زوجة أخي

أمل الحاضر ، أم عبد الملك ، Suzi :

أشكركم على ردودكن ومشاركتن لموضوعي ...:smile::smile::smile:

أنا معاكم في الرأي : ان من حقها تربي طفلها مثل ماهي تبي ...بس الاحترام مطلوب ... صح؟؟

بس احنا مازعلنا ولاتضايقنا من فراغ ... لأنها دائماً دائماً تحرج أمي وتقول لها ايش المفروض تسوي مع الولد وايش لازم ما تسوي ...


يعني واذا شرب الطفل شاي مع حليب ، ايش راح يسير فيه ؟؟؟...


يعني لو صار نفس الموقف مع أمها ... ايش كان راح يكون ردة فعلها ؟؟؟
:eek2::eek2:

أنا بقولكم :
راح تستانس ... :shy: وراح ينشق حلجها من الابتسامة:D2 لأن ابنها يشرب شاي مع حليب من يد أمها ... (r) وراح تشجع الولد وتقوله : يابعد عمري ياولدي (wink) والله وصرت تشرب شاي مع حليب ...

يا حبيبتي ..والله جان تبيني أحلف لج ..ان الموضوع جدا عاااااااااااااااااااااااااااااااااااااااااااااااااادي بحلفلج ...


وان اسلوبها - أو ردة فعلها بالأصح - جدا طبيعية وما عليها غبار

ولو تبيني أكون صريحة أكثر بعد بقولج ام شرب الشاي مب دايما مفيد للطفل ..

وأنا متزوجة وساكنة مع أهل زوجي في البيت - وأشوف عيالها كيف متعلقين فيها..وهي تحبهم مووووووووووووت...وين الغلط هني
الغلط في اللي يالسة تسويه مع أحفادها....يالسة تشربهم بيبسي وتأكلهم هالحلويات في اليوم الواحد مب أقل عن 3 مرات وما تخلي أحد يمنعهم....

لا وبعد بنت بنتها - لاحظي بنت بنتها هي مب حرمة ولدها- متنت شوي وأمها أخصائية تغذية !!!....فقامت الأم تعطي البنت أكل محدد وتمنعها عن أشيا وتحاول تخليها تتحرك ...ألأم الفاضلة شو تسوي ..

تروح بالخشة بصينية عيش وحلاوة وبلاوي...تأكل البنية

هذا مب حب؟!..امبلى لكن حب يدمر حياة حفيدتها...
شو بتقولين لها

حبيبتي لازم تفهمين شي...أمج تحب ولد أخوج....وبعد أمه تحبه...لكن دايما هي الأم اللي تعرف شو اللي يناسب ولدها...

حطي هالشي في بالج....وحاولي بلطف تفهمين أمج ان مثل ما هي أيام أول كانت ما تسمح لأحد يجيس عيالها...أو يخبرها كيف تربيهم ...

حرمة أخوج بعد أم....وما تكرهكم...لكنها تبى تربيه على طريقتها...

يا نظر عيني ...دورج هني صعب...لأن عليج تروحين لحرمة أخوج ...وتسألينها اذا بدر شي منكم...وقتها راح تتكلم وتشرحلكم موقفها

فحاولي تنبهينها ان الوالدة يمكن تزعل لأنها احتمال تفهم غلط ...لكن انت بعد بأسلوبج الحلو...

وتروحين للوالدة وتفهمينها ان هي ام ومرت بهالحالة قبل...


وآسفين على التطويل ...لكن لازم الشخص يحاول يكون ايجابي في ردود أفعاله مو يشوف الغلط ويتركه ...لأنه راح يكبر لين يجي اليوم اللي يدمر فيه كل شي...



والله يحفظ بيوت المسلمين

niraan :

أشكرك عزيزتي على نصيحتك ...


وصلتني فكرتك ... بس حبيت اني أوضحلك ان عمره 11 شهر .. يعني قرب على السنة ... يعني ماشاااله عليه يقدر ياكل أي شيء ...




احنا مو زعلانين منها أبداً ..:smile: ...

أنا بس متضايقة على أمي .... لأنك عارفة ان الجدة تكون وايد متلهفة على حفيدها .. وأنا حاولت اني أخفف عليها ... بس والله تكسر الخاطر ...

لا حبيبتي ما وصلتج الفكرة...امه بس اللي تعرف شو اللي يفيد الولد!
هاي هي الفكرة!! مهما كان عمره ...


وتوكلي على الله وطيبي خاطر الوالدة... وما يصير الا كل خير

:smile:

لو كانت هذه عادتها معك ومع الوالده تكلمكم باسلوب غير لائق وخاصه مع الوالده لا تسكتون عنها اول شى انصحوها بينكم وبينها وحسسوها انها غلطانه اذا حسنت من وضعها فهذا المطلوب وان لم تتحسن فالافضل انكم تعلمون اخوكم ولا تعودونها انها تتمادا عليكم وخااااااااصه الولده والله فىيه ناس ماينفع معهم الطيب

السلام عليكم

اختي ما اشوف شيء غلط بموقف زوجت اخوك !!!

الولد كان يتعشى وانتي عارفه ان شرب الشاهي مع الاكل او بعده يمنع امتصاص الحديد

هذي معلومه طبيعه معروفه وانتشرت من يمكن 8 سنين واحتمال كبير الوالده الله يخليها ماسمعت عنها

اتوقع هذا قصد زوجت اخوك


ماهو قل احترام او شيء من هالقبيل


وانتي حاولي تهدين الوالده .. وكان قلتي لصاحبت امك ردا على كلامها ان الشاهي بحد ذاته مو كويس للصغار وعاد هذا شيء معروف لما كنا صغار اهلنا ماكانو يخلونا نشرب شاهي وقهوه

حتى كانو يقولونا الي تشرب قهوه تصير لونها اسمر والشاهي يقولولنا يعور بطن الصغار

ويمكن ولد اخوك مبهذل امه بالاكل مو من النوع الي ياكل كثير وماتبي شيء يسد نفسه عن الاكل احتمال كبير صح ؟؟؟

والعسل اذا الولد مو متعود عليه بيكون جدا ثقيل على معدته ويضره .. فلازم يكون على دفعات وجرعات جدا جدا صغيره الين مايتعود عليه
ويمكن هي ماقد اعطت الولد عسل علشان كذا قالت هالكلام

يعني اذا صار حاولي تفكرين بكل ابعاده قبل لاتحكمون على فعلها وبرري للوالده والله يديم المحبه بينكم

وعن موقف اخوك اكيد يبي يبرر ويقول انها ماتقصد شيء طبيعي مو دفاع عنها وتحاملا عليكم لا طبعا
بس ردعا للمشاكل

واي شيء يصير من هالقبيل لاتدلخون اخوكم فيه اذا تبون تكلمون زوجته وتفهمون منها قصدها ولا لاتكبرون المشكله

ومشالله عليك موقف كان جدا حكيم لما قلتي للوالده انها ماتقول لاخوك

حصل خير ... الله يهديها ...

نرجسية:
الصراحة . أحياناً تكون زينة وأحياناً تكون غريبة الأطوار ... يعني : احنا نحسها انها مزاجية ...
عشان كذا احنا مانبي نعمل مشاكل كبيرة معاها ومع أخوي ..



لك روحي :
معك حق في اللي قلتيه .. ومعروف ان الشاي مب زين حق الاطفال .. بس أمي شربته شوي ... يعني ماأعتقد ان هالشوي راح يأثر في جسمه كله .... وموضوع العسل : كان مخلوط مع اللبن ... وأمي حطت شوية عسل ..(يعني تقريباً أقل من الربع ملعقة ) ...
بس حبيت اني أوضح لك : ان أمي ماتتضايق من فراغ .. لأن مرَة : أمو زوجة أخوي ، تقول حق أمي : أنا أأكل الولد كل شي ..كل شي ..وذكرت بعض الاكلات اللي تأكله ... طبعاً أمي استغربت :eek2: لأن في بعض الاكلات كانت زوجة أخوي ترفض إنَا نأكله ...


خيماوية : اي والله .. حصل خير ..

ما شاء الله البنات كفوا و وفوا


بس حبيت اقول ان هذا الشي يصير في كل بيت ...و مشاكل ام الزوج و خواته و زوجه الابن ما تخلص و مكرر و في كل بيت

مافي ام تحب احد يتدخل في حيات و طريقه تربيه ابنها حتى لو كانت امها لااو اختها ...صدقيني و بجي اليوم و و بتصيرين فيه زوجه و ام و بيمير عليج نفس الموقف و من غير ما تحسين بتكون ردت فعلج نفس رده فعل زوجة اجوك


ممكن كان اسلوبها مب حلو و السبب...انه مجرد ما تاكلين الطفل و خاصه يوم يكون يتحرك واااااااااااايد ..ينرفز ...و تعصبين ... و تنادينه و يارد و يبي يلعب و انتي تنتظرين لين يرجع ...انا جربت مره اكلت ولد اختي كنت بنجنن من كثر حركته ....فهي اكيييد كانت متنرفزه من حركته و انها تبي تخلص اكله ...و زاد عليها مقف الشاي و قالت لا و انعاد مره ثانيه ...و نفس الشي موقف العسل ...لان العسل يحتوا بكتيريا تضر الطفل و ممكن تسبب له تسمم ...و خاصه للطفل الي بعده ما كمل السنه .... و يمكن من طرقه الي مرض عليها الولد فليل و من خوفها الزايد عليه بغير وعي اتصلت في امج و قالت جملتها ..صدقيني اكيد بتكون هي كرهت نفسها و ندمت على الجمله في داخلها يوم راح غصبها و خوفها على ولدها

و نصيحه لا تخربين بت اخوج ...باسباب تافه و خلافات حريم ...خلاص عرفتوا انها ما تحب احد بتدخل في اكل ولدها ...خلاص لا تاكلونه لو اجها لين يدك و يبي الاكل في يدك ....

لان في اطفال بس يحبون يرحون عند اي احد ياكل و ياخذون لقمه ...فلقمه منج و ولقمه منها و من احد ثالث...و الطفل اصلا يكون ماكل ...فالاكل بيثقل عليه و يمرض طول الليل على امه ...

اذا شي سلم في طفل مره ممكن ما يسلم منه مره ثانيه ...اذا طفل اكل علبه عسل و ما اثرت فيه ممكن عادي طفل ثاني من قطره عسل يتسمم و يمون ...

و لا تركزين على جمله امي ربتنا و كبرتنا ...جمله كل الامهات في الدنيا ... ما اعرف المستوا التعليمي لامج ...لكن معضم امهاتا عندهم وايد خزعبلات و خراريف قديمه و اذا نحن رفضنا ان نسويها على طول يقولون هذي الجمله ...فانتي لا تايدين امج و لا تزيدين النار

و صديقه امج يمكن حبه من دافع انها امره و يا حب الحريم على الكلام عن كنانات صديقاتهم ولو الكانت الكنه و الحماه متفقات و ما بينهم شي ...ممكن الصديقات يحرفون المواقف و يطلعون الكنه غلطت في حق حماتها بس ليحرجون صديقتهم و يبينون ان كنتها انسانه مب زينه


ياله الحين لا تنرفين بنفسك و لا تعصبين باجر ان اشاء الله يصير عندك عيال و بتربينهم و بتخافين عليهم حتى من اقرب الناس لج حتى من ابوهم مب من حماتج

:smile:

مرمر :

أشكرك حبيبتي على كلامك اللطيف ... ومعاكي حق في كل كلمة قلتيها..

:shy::shy::shy:

اختي العزيزة omboz

انا ما اعرفا لطريقة اللي زوجة اخوك كلمت فيها امك

بس لو انا مكانها بعد بقول لحماتي انها ما تعطي الولد شاي بالحليب لانه هو قاعد يتعشى فمن غير المعقول اني اخرب عليه عشاه واسقيه شاي بالحليب
ويمكن بقولها لكن بأسلوب لطيف او اني اطلع من الصالة بروح المطبخ او الغرفة او اي مكان يكون بعيد وبكذا اكون جنبت نفسي المشاكل

واعتقد ان انتي وامك اخذتوا الموضوع بحساسية لأانه انتوا اصلا مقروصين من زوجة اخوك وفي مواقف تراكمية سابقة حصلت بينكم وبينها علشان كذا اقل كلمة هي تقولها ما تتحملوها

واحتمال تكون هي ما عندها اسلوب في التعامل معاكم

الله يهدي الجميع


وحبيت اقولك عزيزتي بالنسبة للعسل للأطفال فهو بالفعل مضر وهذا الكلام من كلام الدكتور قاله لوحده من صديقاتي انه الطفل يعطوه عسل بعد ما يكمل العام من عمره لانه معدة الطفل لا تتحمله



صدقيني حبيبتي ما كل شيء مشوا عليه آبائنا واجدادنا صحيح
في بعض الأمور غير صحيحة بالمرة وجاء العلم ونورنا ونحن جيل مثقف
انا لا اقول انه كل شيء غير سليم وصحيح ولكن نحن دورنا هنا انه نأخذ الشيء الزين واللي مو زين نتركه


اتمنة انك تتقبلي كلامي بصدر رحب


وبالنسبة لزوجة اخوك انتي ممكت تكلميها وتقولي لها انه تعامل امك بأسلوب الطف من كذا واذا عندها انتقاد او اي شيء انها تقوله بأسلوب ما يجرحها خاصة وانها في مقام امها


والله يهدي الجميع

شهد78 :

أنا عارفة ان الموضوع عادي ، ومايستاهل ان نتضايق عشانه ... بس مثل ماانتي قلتي ... صارت مواقف وتراكمات ..
وأنا عارفة ان العسل والشاي مضر للطفل .. بس لو أكل شوي أو نقطة ماراح يأثر فيه بسرعة ... لأن عمره 11 شهر (يعني قرب على السنة) ،
ومثل ماقلت من قبل : لأو ان أمها هي اللي أكلته العسل مع اللبن أو شربته شوية من الشاي مع الحليب ... صدقيني ماكانت راح تقول شي حق أمها ...



واحنا نحبها وايد ... بس أحياناً تكون دفشة بالكلام وبالتعامل .. تخلينا نتضايق منها غصبن عنا ..



الله يهديها ..