قصيدة بمنتهى القسوة والرقة!!!!

ج

جمر الآهات

عروس متألقة

13-09-2002 | 01:35 AM

ليتك تموت اليوم وارتاح انا منك
...............................يرتاح قلـــب بالخيــانه طعنــته
ليتك تموت وبثوب اسود اكفنك
..............................واطوي معك صفحة عذاب كتمته
ليتك تموت وبداخل القبر انا ادفنك
..............................وادفن مع الجثمان جرح جرحته
ليتك تموت اليوم ومحد درى عنك
...............................غير الخفوق اللي وفالك وخنته
ليتك قبل ماتموت في صدرك اطعنك
...............................واصيح باعلى صوت حقي اخذته
يلعنك قلب والاحاسيس تلعنك
...............................يلــــعنك دمع صادق لك نثرته
جننتــني ياجعل ربي يجــننك
...............................لا واحسايف غيري اللي طعنته
غدار خاين شربت الغــدر انا منك
...............................قلبي عطاك الحب وبيدك مسحته
وش موقفك لو كنت انا اليوم خاينك
...............................وش هو شعورك لو فؤادك غدرتـه

منقول

ص

صعب المنال

عروس مشرقة

13-09-2002 | 01:50 AM

جمر الآهات : مشاركة طيبة ولو ان فيها موت :eek:

احب اقول اي رقة وفيها دعاء بالموت و غدر:(

اشكرك مرة ثانية

ج

جمر الآهات

عروس متألقة

13-09-2002 | 02:41 AM

غدار خاين شربت الغــدر انا منك
...............................قلبي عطاك الحب وبيدك مسحته
وش موقفك لو كنت انا اليوم خاينك
...............................وش هو شعورك لو فؤادك غدرتـه

صعب المنال .. هل البيتين بتساؤلهم و ألألم اللي فيهم فيه رقة :rolleyes:

القصيدة قاسية بكلماتها .. وجارحة بألمها :s

لكنها

رقيقة في الحب اللي تحمله .. الحب اللي قوبل بالخيانة والغدر :(

فخلّى قايلها حتى وهو في قمة جروحه .. ما يقدر يكتم مشاعر و أحاسيس الحب لحبيبه :confused:

هذا رايي و تسلمووووووووو

(

((( المجروح )))

عروس جديدة

13-09-2002 | 01:33 PM

السلام عليكم ورحمة الله وبركاته

هلا جمر عسى ماتزعل على وتقول في قصيده

كلمات قويه قويه خلى قلبك عطوف وعلى فكره ترلى الكلام الحلوووو

يليييين الجبال

ياجمر اطلبها واسألها بأحترام ****** قلبها لدرب القساوه مايطيق

اخووووووووووك ((( المجروح )))

امممممممممممممممم

وش بعد
ايوووووووووه نسيت

باااااااااااااااااي

ج

جمر الآهات

عروس متألقة

14-09-2002 | 12:13 AM

هلاااااااا أخوي ((( المجروح ))) :)

لااااااااا مب أنا اللي كاتبة هالقصيدة .. عجبتني فحبيت أنشرها في المنتدى :D

لااااا تحااتي و حط في بطنك بطيخة صيفي .. الله ما يجيب الزعل إن شاء الله .. وما أصير جرير زماااني و أكتب فيك هجاء (a)

لو أنا كنت تعرضت للموقف هذا كنت مثلاً بقول:

ليتك تحس اليوم بلّي جاني منك
...............................يعتب عليك قلـــب بالخيــانه طعنــته

إلخ :cool:

و تسلمووووووووو .. باااااي

ع

عضوة

14-09-2002 | 06:15 AM

السلااام عليكم ..

اختي جمر الاهاااات...
مشكوره عالقصيده ...والله اللي كاتبنها مقهور بالقو..وبيموت من الغيظ

ليتك قبل ماتموت في صدرك اطعنك
...............................واصيح باعلى صوت حقي اخذته
يلعنك قلب والاحاسيس تلعنك
...............................يلــــعنك دمع صادق لك نثرته

قصيده تعور .. بس مشاركه حلوه منج ...تسلمين

ج

جمر الآهات

عروس متألقة

17-09-2002 | 01:28 AM

هلاااااااااااااا وغلااااااااا سموووووووورة:)

تسلمين على الرد .. فعلتً القصيدة تعور .. الشاعر شايل على حبيبه بالقو

ويمكن يكوووووووون له عذره.. يمكن صاحبه غدر فيه وجرحه جرح كبير .. ولاّ صعب إن المحب يتبدل فجأة ..

وبعدين في عوامل كثيرة تحكم الإنسان.. يعني لو أحد ثاني كان مكانه ممكن ما كان دعا و تصرف نفس تصرفه ..

و سلاااااااااااااااااامتج حبوووبة :)