شفاطة الحليب

نوع بيجون هو الاحسن

بس الله يعينج على الالم

مشكورة الغاليه بس حبيت أعرف هل هي يدويه ولا كهربائيه

خواتي الأعزاء...... بالنسبة لشفاطه الحليب عندي سؤال ...........

اذا ممكن تجاوبوني عليه:pain:

يقال ان مص الطفل أثناء الرضاعه يؤدي الى ادرار الحليب فهل الشفط بأستخدام الشفاطه له مثل المهمه؟؟؟

انا عندي نفس هذا الاستفسار :think:

الغاليات بغيت تفاعل في الموضوع الله يخليكم لأني آخذ مضاد حيوي من3 ايام وما اقدر ارضع بنتي وإذا ما شفطت الحليب أخاف يجف ، ردوا عليه أنا أبغي اشتري الشفاطة اليوم :cry: :sad:

شفاط الحليب يسبب جفاف الحليب بسرعه:down:


نصيحه من مجرب:o



تحياتي...

الشجون مشكورة الغاليه

هلاااااااااا حبيبتي انه جربت الشفاطة الحليب اوكي بس ما تسبب جفااااااااااف لانه اهي تجدد الحليب ...........



ثنكيووووووووووو

وين الحب الغاليه أي نوع استعملتي الله يخليج خبريني أنا الحين بسير أشتري

أبدا شفاطة الحليب ما تسبب جفاف بالعكس تساعد على إدراره وعدم إنقطاعه وإذا أستخدمتيها بالطريقة الصحيحه مافي ألم أبدا بالعكس بتحسي براحه.


أنا بعد الولاده وبديت أروح الدوام تم الحليب يتجمع بصدري ويسبب لي ألم وفي بعض الأحيان حمى لحد ما تعود صدري انه ما يفرز فترة النهار لكن لما كان يتجمع خذيت شفاطة حليب من الصيدليه وكانت ممتازه كثير اليوم برجع البيت وبكره الأربعاء بكتب أسمها لك وبعطيك إياه. وبخبرك كيف تستخدميها.

وإذا كنتي مستعجله من امرك وما تقدري تنتظري لحد بكره روحي لأي صيدليه وقولي لهم أحسن نوع شفاطه وخذيه وطبعا شرح طريقة الأستعمال مكتوب في الورقة بداخل الكرتون.

أنا لما شريته ما عرفت استخدمه تمت تشفط فقط من الحلمه وكانت تؤلم كثير لدرجه أني بغيت أرميها .

الطريقة الصحيحه لازم تأخذي وضع إنحناء للأمام وادخلي الصدر بالفتحه وتبدأي بالشفط

مشكورة الغالية أم أنوار وجزاج الله خير على المعلومات
أسعدني اهتمامج وردج وايد :smile:

شوفوا بنات .. تقريبا كل انواع الشفاطات زينه بس..
اهم شي تكون يدويه لانها مشابهه جدا لمص الطفل ..وانا جربتها
وجربت اللي بالبطاريه ..وعيب الثانيه..انها تشفط بستمرار
يعني طريقتها ماتحث الحليب على الادرار بالعكس بعد فتره من
الاستعمال يبدأ الحليب يجف .. يعني من خلال تجربتي اليدويه
افضل بكثير والنوع اللي جربته هو بيجون بصراحه وايد ارتحت عليها ..
والحين لاحظت ان الشفاطات اليدويه مطوره و منتشره اكثر
من اللي بالبطاريه ..وهذا دليل على انها افضل من غيرها .

ان شالله اكون افدتكم بهالمعلومات :up:

حبيبتي أحسن نوع افينت بدون تردد عن تجربة ولا أروع ولا اريح
AVENT

شكرا على الموضوع
استفدت منه