عندي مشكله وأتمنى المساعدةوبسرعه أرجوكم

اذا كان الرجال زين فنا اقوول ارجعي...انا ماعرف ايش حجم المشكله فما اقدر اعطيج راي اكيد وماقدر اقول غير استخيري وتوكلي على الله...والله يهداكم ويوفقكم ان شاء الله

بسم الله الرحمن الرحيم ،،،

اختي العزيزة أم شروف .. صحيح إنه عدم سؤاله عنك يجرحك أكيد وحاسة بالإهانة تجاه تصرفاته .. بس اني من رأيي مهما كان حجم المشكلة ترجعي بيتك أحسن لك وللأولادك .. وحاولي تحسسينة انك وايد تضايقتي من تصرفاته تجاهك .. بس مو معنى هذا انك تتنازلين عنه وعن بيتك وأولادك .. لأن مهما يكون ما لك إلا الله ثم زوجك وبيتك .

صح أني ما جربت الحياة الزوجية بس اللي عايش في الحياة ياخذ خبرة وعبرة .. خلي في بالك سلبيات وإيجابيات الرجوع لزوجك ونفس الشي السلبيات والإيجابيات لعدم الرجوع .. وفي هذي الحالة بس تقدرين تقررين انك ترجعي أو لا وأنا متأكدة أن إيجابيات العودة راح تكون أكثر .


تحياتي وتمنياتي لك بالتوفيق ..

هلا بالغلا:smile:

اختي مشكلتك يبيلها فن في التعامل خلك ذكيه وتركي عنك الأفلام العربيه.
انتي اخذي اولادك وروحي البيت ويوم تدخلين اخذي عهد على نفسك ان تتغيرين 180درجه من حيث الشكل واللبس والأسلوب .
لاتفتحين ملفات قديمه الرجال مايحب الحرمه الحنانه ,خلاص إللي راح راح.

انتي بنت اليوم والجرح الموجود دوسي عليه عشان اولادك وعشان بيتك ,تفنني باللبس والطبخ والترتيب وفري له كل سبل الراحة وحاولي تدشين له من خلال اولاده شكله ما يقدر يتخلى عنهم .

وتركي عنك كل يوم رايحه بيت اهلك تره والله الرجال يبيع ولا يفتكر
والرجال اعند وايبس من راسه مافيه يعني بالعربي الفصيح تنازلي بارك الله فيك وروحي بيتك ولاتاخذين بنصيحة الغير حاسبيه وعاتبيه خلاص انسي وتوكلي على الواحد الأحد

وطمنينا عليك:shy:

اضم صوتي للخوات زوجك جنتك ونارك ومهما صار بينك وبينه مشاكل ابد لا تطلعين من البيت قعدي وحلي المشكلة ما تتهربي منها وتتوقعيه يجيج صايح وراكع علشان انه يحبج حتى لو يحبج وانتي طلعتي من البيت بدون شوره لاهلج لانج زعلانه ما راح اييج لانه الزم ما عليه كرامته حتى لو كان مشتاق ومتوله عليج فرجعي البيت ولا تفتحي الملفات القديمة وحاولي ما تزعليه واذا زعل ارضيه ولا تنسي الأطفال وانتي بحاجة لحضنة ولكنفه يرعاكم فيه والأهل ما راح يعوضوك او يعوضون عيالك عن ابوهم
والسموحة اذا غلطت في شي

هلا الغاليه ...



انا مع البنات كلامهم صح .نحن مانعرف شوه صار وشو قد المشكله بس نصيحتي لج تردين بيت ريلج وتقصرين الشر و لا تخربين بيتج بيدج دوسي على عمرج اشوي اذ مب عشانه عشان اليهال وبعد لا تفتحين السالفة اللى صارت وخليها ورا ظهرج افتحي صفحه يديدة ولا تحنين وااايد عليها وغيري عمرج في الشكل والملابس والاسلوب وكل شى كنتي تسوينه امسحيه من بالج وابدي حياه جديدة احسن عن قبل ... هذي نصيحه قالتها لي مرت خالي وصدقين انها واااااااااايد اوكي ... لدرجه انه خالي مايرفض لها طلب ابدااااااااااا شوه ما كان ...:smile:
وروحي مع عيالج احسلج وخل عنج الزعل تراه مامنه فايدة سمعيها مني تجربه مرت علي .. وبعد عندي نصيحه ثانيه : اذ صار وزعلتي منه ان شاء الله مايصير زعل لا تبينين حق احد ولا تروحين بيت اهلج خل عنده وسوي كل واجباتج الزوجية كامله...




المسامحه على التطويل


كوكا:up:

انا اجول بيتك وعيالك اهم من احساسك بتجاهل زوجك وانتي عشتي سنين معه واكيد عرفتيه زين انسي ودعي المركب يسير علشان العيال








والله يهدي الحال وطمئنينا عنك

السلام عليكم ورحمة الله وبركاته

أختي...الغلط كان من البداية ...إنك تركتي بيتك...و أغلب اللي عملوا ذلك كانت مشكلتهم إنه أزواجهم ما جوا يصالحوهم...و بالتالي ما عرفوا يرجعوا بيتهم تاني...و المشاكل كبرت على الفاضي...و كان ممكن تنحل من البداية في بيتكم...

الحين لازم ترجعي بيتك لأنه مملكتك اللي ما لك غنى عنه...

أقترح عليكي قبل ما ترجعي بيتك...و في مرة يكون جاي فيها علشان الأولاد...تقعدي معاه و تتكلمي بهدوء علشان تحلوا المشكلة بينكم...

وفقك الله يا رب...و طمنينا عليكي أختي...

كاتب الرسالة الأصلية : مذهلة البحرين
هلا بالغلا:smile:

اختي مشكلتك يبيلها فن في التعامل خلك ذكيه وتركي عنك الأفلام العربيه.
انتي اخذي اولادك وروحي البيت ويوم تدخلين اخذي عهد على نفسك ان تتغيرين 180درجه من حيث الشكل واللبس والأسلوب .
لاتفتحين ملفات قديمه الرجال مايحب الحرمه الحنانه ,خلاص إللي راح راح.

انتي بنت اليوم والجرح الموجود دوسي عليه عشان اولادك وعشان بيتك ,تفنني باللبس والطبخ والترتيب وفري له كل سبل الراحة وحاولي تدشين له من خلال اولاده شكله ما يقدر يتخلى عنهم .

وتركي عنك كل يوم رايحه بيت اهلك تره والله الرجال يبيع ولا يفتكر
والرجال اعند وايبس من راسه مافيه يعني بالعربي الفصيح تنازلي بارك الله فيك وروحي بيتك ولاتاخذين بنصيحة الغير حاسبيه وعاتبيه خلاص انسي وتوكلي على الواحد الأحد

وطمنينا عليك:shy:

الله يسخرك له ويسخره لك ويجمع شملكم قولوي امييين

السلام عليكم ورحمة الله وبركاته
حبيبتي انا برايي انج تكبرين عقلج وتردين البيت عشان العيال وعشانج انتي بعد وتفتحين صفحه يديده ولا كأن شي صاااااار ولا تفتحين الموضوع بعد
والله يهديه انشالله ويسعدك ياااااااااااااااااااارب
ولا تنسين الحياه تضحيات ضحي وخلي الكرامه عنك عشان العيال وعشانكم انتم..؟
تحياتي عمري
اختج
توته الكويتيه

كاتب الرسالة الأصلية : مرموم




السلام عليكم ورحمة الله وبركاته

أختي...الغلط كان من البداية ...إنك تركتي بيتك...و أغلب اللي عملوا ذلك كانت مشكلتهم إنه أزواجهم ما جوا يصالحوهم...و بالتالي ما عرفوا يرجعوا بيتهم تاني...و المشاكل كبرت على الفاضي...و كان ممكن تنحل من البداية في بيتكم...

الحين لازم ترجعي بيتك لأنه مملكتك اللي ما لك غنى عنه...

أقترح عليكي قبل ما ترجعي بيتك...و في مرة يكون جاي فيها علشان الأولاد...تقعدي معاه و تتكلمي بهدوء علشان تحلوا المشكلة بينكم...

وفقك الله يا رب...و طمنينا عليكي أختي...

انا مع اختي في الرائي قبل لاتطلعين من عند اهلك اجلسي معه جلسه وديه وحاولي ترضينه حتى لو كان هو اللغلطان حتى ترتاحين نفسين وهو يحس بخطاه واذا انتي الغلطانه حاول ترضينه بقد ماتقدرين والرجل مثل الطفل يبي له مساير ودلع ولاتنسين هو جنتك ونارك والله يوفقكم:up::up:

ونا رايي مع البنات رجعي لبيتج وابدي صفحه جديده عشان العيال

ولاتخلين احد يتدخل بمشاكلكم حلوها بينكم احسن والله يوفقج انشاءالله

ونسمع منج الاخبار الطيبه


بالتوفيق


مع التحيه:up:

السلام عليكم ورحمة الله وبركاته

الأخوات ماقصرو ماخلو لي كلام:o

أنسي الي كان لانه السبب وراء دماااااار البيوت بس مو تعدينها يعني بالمختصر جلسي وتفاهمي معه على هدوء ولاتحااااااااااااااولين تتطلعينه الغلطان حاااااااااااااذري كل ماقالك شي قلي له أنشاء الله وأنا أسفه وأعتذر لجل تكسبين وده بس مو تكونين ضعيفه

والله يوفقك

ولك مني كل التقدير والأحترام




مملكــة القلوب

اختي الغالية من الاساس كان المفروض ما تطلعين من البيت،، لانه في العادة الريال يحس فيها اهانة وصعب بالنسبة له انه يرجعج،،، وتخيلي آخرتها تضطرين ترجعين خاضعه له بعد ما استوى اللي استوى امام الاهل والناس كلهم،،، وتخيلي حتى اخوانج داروا وياه،،،، بغض النظر عن حجم المشكلة اختي كان المفروض انج تتأنين في حل المشكله بينج وبينه ودايما عودي نفسج انج تصبرين على الشدايد،،،، ادري انه في بعض الاحيان كرامة الحرمة ما تسمح إنها تظل في البيت لكن الغالية حطي في بالج انه ها كله احتساب للاجر عند الله وإذا مب عشان خاطر زواجج اللي دام اربع سنوات وياه،،،، عيل عشان خاطر اعيالج الله يحفظهم لج،،،، الغالية اكيد انتي ادرى بزوجج وفاهمتنه عدل فكان من الحكمة انج تتروين في المشكلة وتحاولين توصلين للحل بعيد عن الاهل،،،، الحينه ما لج غير انج ترجعين لبيتج وريلج وعيالج،،، الحرمة ما لها بد عن ريلها واعيالها،،، ودايما كوني حكيمة في عدم التسرع بترك البيت وتجاهل عواقب ذلك،،، طبعا كونه ما يسأل عنج ولا فكر يردج اكيد شي يجرح بس انتي اعذريه لانه الريال كرامته يمكن ما تسمح هو الثاني وتعرفين الرياييل ما في اعند عنهم في هاي المسألة بالذات،،،

الصراحة احي روح الاخوات جميعن لانهن اول ما نصحوج به انج ترجعين بيت زوجج،،، بس انا اخالف في نقطة وحدة،،، طبعا يكون الافضل انج تنسين كل شي وتفتحين صفحة يديدة بس انا اشوف انج إذا سويتي جيه معناه انه ممكن يكرر الشي اللي سواه في السابق وما راعاج فيه،،، انا اقول انج ما تقصرين في حقه نهائيا من ناحية الخدمة والملبس والاهتمام بس في نفس الوقت بيني له شويه انج بعدج متأثرة باللي سواه وحاطه في خاطرج بدون ما تفتحين وياه الموضوع او تتجادلين وياه مرة ثانية،،، يعني الزبدة لا تكونين طبيعية زيادة عن اللزوم ولا جنه شي مستوي وتسولفين وتضحكين عادي وكأنج نسيتي كل شي،،، خلج هادية وياه ورزينه واخدميه على اكمل وجه ومن ملامح ويهج بيني له انج تنتظرين منه اعتذار او رد اعتبار،،،، ما ادري الصراحة إذا ها الحل يناسبج،،، وهذا يعتمد على طبيعة زوجج،،، لانه في بعض الرياييل ينسون كل شي بمجرد ما تبيني لهم ها الشي وما يعيبهم يوم تبينين لهم العكس،،، انتي شوفي شو يناسب زوجج بحيث انه ما يزعل منج مرة ثانية وما تدخلين وياه في نفس المشكلة وفي نفس الوقت تخلينه يتجنب انه يكرر ها الشي وياج مرة ثانية في المستقبل،،،

ومثل ما قتلج الغالية خلج دايما حكيمة في التعامل ويا مشاكلج ويا زوجج وحليها دايما بينج وبينه في نطاق بيتكم وليس فيما يتعداه،،، واقرني حكمتج بالصبر الجميل الله يكتبلج التوفيق ان شاء الله

ارجعى البيت وعلى قولتهم اخزى الشيطان وعليك بالدعاء والصلاه ولك منى هذا الدعاء (اللهم القلب العاصي...اللهم اجعلنى سيدة قلبه وقرة عينه واجعله قره عينى )لا تنسي صلاة الليل فهى مفتاح السعاده

وفي الليل قومى للصلاه واقرئي سوره البقره والحديد وان شاء الله تستجاب دعوتك لا اعرف مدى صحه هذه المقوله ولكن خالتى جربتها واستجاب الله لها عسى ان يستجيب الله لك وطمنيننا عن حالك

اختي في الله نصيحة من اخت صغيرة لا تتركي بيتك في اي حال ومهما حصل حتى اذا قدر الله ووصلت المشكلة للضرب او الاهانة كله الا انك تسيبي بيتك
اقولك هذه الكلمات وركزي في كل حرف تخيلي قسوة اقرب الناس وكان احنا الضحايا
بقلك نيابة عن اطفالك

امى وابي كانوا دائما في مشاكل ليس لها اول عن اخر ولكن امى لم تترك البيت لحظه ولكن امي وابي شاء الله انهم ينفصلوا نهائي وامي سابت البيت الان ونحن معها وكان السبب في ذلك

خالتي وزوجها وهوه في نفس اللحظه ابن عم امي هم السبب في اشياء كثيره والانيل عمى ومراته وهي ايضا تكون لامى بنت عمتها

يعني اقرب الناس دمروا حياتنا

اقولك شيء نهائي لاتتركي بيتك نهائيييييييييييييييييييييي ولا تدخلي احد من الاهل في مشاكل وتظاهري بان لايوجد مشكله حاولي تحلي مشاكلك بنفسك حبي
واثناء غضبك تذكري جزء من المائه من حكايتي هذه وتذكري كلماتي ولا تردي عليه وعندما يهدا اتنقشوا سوف يكون هذا افضل كثيرااااااااااااا
والاهم الاولاد لم يحسوا بشيء

ارجوكي لاتنسي اطفالك لم احب ان يكونوا في يوم من الايام في نفس مشكلتي

قبل ان تاخذي اي قرار صلي استخارة واسمعي اراء اصدقائك ولا لاتنفذي غير المقتنعه بيه

وسلام حبي واتمنى ان تعود المياه لمجاريها

:shy:ألسلام عليكم ورحمة الله وبركاته مشكووووووورين على ألردود وأتمنه أني أقدر أسوي كل ألي قلتوه لي . بس على فكره أنه ما طلعت من ألبيت زعلانه كنت موجوده في بيت أهلي يوم صارت ألمشكله . وجزاكم الله خير .:shy:

لا تزعلين بليييييييز من البدايه ما كان المفروض تاخذين واحد معرس :down:بس كل شي قسمه ونصيب وراي الخوات صح ردي بيتج ولا تخلين حد يتدخل :up: