بنـــــــــــات قطــــــر بغيتـــــــكم بطـــــــلب !!

للاسف مارحت قطر ولا مره

واكيد البنات ما بقصرون وياج :shy:

وينكم يا بناااات قطر ليش ماتردون على الله يسامحكم بس :cry:

هااااااااااي
لأ انا مو من بنات قطر انا من بنات الكويت
اي خدمه حاضرين يالغاليه
بتسافرين؟ انشالله تروحين وتردين بالسلامه ياعمري
وانشالله تنورين الكويت بعد:up:

تحياتي
توته الكويتيه

أختي .. قبل كل شي حياج الله في بلادك الثانيه واذا ما تشيلك الارض نشيلك بعيونا..ثانيا :- المراكز:

1. الاند مارك .. وهو عباره عن مركز تسوق يحتوي على المحلات المتعارف عليها في المراكز الكبيره مثل زارا ، بي اتش اس ، ماركس اند سبنسر ، مانغو ..الخ

2. الستي سنتر .. مركز كبير وتتنوع فيه المحلات مثل باقي المراكز فيه من الكوفي شوب:- فوشون ، ستار بوكس .. والعديد من المطاعم الراقيه والسريعه.

3.المول .. كذلك مركز متنوع ويمتاز بكوفي شوب اوبرا

4.الاسواق الشعبية.. سوق الديره .. سوق الاحمد .. سوق الجبر ..سوق واقف ..

5. الكوفي شوب الهيديارد راقي وهادي

6.مطاعم : شبستان ، الخيمه ، المجلس ، فنيسيا ، شيليز ..ومطاعم الفنادق مثل الاجون
اتمنى انك استفدتي من هذه المعلومات البسيطه .. وبعد ما بيقصرون بنات قطر ..:shy::shy:

صباااااح خير نعمومة ..
انا توني شايفة طلبج
و اسمحيلنا على التأخير ..
بالنسبة للمجمعات ::
عندنا
مجمع سيتي سنتر ..
و هو كبيير جدا ..
حاليا في ثلاث طوابق
و في جميع الكافيهات
الراقية و المطاعم و المحلات التجارية .. و يوجد في 14 سنيما في السيتي سنتر ..

و عندنا مجمع اللاند مارك كذالك
يوجد فية محلات تجارية و مطاعم و كذلك
سنيمااا ..

و مجمع المول التجاري ..
فية مطاعم و حلات
و سنيما..

و مجمع حياة بلازة ..
محلات و مطاعم فقط ..

والان في مهرجان في قطر .. :clap:

و في تنزيلات تقريبا في كــــــــــــــــــــــــل
المجمعاااااااااااااااااااات :up:

بالإضافة الى السوق الشعبي ..
مثل سوق واقف ..
و سوق الأقمشة (( سوق الديرة, و سوق الجبر))

و اذا بقيتي تفاصيل اكثر
احنا حاضرين ..
و حياج الله في قطر :D2

تحياااااااااااااتي
عــطــر حــلــو
:smile:

اختي العزيزة نعومه ....

والله بقطر اماكن واااايد ،،، وخاصة الحين عندهم مهرجان ،،،
اول الشي المجمعات : مجمع اللاند مارك ، والستي سنتر ، والحياة بلازا ، والمول ...

ومن الأسواق الشعبية : سوق الجبر ، وسوق الديره هم الأثنين جنب بعض ، ورحي محلات الرونق.عندهم اشياء تعجبك ...

ومن المطعم : البستان وشبستان ومطعم المجلس وبعد في وااايد بس انتي سألي ومابتضيعين ...

اتمنى اني قدرت افيدك ..

وتروحين وتجين بسلامه .....

:shy:

تسلمون والله يا بنات الأياويد كفيتو ووفيتوا ما قصرتوا والله وأذا ما عليكم امر هل فى هناك محلات راقيه غير اللى فى المجمعات مثل البوتيكات للملابس والجزم وأنتوا بكرامه ومحلات للبيت من أوانى وأكسسوارات وبعد محلات للعبى والشيلات وأن شاء الله أشوف ردودكم قريب
أختى وين هذا محلات الرونق وبأى صوب ممكن توضحين لى أكثر.

البوتيكات والجزم بتحصلينها وايد في سوق الجبر

يا مرحبا ومسهلا فيج :shy::shy:

طبعا البنات كفو ووفى والمجمعات الى ذكروها فيها كل محلات الماركات حق الشنط والجزم

وبالنسبه لمحلات اكسسوارت البيت عندج هوم سنتر طبعا هذا غنى عن التعريف :up:

وعندج ذا ون فى الاند مارك بعد فيه اشياء حلوه للبيت

وفيه محل بالستى سنتر بالطابق الثانى بس ناسيه اسمه :o فيه اكسسواااارات تهببببل للبيت وكل اغرضه من لبنان على ماظن عنده شمعدانات وكرستالات لتزين الستارير وصوانى التقديم ومناضر ومذهبات وغيرها من تحفيات حلوه وغريبه

ومحلات العبي والشيلات عندج المتحجبه, وتفانين ,والاختيار الاول بالستى سنتر , محل ربشه فى منطقه المنتزه ...وغيرها من محلات العبي المنتشره بالسناتر الى ذكروها البنات

ومحل الرونق هذا محل فيه اشياء متنوعه من تحف واكسسوارات وشغلات الشعر .... وهو له فرعين واحد بالدوحه جنب سوق الدير والجبر
والفرع الثانى بمنطقه المطار

واتمنى اكون افدتج :cool2: واى خدمه ثانيه حاضرين لك

وياهلا ومرحبا فيج مره ثانيه :shy::shy::shy:

بالنسبة للمحلات الراقيه والبوتيكات..في مجمع صغير للبزتيكات الراقيه مثا كنزو واسكادا وموسكينو وماكس مارا...ببتلقينه جنب مطعم تشيليز..
وفي محل ثاني اسمه جلامور في طريق سلوى ومب بعيد عن هالمجمع.. هذا فيه ماركات كثيرة ايطاليه وفرنسية..مثل كافالي وجولتيير...
هو بوتيك لحاله بس عنده ملابس سهرة وملابس طلعات كشخة وشنط واحذية واكسسوارات...
وعندج ميرش والسلام وبتلقينهم في المول بتحصلين ماركة فيرساتشي وكرستيان لاكروا..وشنط جيفنشي وموسكينو ونينا ريتشي

بالنسبة للاواني عندح محل هلا هذا عندهم اشياء راقيه كثير وغالية في نفس الوقت..ومحل باتشي..يعني ممكن ترمس الشاي ب900 ريال تلقينه واذا تبين ارخص في محل في سوق واقف الشعبي اسمه الاصاله.. هذا يجيب اشياء غريبة وحلوة واسعاره حلوة يعني ب250 ريال تقريبا.. وعنده استكانات ودلال على الموضة

تسلمون والله يا بنااات قطر الغاليين وماقصرتوا الأخت البرنسيسه وبنت الحور وأم ياسمينا .

بغيت أسألكم سؤال أنا سمعت أنه فتحوا عندكم مجمع راقى بالريتز ممكن توضحون لى هالمكان وشهى الماركات اللى عنده؟؟

هلا وغلا

كنت حابه أخدمك بس ماشاء الله على البنيات سبقووونا وماقصروا ..

الصراحة قطر مافيها الا المجمعات والحين صاااايرة خصومات 50% بمناسبة صيف عجايب قطر ..

بالنسبة للأسواق مثل ماقالوا :

الديرة والجبر وفالح والأحمد ..

سوووووووق فالح حق العبايات ..

الديرة حق القماااااااش وقطع السهرات ..

والجبر حق كرمك الله النعل ..

ومحل الروووووونق فيه كل شئ شاااااامل لمستلزمات المرأه للخياطة ..

ومحل راااامز وهو محل سعودي فيه مستلزمات المنزل والأسرة ..

أما بالنسبة للمحل اللي بالريتز فيه ماركات عالمية وصاحبته وحده من بنات (( ال ثاااااااني )) ..

أتمنى اني ووووفيت وياهلا ورحب فيج ..

حبيبتي ..
بقولج عن الاماكن الى في الدوحة بالتفصيل :

1- المجمعات :
بتحصلين ملابس وشنط وجواتي ومكياج وعطورات وعبايات :
* السيتي سنتر ( فيه كل المحلات مثل دبنهامز وموتيفي وايتام ومحلات لفساتين المناسبات ومحلات العبايات وغيرها ) في منطقة الدفنة
* الاند مارك ( فيه زارا ومس ديوتي و منغو وغيرها ) في منطقة دحيل
* المول ( اويسيس والهاي لاند وميرش والسلام ) في منطقة الهلال
* حياة بلازا ( السينية والدو وباريس غاليري )

2- محلات الماركات العالمية :
* جلامور على طريق سلوى في الماركات الايطالية والفرنسية من ملابس وجواتي وشنط وفساتين سهرة .

* امبيريوم عند اشارات رمادا في الماركات مثل اسكادا و ومور اند مور وبيتي بارتلي وغيرهم .

3 - محلات الخياطة :
* مودابيلا في السد وعند محل قطع .
* الغيداء وعنده قطع .
* انوني وغيرهم وايد .
4- المطاعم :
* شبستان ( ايراني ) .
* ليالى والخيمة وفينيسيا ( لبناني ) .
* بينيجنز و شيليز وابل بيز ( امريكي ومكسيكي ) .
فيه المطاعم الى في الفنادق مثل الانتر والشيراتون والريتز والماريوت .
وطبعا المطاعم السريعة .
5- الكوفي شوب :
* فوشون .
*هيد يارد .
*ستار باكس .
* اوبرا .

بس خلاص تعبت :D2واذا بغيتي عناوين الاماكن باظبط بس انتي تآمرين يالحلوة .

حياج الله عندنا في قطر تنور الدوحه بزوارها من الخليج

انتي طلبتي كل الاماكن الحلوه والراقيه وتفضلي :up:

لاتفوتج الشاليهات هالايام في الصيف حلو البحر عندنا

عندج شاليهات سيلين

وشاليهات الشمال

جزيرة النخيل

والمراكب اللي على الكورنيش صج حر والرطوبه لكن تمشي في شارع الكورنيش بيعجبج المنظر وايد حلو .

وفي فندق الشيراتون مكان بركة السباحه تأجرين طراد وتطلعين فيه البحر لمدة خمس ساعات تقريبا .

في فندق الريتز كارلتون الصبح روحي بوفيه الافطار وافطري عندهم المنظر حلو والمكان راقي جدا .

وروحي منطقة الخور تبعد عن الدوحه تقريبا نصف ساعه او ساعه الاربع

يقولون فيها فعاليات حلوه علشان الصيف وكورنيشهم حلو بعد .

بصراحه انا عطتج الاماكان اللي تستمتعين فيها بوقتج لاتقضين ايامج كلها في Shopping

اتمنى لج رحله سعيده في قطر الحبيبه .:shy:


اختك في الله / الموناليزا

بالنسبة للبوتيك اللي في الريتز عنده الحين خصومات 50% على الشنط والاحذية...وهو هنده ماركات كثيرة مثل فيندي وفالنتينو

( السلاام عليكم ورحمه الله وبركاته)

ياهلااا ومرحبا فيج في بلاادج الثانيه قطر

اختي اذا تبين ملاابس كشخه روحي سوق الجبر ( صج ان شكله مايشجع) بس انتي دشي في كل داعووس وكل محل ودققي ترى والله احلى من سوق الجبر مافي وانا توني جايه منه

لاااااااايفووتج


مع السلاااااااااامه










]

نسوا يقولون لج عن الحياة بلازا
ورويال بلازا
وفي مجمع يديد توه فاتح مادري شسمه

السلام عليكم


في محل لأواني المطبخ اسمه زهران صناعته مصرية بس عندة اشياء حلوة وااايد ومكانه في ظهر سوق الجبر

حيااااااااج الله بقطر واالله اللي بتستانسين في قطر

وبالنسبه للاماكن عندنا مجمعهات بالهبل

الستي سنتر
اللاند مارك
حياة بلازا
المول
رويال بلازا


حياج الله