السلام عليكم و رحمة لله و بركاته
أهلاً و سهلاً أخواتي الحبيبات
أقدم لكم الآن : ..
طريقتي الخاصة و المتميزة لصنع الشاي :
أول خطوة لازم تتأكدي من نوع الشاي .
الشاي الأصلي ذو الطعم المتميّز :
الشاي اللي لازم تشتريه و هي نصيحة أخوية و أنا إن شاء الله بحياتي ما وضعت وصفة و طلعت مو صحيحة , و كل الناس الحمدلله بالمنتدى بيشكروني على وصفاتي و شهيتها :
الشاي اللي لازم تشتريه من ماركة البيكو إكسترا , وهذا هو الشاي الأصلي الرائع ذو الطعم المميز و الشهي , في منه ماركة كرزة و الله ماعاد أذكر كمان , بس المهم يكون أصله سوبر بيكو نصيحتي إلك .
ثاني خطوة : ضعي الماء في الإبريق حتى يغلي غليان لمدة خمس دقائق مشان تروح عكرة الماء , ضروري جداً غلي الماء لأنك لو ماغليتي الماء بشكل صحيح , رح تطلع على وجه كاسة الشاي لما تسكبيها غشاوة لونها أبيض .
لمحبي السكر :
قومي بوضع السكر الآن , بعد أن غلى الماء لمدة خمس دقائق , و بعد أن تضيفي السكر , اتركيه يغلي دقيقتين أو ثلاث دقائق أيضاً ,
و اللي ما يحبوا يوضعوا سكر , يحذفوا الخطوة السابقة و يتابعوا القراءة من هنا :
الآن ضعي ملاعق الشاي النقية و الطيبة , و إذا تحبي الشاي المعطر أضيفي ملعقة واحدة فقط , من ماركة تويننجز لأنها ماركة مضمونة و طيبة لزيزة , ممكن تضيفي القرفة , و في ناس بيحبوا الهيل بس أنا بكره الهيل بالشاي , الهيل مع القهوة فقط , و لا توضعي شيء آخر لأن نكهة الشاي هكذا و هذا هو الشاي اللي على أصوله , و اتركيه يغلي مع الماء على نار هادئة لمدة دقيقة أو أقل , يعني شي نص دقيقة , و بعد ذلك اتركيه على الغاز , أتركيه لمدة خمس دقائق حتى يختمر على الغاز نفسه .
و شوفي كيف رح تدعيلي دواعي حلوة و طيبة و الله على هالطريقة الرائعة . أنا كل مين يأتي لعندي من ضيوف , بيسألني شو هالنكهة الرائعة للشاي و بيشرب كاستين أو ثلاثة .
الآن ضعي كاسات الشاي و قومي بتحضير الصينية و اشربي الشاي مع عائلتك و ألف صحة و هناء و قدمي معه قطع البتيفور الطيبة و اللذيذة
أو قدميه لصديقاتك كما في الصورة أعلاه لتجعلي وقتك حقاً للمتعة و السعادة ....
منقووووووووووووووووول
و دمتم سالمين :shy: