السلام عليكم ورحمة الله وبركاته
كيفكوووون ياستات البيوووت
كل واحده ماعندها شغاله او سافرت شغالتها وللحين ماجابت شغاله ثانيه
اقول
[COLOR=crimson]الله يعينكم
على شغل البيت والكنس والغسيل والكوي والطبخ والنفخ <-- قسم مادري وشو النفخ بس اسمعهم يقولون كذا
المهم ماعلينا
نبدا الموضوع
اكيييد معروف انه أكثر اداة تستخدميها في شغل البيت وفي اعمالك كلها
هو جسمـــك
فكل شغل البيت يحتاج انك ترفعي الشي ذا وتنزلي الثاني وتروحي وتجي
وآخر اليل آآآآه ياويلك من الآم الظهر والركبتين والمفاصل
وكل قطعه من جسمك تشتكي
(خاصه الدبيات :D2 )
فنصيحه لهم يخفوون شي ترا الشحوم مضره بالصحه <-- قوليه لنفسك لوووووول
المهم نرجع للموضوع مره ثانيه
لكن تعرفي يااست البيت انه طريقة شغلك وطريقة وقوفك وجلستك
هي اللي تسبب لك كل الآم اللي ممكن تحسي فيها
واللي تقول انا ماتعب
اقولها اما انتي ماشيه تمام ووقفتك وجلوسك كلها صحيحه ميه الميه :up:
واذا ماكان كذا
اقول فتره بس وبتشوفي التعب <-- كنها تهدد؟؟
فشوفي معاي الاوضاع الصحيحه والخاطئة الي ممكن تسويها وانتي تسوي شغل البيت
شي في حمل الاشياء الثقيله (ومو لازم يكون البيبي ممكن يكون اي شي <-- لاياشيخه قولي والله:eek2: )
فعشان ترفعي شي من الارض لازم تثني الركبتين وتحافظي على ظهرك في وضع افقي
مثل الصوره
كمان اكيد راح تحملي اشياء ثقيله ( وترا ذا الكلام حتى للي عندهم شغالات وللصبايا بعد لانه اي واحده اذا راحت السوق اكييييييييييييييييد بتشيل اشياء ثقيله والله يعين جيب الزوج ويجعله عامررررررا دائماااا ويصرف عليك قولوا آمين )
فطبعااا راح تزيدي وزن على وزنك وهو اكيد طبعاا مو ناقص فيصير خلل في التوازن وممكن تطيحي وتنكسري لاقدر الله تبعاااااااااااا
فأفضل طريقه انك تحملي الاشياء الثقيله بحيث تكون قريبه من جسمك او بالاصح من ثقل جسمك
حتى لو كنتي بترفعي شي ثقيل مررره مثل قطعة اثاث ( اذا كنتي من الحريم الي كل شوي تقلب في اثاث البيت )
ونجي لغسيل الملابس وانتي تنشرين الملابس لازم تخلي الملابس تكون قريبه منك بدل مو كل شوي طالعه نازله طالعه نازله عشان تنشري يعني والله فقرات ظهرك تقولك ياما ارحميني
ولما يكبوا البزره ربي يحفظهم لك شي على الرخام ولازم تمسحيه الله يكون بعونك
لابد يكون جسمك في وضع مستقيم والاغلب تحني جسمها اذا كانت يد المكنسه طويله عليها
فالله يحفظكم كل واحده تراعي طولها وهي تشتري لها مكنسه لووووووول
عشان مصلحتها مو اكثر
ونجي آخر شي للجلسه السليمه
وطبعااااا ذا يخص الكل طبعا واحنا شعب طول عمره ياجالس يانايم
اساسيات الجلسه السليمه
اولا-- ان يكون الكوع والساعد فوق سطح العمل يعني خليها على مستواك مو تحت
ثانيا-- ان تكون الركبتان والفخذان تحت سطح العمل يعني مو تكتبوا على الكيبورد ورجولكم على الطاوله
وقدميك لازم تكون مثبته على الارض مو كرسي طويل وانتي قصيره ورجولك ضايعه في الهوا لووووول
وطبعا لازم تكون هناك مساحه بين الطاوله مثلا ورجولك يعني لاتضيقي على روحك خليك في وسع
وفمان الله
عساكم فهمتوني بس ؟؟؟
[/COLOR] 
