الموضوع وهي تسكت ما تقول شي كل اللي تقوله مساكين الأولين ما يفهمون شي الله بروحه سلم لنا عيالنا.. يعني تاخذ الموضوع برحابة صدر..

وهذا كله لإني عندي رؤية محددة أبغي ولدي ينشأ عليها وهذا من حق كل أم

بس في كثيييير من الأحيان ألجأ لها مع اني أكون فاهمة بس عشان تحس اني أشاورها بتربيتي لولدي:smile:

شوفي حبيبتي هاذي المواقف تصير دائما
انا مثلا مهتمة جدا باكل اطفالي لانه بالنسبة الي الاكل شيء مهم جدا
و لما نكون طالعين عند احد يعطوهم اشياء ياكلون او ياخذون اشياء ياكلوها مثل الشيبس او الحلويات كنت بالبداية اعصب لانه اكلهم ما ياكلوه بعدين لما كبروه شفت نفسي انه هم كبروا حتى بدون ما ياكلوا لانه كنت اعتقد انه اذا ما اكلوا انه راح يمرضون او يصيرلهم شي لا سامح الله

فانا يا عزيزتي اعتبر موقف زوجة اخوك فيه نوع من الصحة بس اسلوبها غلط بالرد او الكلام مع امك هي لازم تعرف كيف تكلم الاخرين او الاكبر منها باسلوب لطيف يعني ترفض الحليب مع الشاي لكن باسلوب ما يجرح امك و لا الاخرين
لانها هي مهتمة كثيرا بالولد و اكله و هذا من حقها لانه صحج\يح الولد ما كمل عشاه و اللي هو ضروري

في هذه الحالة امك و زوجة اخوك مهتمين بالولد و كل وحدة بطريقتها الخاصة
فانا ما اعتب على تصرف زوجة اخوك لانه هذا اهتمام من ناحيتها باكل ولدها بس اعترض على اسلوبها و امك يعني كان المفروض ما تعطي الولد شاي بالحليب لانه تشوفه يتعشى بس هي ايضا على حق لانه الولد عجبه الحليب

يعني الاثنين على حق و الاثنين غلطانين

و هذا رايي

:up::up::up: