اولا قبل مابدأ في الموضوع احب اقول شي
اعذروني لاني بكتب بالعاميه بس لاني اتمنى انه اقدر اوصل المعلومه بشكل سهل وواضح وبسيط
وبيني وبينكم عشان اتكلم براحتي بعد ماراعي اساليب النحو :D
انساتي سيداتي
ماراح اتكلم عن اساليب الدلع والمكر الحريمي
انا بتكلم عن سياسة جديدة في معاملة الرجل نجهلها نحن النساء
يعني اصمالله علينا مايقول الرجال [color=993366]لأ الانهب بخلقته (السموحه منكن عزيزاتي بس الحق يقال )
فراح نتعلم سوا طريقه جديده ممكن تجيب نتيجه معهم
اقروا ذا الموقف اللي اكيد مر في كل واحده فيكم بس باسلوب مختلف وحوار مختلف لكن نفس الاساسيات في الحوار وانتبهوا للملاحظات.....
[align=justify]
*انتي : يامحمد قوم روح البقاله هات لنا خبز ولبن و و و و .
*هو:يعني ماتشوفين برتاح شوي الا تقولين قم جب وقم جب ..انا تعبان توني جاي من الدوام ..
*انتي:يعني انت بس الي تعبان انا ماني تعبانه يعني كل شغل البيت علي والعيال بعد مو بس انت تعبان انا تعبانه اكثر منك وبعدين كل المشوار ماياخذ معك عشر دقايق قلبتها هوشه
*هو:انا الي اجيب المشاكل والا انتي ....
*انتي: طيب خلاص ماعاد نبي شي
*هو:دامكم ماتبون ليه تقولين لي من الاول
وبوووووووووووووووم
صارت هوشه كبيره عريضه بسبب خبز ولبن واذا ماصارت هوشه كبيره كل واحد يقلب وجهه ويمد بوزه على الثاني
والسبب ولاشي تافه
وخلوا بالكم الحوار الي ذكرته على شي من البقاله كيف لو طلبت فستان او او او من طلبات الحريم الي ماتخلص
يعني بيفرقع البيت وكل واحد بينام بغرفه
اوكي الحين لو قلبنا الحوار وغيرنا في السيناريو شوي ..
[align=justify]
*انتي : يامحمد قوم روح البقاله هات لنا خبز ولبن و و و و .
*هو:يعني ماتشوفين برتاح شوي الا تقولين قم جب وقم جب ..انا تعبان توني جاي من الدوام ..
*انتي: ...................... التزمتي الصمت
*هو: لسه يهذر ويتكلم بصوت عالي ومنزعج من طلبك
*انتي : ............... لسه ساكته
شنو راح يصير |3|
بتلاقيه وهو يصارخ ويدمدم ويشتكي حيقوم من وحده ياخذ شماغه ومفتاح السياره عشان يروح البقاله ويجيب لك اللي تبين ..
مايستفاد من المشهد ::[glint]مو بالضروه انه اذا قال لأ بالأول معناه انه ماراح يعمل لك الي تبين [/glint]
وترا كل الي راح مقدمه بس :cool:
اليكم الطريقة بالشرح لتعويد الرجل على قول نعـــم ..
أهم شي هو انك تسكتين بعد طلبك خليه يتكلم خليه يصارخ يقول اللي يبيه لاتردين عليه اذا رديتي عليه اعرفي انك خسرتي نقطه في صالحك
بمعنى اذا بدأ الرجل في التحلطم
احذري انك تقولي *اووووف خلاص انسى الموضوع
*معقوله بعد اللي اسويه لك تقولي لأأ
*انا ماطلبت منك شي مستحيل
*ماراح يأخذ منك طلبي ربع ساعه والا عشر دقايق
*وليه ان شاءا لله ماتقدر تروح؟!! وش مشغلك؟
و و و و ...................
ترا هذه طريقة عندهم يحاول يسوي سالفه ويضيع الموضوع عشان يقول لأأ
لاتعطينه الفرصه هاذي :down:
واذا قام يسألك اسئله جاوبيه على قد السؤال لاتطولين معه لانها محاوله منه بعد عشان يتهرب من الموضوع
انتي جاوبي على سؤاله واطلبي مره ثانيه واسكتي ثاني ....
بمعنى لاتحاولين تقنعينه بأنه ينفذ طلبك وحتى لو سكتي المره ذي وماعمل لك اللي تبين المره الثانيه حيعمل
لانه حيقدر سكوتك في المره هاذي
....... انتهت الحلقة الأولى .........
نرجع للحلقه الثانيه
راح محمد لبقاله وشترى لكم العيش واللبن وبيبسي بعد
اول مايدخل بوسيه
وقولي يعطيك العافيه حبيبي والله لايحرمني منك (لاتقولين عشان لبن اسوي كذا لاتستهوني بصغائر الأمور )
بكذا هو حيحس انك مقدرته وممتنه له وبكذا يشعر بثقته بنفسه أكثر والنقطه ذي لازم تركزي عليها
في كل مره يعمل لك شي لو بسيط خليه يحس انه بعمله ذا هو اهم انسان بحياتك واحسن رجل بالعـالم
يعني بيني وبينك انفخيه على قد ماتقدرين
...وانتهت النشره.... [/color
]
اتمنى اني وصلت لكم الي ابيه
واتمنى اشوف مداخلتكم على الموضوع ووارئكم
خاصة انه اول موضوع لي :o
تحيتي
