برنامج خاص لبشـــره بيضاء مخمليه كبشــرة الاطفـــال

السلام عليكم ورحمة الله وبركاته

حابة اكتب لكم برنامج اتبعته اختي لبشرتها .. بس قبل لا اقول لكم البرنامج حابه اوصف لكم بشرتها

اختي مهندســـه ودايم تكون متعرضه للشمس وهذا سبب لها اسمرار واضح وايضا كلف ..غير انها طبيعتها اذا اكلت اي كاكاو او مواد دهنيه على طول تطلع على حبوب وبثور وبعد ما تروح الحبوب تبقع بشرتها من اثار الحب

بعد فتره صارت بشرتها بصراحه مقرفه مبقعه لدرجة انها كانت في كل مره تطلع تظطر انها تحط كريم اساس عشان تعدل مو لونها شويه

المهم اشترت برنامج متكامل عباره عن :-

1- كريم تقشير
2- كريم ليل تغذيه للبشره وتبييض
3- كريم نهار واقي من اشعة الشمس
4- قناع طيني بالاعشاب تبييض وشد البشره
5- غسول خاص بالوجه
6- زيت خاص بالبشره لعمل مساج وايضا لتنظيف البشره

البرنامج هذا اشترته متكامل من معالجه وهو يخص البشره الجافه والدهنيه والمختلطه ..لكن البشره الحساسه يفضل انها تستعمله في الشتاء فقط ... لانه انا بشرتي حساسه ورفضت المعالجه تعطيه لي وقالت في فترت الشتاء بامكانج تستعملينه وقالت بشكل عام البشره الحساسه لاازم ما تعمل عملية تقشير في الصيف نهائيا نهائيا.. وانا ناطره باذن الله الشتاء عشان ابدى البرنامج لانه بصراحه بشرة اختي تغيرت وايد

قبل لا اقول لكم نتايج البرنامج خلوني اشرح اشلون كان برنامجها اليومي

1- في البدايه استعملت كريم التقشير ليلا لمدة 14 يوم مع كريم النهار الواقي نهارا اذا طلعت خارج المنزل

2- بعد انتهاء عملية التقشير .. استعملت كريم الليل بشكل منتظم .. وايضا قناع الطيني عشبي مرتين بالاسبوع ..وعلى فكره القناع هذا واايد فضيع وانا جربته بنفسي واايد حلوو يبيض وبعد يشد البشره .. والقناع كانت تخلطه بماي الورد وتخليه على بشرتها ليمه يجف كليا

3- وطبعا الغسول كان مخصص للبشره وامنعتها عن غسل الوجه باي صابون قلوي لانه ممكن يسبب لك حساس لانه في نسبة عطور تقول انها تسبب اسمرار وايضا حساسيه لانه البشره قاعده تتقشر

4- وايضا الزيت كانت تسوي فيه مساج لبشرتها ..بالاضافه عليمتها على طريقه تنظيف البشره بهذا الزيت .. وهي تسوي تنظيف مره وحده بالاسبوع .. ونتايجها وايد حلوه خاصه انها عطتها ورقه فيها اقنعه طبيعيه تسويها لبشرتها بعد التنظيف لتغذيه للبشره

العمليه هذي خلت اختي تستغني عن عملية تنظيف البشره بالصالونات .. لانها اولا مكلفه ثانيا الي تسويه في البيت قاعد يعطيها نفس نتايج الصالونات ويمكن بعد احسن

نتايج البرنامج
بشره بيضاء بثلاث درجات ماشاء الله .. لون بشرتها توحدت وصارت لون واحد .لون البقع اغلبيتها اختفت والبقيه في طريقها للزوال .. بشرتها صارت ملمسها ناعم ..عمليت المساج والقناع الطيني خله بشرتها مشدوده

هذا غير انه الاقنعه الطبيعيه الي وصفتها لها غذت بشرتها


هذا برنامج اختي المتكامل والحين راح اكتب لكم الاقنعه الطبيعيه الي اختي تسويها .. وانا بعد اسويها وياها

:oالعوض ولا القطيعه البرنامج وماراح اسويه الا في الشتا على الاقل اسوي ببشرتي اقنعه

وللعلم خواتي الكريمات هذي مافيها مضره نهائيا لانه اخوي صيدلي وفحصها لانه اختي كانت متخوفه انها تسبب لها مشكله ... ومافيها اي كرتزون وهي طبيــــــه ..اما القناع فهي عشبي طيني

انتظرونيــــــــــــــــــــي لا تروحون الحين بكتبها لكم .. وعلى فكره هي اقنعه طبيعيه من المطبخ بس واايد حلوه وفضيعه للبشره .. عن تجربه شخصيه وتجربه اختي بعد :)

انتظرووووني

ميااااو مياااااو :shy: