" بنات البحرين" ريحوني الله يرحمكم

عزيزتي الغالية ما أريد أخرعك ، لكن تحملي تحملي تحملي تحملي تروحين لها هي مش متمكنة في هذا الشي كثييييير أرجوك تركيها ورحي ألى ( على حسب ميزانيتك ) د. ألكا بالمستشفى الأمريكي + أو د.موزة بالمستشفى العسكري + أو د. كيربي بالمستشفى ( البحرين التخصصي ) + أو د. باندا بالمستشفى الدولي ، أرجوك لا تلعبين بروحك كثير ، وبعدين سؤال لماذا عطتك الإبرة مع العلم قالت كل شي سليم هل عندك مشاكل بالأنابيب ، او التبويض ضعيف ، وكيف تعطييك أبرة التفقيص ، (((( هل انت استخدمت حبوب لتنشيط البويضة )))) علمي أن الإبرة يستخدمونها عند أستخدام الحبوب ، هذا اللي أعرفه شو رأيكم يا بنننننننننات اللي مستخدمه الكلوميد أو غير ، وبعدددددددين نصيحتى لج أنت عملي منظار لللأنابيب فقط شوفي سلامة اللأنابيب وبعدين أخذي من الصيدلية (( ما أعرف شو أسمه تقيسين فيه ( بالبول ) فترة التبويض هذا اذا التبويض عندك سليم والأنابيب سعره بـ 14 دينار من صيدلية ناصر أذا تريدينه راح أسأل عن أسمه واكتب لك ((( تقيسين ( البول من يوم مثلاً 12 من الدورة على اساس فترة الخصوبة ، منك ومن نفسك لآ تستخدمين الأبر ، ولا شي ، وبعدين نصيحتى لج لا تخلينهم يتعبثون فيك ، وخصوصاً بالأبر ،
عزيزتي اذا بغيتي اي شي احنا في الخدمة وعندنا خبـــــــــــــــــــرة ،،، والله يوفقك ،،

حيبتي ..

أنا ما سمعت عن هالدكتورة بالذات أول مرة أسمع باسمها منج
ومثل ما قال الاخت nodoo انا عندي تروحين للدكتورة موزة في المستشفى العسكري واجد احسن على الأقل معروفة وسمعتها طيبة

ويارب يفرج عليج وينولج مرادج

اختي الغالية نور المدينه،،، الله يهديج بس،،، انا صح مب من البحرين بس يوم قريت عنوانج شدني وقلقت عليج تبين الصدق،،، واشوفج الله يهديج مكبرة السالفة وهي صغيرة وما ترزا،،، وليش ها الخوف كله والقلق عنبوه:eek2:،،، اذكري الله يااميه وتعوذي من ابليس ما استوى شي،،، مب انتي اول وحدة تاخذ الابرة ولا آخر وحدة،،، ولا انتي اول وحدة تتأخر الدورة عليها ولا آخر وحدة،،، عنبوه ها القلق كله عشان خذتي الابرة التفجيرية،،، هيه يمكن شافت انه حجم البويضة استوى مناسب ومهيأ جدا للاخصاب وبس بغت تعطيج إياها عشان تفقصها لج في نفس اليوم عشان تبدين بالجماع ويحدث الحمل ان شاء الله لأنج يايه بغرض انج تحملين صح،،، عيل كيف تبينها إتابع وياج الحمل إلا إذا هيه متابعة حجم البويضة وموعد الاخصاب واليوم اللي لازم يتم فيه الجماع،،،بس هيه هاي السالفة،،، عنبوه كلنا خذنا ها الابر وما استوى بنا شي،،، والحمدلله لو حتى ما انكتب لنا الحمل في نفس الشهر بس الحمدلله الله اكرمنا بالحمل بعدين،،، ووايدات اللي احملن من بعد رب العالمين وبعد هاي الابرة،،، يعني اكيد ما بتعطيج شي منيه والدرب إلا إذا ممكن يساعد،،،،والغالية nodoo ما شاء الله عليها ما قصرت وزادت الطين بله،،، وليش ها التحذير كله والوسواس،،، خصوصا انج سمعتي من الكثيرات يمدحونها ويمدحون شغلها،،،، يعني شو تبين اكثر عن جيه؟!!! انتي من اول زيارة سويتي ها الهوليله كلها،،، الله يستر عجب شو بتسوين؟!!! اذكري الله يا اميه وصلي على النبي عليه افضل الصلاة والتسليم وتعوذي من ابليس،،، ما يرزا ها كله،،،

وإذا عن التأخير مب مشكلة الغالية ان شاء الله تنزل لج قريب،،، ياما تأخرت علينا بدون سبب بس ما سوينا ها كله،،،، ومب زين الغالية الوسواس وايد ترا التفكير السلبي يخلي الوحدة ما تحمل،،، طمني بالج وتوكلي على رب العالمين،،، ويوم انه زيارة الطبيبة تسويلج ها القلق كله عيل ما بلاش منها،،، وبنات هالله هالله بالبنت،،، خصوصا انها قلقه لاتزيدون عليها وحليلها كفايه اللي هيه فيه

[ALIGN=JUSTIFY]أوركيد شكراً وألف شكر على رفع معنوياتي بس اللي صار اني ابداً ما تتأخر الدورة على ولمن سويت التحليل طلع مو حامل بعد خفت والبنات خوفوني منها أقصد من الدكتورة عشان جدي خفت أكثر ومثل ما تدرين أول مره أروح وخفت إن صار في شي موب زين وآسفة على اني خرعتيش وياي بس هاجس الأمومة ذابحني خاطري في ولد أضمة لصدري والاعبه وامرح وياه خاطري في بيبي يقول لي ماما ... الله يكون في عون اللي صار لهم سنين ما عندهم اولاد ...

وعندي سؤال وهو بأي شهر حملتي بعد ما خذيتي الابرة؟ يعني من ثاني شهر؟ والا اي شهر؟؟

أكرر شكري واسفي واعتذراي ..

الاخت العزيزة ....

الدكتورة صباح من افضل الدكاترة في البحرين لعلاج العقم...

ولا تخافين بالعكس اهي ما عطتك الابرة الا يوم شافت ان في الاتراساوند البويضة حجم مناسب للتفقيس ... وذا ما صار حمل انشاءالله الشهر الياي

وانا اتكلم مب من فراغ او اني بس ابي اطمنج بس الشهادة لله كل من راح لها الا ونجحت وياه


الرجاء من الاخوات عدم الحكم على الدكتورة من حالة فشل واحدة او اشاعات ...

فهي دكتورة مشتغلة في لندن جم سنة وعندها خبرة ماشاءالله


ترا مو اني اسوي دعاية لها بس الحق يقال

:up::up:

أنشاء الله اتكوني حااااااااااااااامل
يا رب

هلا فيج اختي
اول كلامي راح ارد على اختي المشتاقه, الدكتوره اشتغلت في لندن كم سنه بس هذا مايعني انها معصومه عن الخطأ او انها اصبحت خبيره, والحين ارجع لج اختي, شوفي انا عمري ماسمعت ان احد خذ ابرة تفجير بدون كلوميد وعلاج لانها بتكون شي غريب على البويضه وراح ياثر عليج, ويمكن نفس الوقت تكونين حامل بقدرة الله سبحانه, ويمكن الدوره تاخرت عليج لانج تفكرين انج تبين تحملين, التفكير بالحمل ياخر الدوره وماتنزل حتى لوكانت مظبوطه, وعلى فكره كل دكتوره في ناس يمدحون فيها وناس يذمون فيها, وعني انا اتعالج عند الدكتوره منى الشرقي في مجمع الاستقلال الطبي, فعلا ممتازه واخلاقها حلوه, وتخليج ترتاحين منها, وتعطيج امل, ونسيت اقولج هل زوجك عمل تحليل معك؟ هذا شي مطلوب يمكن يكون منه سبحان الله, واتمنى لج انج تكونين حامل باذن الله, وعلى فكره اكثري من قرات سورة البقره واكثري من الاستغفار والله يسر لج امورج

[ALIGN=JUSTIFY]بسم الله الرحمن الرحيم السلام عليكم ورحمة الله وبركاته

مشكورين خواتي على المرور وعلى طمأنتي على حالي بس مثل ما قالت الأخت المشتاقة إن الكل يمدحونها حتى لمن كنت في العيادة اتصلت وحدة من الدوحة تقول انا بجي البحرين مخصوص عشان هذي الدكتورة.. فأنا اطمنت أكثر لمن سمعت بإذني هذا الكلام..

حلوة موت جزيل الشكر لك وبالنسبة لزوجي قالت لي الدكتورة إن لمن يصير حمل في هذا الشهر ما له داعي نسوي تحليل ليه بس لو الدورة وصلت لازم أروح عشان تعطيني حبوب وتسوي تحليل لزوجي.


darkstar الله يسمع منك يارب ويرزقنا ويرزق كل محروم...


مشتاقة بالفعل هذا اللي سمعتا من الناس ومن أعز صديقاتي وألف شكر على المشاركة اللي طمنتني موووووووووت...

الغالية الابرة التفجيرية خذيتها مرة وحدة بس،،، وما حصل حمل من نفس الشهر،،، استوى بعدها بشهرين يوم هديت الادوية والعلاجات،،، ولجأت لخلطة العسل ولقاح النخيل،،، زيادة على اني مسحت في نفس الوقت،،، والحمدلله في نفس الشهر تم الحمل،،، عقبالج يارب العالمين وجميع اخواتي المحرومات،،،، وبالنسبة للدكتورة كون ان الناس يونها من بعيد عشان تعالجون عندها،،، هاااا،،،،شو بعد تبين اكثر عن جيه،،، اكيد الدكتورة ممتازة،،، وعموما الوحدة فينا ما تسير عن دكتورة معينة وإلا يوم المجربين يمدحون فيها،،،، على العموم،،، عشان تتأكدين من نقطة ذكروها البنات،،، انه الابرة ما يخذونها إلا إذا اخذتي قبلها كلوميد،،، ياريت لو تسألين الدكتورة عن هاي النقطة او حتى غيرها وخبرينا إذا عرفتي،،، المهم الغالية طمنينا عليج احينه ان شاء الله نزلت،،، الصراحة اتمنى انها ما نزلت إلين احينه عشان تكونين حامل ياااااااارب

[ALIGN=JUSTIFY]هلا أوركيد للحين الدورة ما نزلت و أمي تقول عادي في بنات كثيير يكونوا حامل والفحص يطلع سلبي لهم بس بعد فترة يبان حتى وحدة من العائلة سوت فحص وطلع سلبي وفي النهاية طلعت حامل بتوأم .. أتمنى أني اكون حامل الله يسمع منك يا رب ويعطينا ويعطي الجميع وبالنسبة للكلوميد راح أسأل الدكتورة وعلى الله ... إلهي اسألك ما سألك به يحيى ابن زكريا أن ترزقني ذكراً برا تقيا لتقر به أعيننا سويا يا رب..

:shy: هلا اختي نور المدينه الله يرزقنا ووياج الذريه الصالحه ابي اسالج سوال انتي اخدتي فحص دم والا فحص بول عشان تعرفي ادا كنتي حامل او لا لان ممكن الحمل ما يظهر في عينة البول وما يطلع الا بعينة من الدم .انشاء الله تكونين حامل ياااااااااااااااااااااارب وعقبالي .

:D2 سوري ما انتبهت في رسالتج انج اخذتين عينة دم على العموم انتظري ولا تفكرين لان التفكير اهو اللي يخربط الدوره