أرجوكم أنصحوني شو الحل ؟؟؟؟؟!!! رح أموت من القهر

غاليتي قدر الله ومشاء فعل ليه تاخذينه وانتي عارفه ان اهله وعائلته ماهم راضين ولونك خذيتيه عشان خاطره كيف يخليك والله مايستهلك غاليتي بقولك شي بس لاتزعلين مني انا مااحب الزوجه الثانيه الي تاخذ الاب عن زوجته واولاده قلتلك لاتزعلين والله ينصرك

لاحول ولا قوه الا بالله

بصراحه هو ما يستاهلك يعني لو ما كنتي حامل كان طلقج بصراحه هذي

مهى تصرفات رجال عاقل ، المهم حاولي معاه مره ثانيه وياريت

تشركين احد كبير من العايله والله يكون في عونج اختى

Allah ye3eenik....
bas ana ma3a o5tee الوزيرة
laish ya o5tee 5athtee wa7id mitzawij??? law shenow kanat el'9iroof el mafroo'9 ma twafgeen ella bmowafagat zojtih o ahlah.... alla ye3eenich o ye9abrich o 2asfih 3ala hatha el kalam bas hatha ehwa el waqi3 o na9ee7a le ay bent ter'3ab fee el zawaj men rajol metzawij o 3endah 3yal enha tfakir milyooooooooon marah gabel ma tahdim byoot o tsharid a6faal la2ana o5tee el kalam elly yegoolah el rayaal el mitzawij gabil ma ya5ith el thanyeh yet'3ayar lama yewajih el waqi3 o yeshoof 3adam qodritih 3ala el 3adaleh we el mosawah bain zojatih well '9a7eyeh el 3yaal elly nafseyaathom t9eer 3adam o momken yen7arfoon .... fel 7ageega e7nah mo 3aysheen zeman el RASOOL (ALLA ALLAH #ALIAHE WA SALAM o wala a7ad yegdar ye9eer nafsah...... wallah ma wedy agool luch hal kalaam o aloomich bas '3a9ban 3any o arjoo enich ma tiz3eleen men kalamee o Allah yewafgich ma3ah ....

ماقدر غير اني ادعي لك الله يحل مشكلتك

ويريح بالك اختي

السلام عليكم ورحمة الله وبركاته
آآآآآآآه يا قلبي والله عورتي قلبي(u) ياحياتي بس الله يعينج حبيبتي صراحه اسمحيلي اقولج انه ما يستاهلج؟؟ صراحه ماتستاهلين حبيبتي والبيبي ياعمري والله ماله ذنب:confused:
انا برايي تصبرين شوي لين اللله يفرجها وتفاهمو مع بعض مافيها شي ليتفاهمتو مع بعض ..واذا ما نفع حاولي تدخلين اللي اكبر منه والقانون معاج والشرع معاج ياعمري.. بس خلي ايمانج بالله قوي ولا تتهورين..؟
الله يوفقج
ويهنيج حبوبه

اختج
توته الكويتيه

ياأختي ...

أرجوك أرجوك سامحيني على هالكلمة بس انها ترقع بقلبي وحبيت أوصلها لك ..

بغيت أقولك ليش حريتي كبد هالمسكينه وخذيتي زوجها منها
أدري انه حلال وشرع من رب العالمين بس المره وش دخلها تحرين كبدها ..

ويمكن والله أعلم دعت عليك مثلا .. وصابت دعوتها

الله أعلم ...

عفوا أختي ماقصدت أجرحك بس أنا موتي ولا اللي ياخذ على زوجته ..

ويمكن يقول الرجال منهم ابي أكمل نص ديني أو أطبق شرع الله أو أقتدي بالرسول عليه الصلاة والسلام ..

وأقول لهذ وأمثاله .. مالقيت غير الزواج تطبق به شرع الله .. فيه أشياء أسهل بكثيييييير من الزواج ماطبقتوها يالرجال ...وفيه كثير من السنن اللي عملها الرسول عليه الصلاة والسلام ماأحييتوها ..

أخيرا أعذريني أختي فأنا مقهوره من الرجال خصوصا وأنني قبل ساعات قليلة سمعت خبر طلاق وحدة خذت رجل متزوج .. للأسف يقول أنه ماحبها .. ولا حول ولا قوة إلا بالله العلي العظيم ..

يا ناس مادري شو اقوووول لكم ليش تلوووموون بنت تزوجت ريال متزوج اللي صار صار لازم تحرقوون لها قلبها وبعدين الريال عادي بتزوج وحده ثانيه الله حلل له اربع وبعدين ليش قالوا عن الرجل رجل الا لانه يعرف يتحكم و زوجها غلط في حقها لازم يعدل وهو ماعدل بينهم اختي مالج الا الصبر ترا الصبر مفتاح الفرج وحاولي معاه وبالكلام خليه يعطيج حقج ويعني والله مادري شو اقول حق العضوات البنت داشه تكتب مشكلتها يعني تبى حل او مساعده واللي داشين يقولون قبل شوي سمعنا وحده مطلقه لاحول ولا قوه الا بالله العلي العظيم اللي ماتقدر تساعد وحده في مشكلتها لاتزيدها وسامحوني

السلام عليكم ورحمة الله وبركاته

ينقل الى ركن القضايا والحلول

ولك مني كل التقدير والأحترام




مملكــة القلوب

أنا من رأيي : ان الزوجة الثانية لازم ماتشتكي أبداً من تقصير زوجها لها ..

ماتزعلي مني ومن صراحتي ...:s2

بس أنا أقول ان الوحدة اذا فكرت انها ترتبط بزوج متزوج ، أكيد أكيد انها بتكون عارفة السلبيات قبل الايجابيات ..
وأنا أشوف ان مثل هذا الزواج فيه السلبيات أكثر من الايجابيات ... وفيه وجع راس لكل الاطراف ( للزوج - والزوجة الاولى- والاولاد - والزوجة الثانية)


ماادري أيش أقولك :pain: : بس كل اللي أقدر اني أقوله : استحملي

لا لا لا لا

لالالالالالا
:pain:

لازم تحطين حد حق تصرفاته معك انتي مولعبه مل منها ويرميها لا ياعيني انتي زوجتة وأللي يمشي حق الأوليه يمشي على الثانية طلبي حقوقك كامله ولاتصيرين ضعيفه ومهزوزه واذا هو موكفوا زواج ثاني يصلح غلطته

والله لعب عيال:down:

قطيعه تقطع ......ولا بلاش

يااااااااااااااااااااااابنات خفو علي البنت شوي


حراام عليكم هي ماعرضت المشكله الا وتبي حل



مو تلمونها علي شي خلاااااااااص انتهي ما يفيد فيه النصيحه


يعني تبونها تتطلق طيب والولد وين يروح



وهي ماخذته علي سنه الله ورسوله مو عيب ولا حراااام



وبعدين انتو ماتدرون عن الظرووف اللي خلتها تصير زوجه ثانيه



يااختي صلي علي النبي وتعوذي من بليس

وانصحك بالدعااااااااااااااااااااااااء وقياام اليل


ادعي ربك انه يسخره لك ويعدل بينكم

يااختي حولي تكلمينه بالسياسه

يعني اذا جاعندك تلومينه واذا ررااح لزوجته اكيد بعد


تلوومه واذا راح حق اهله يلمونه


اكيد الرجال بيطفش


حولي تكسبينه بصفك


والكلام الحلوو يكسر صخر


كلميه بسلووب حلووو ومقنع وحببيه في الجيه لك

ولا تيأسين ابدا ابدا ابدا

وعليك بالصبرررررررر


قلبي معك..

قولي هالادعيه وانشاء الله ربي يفرج همك وهم كل ضااايق


دعاء الكرب


عن ابن عباس رضي الله عنهماأن رسول الله صلى الله عليه وسلم كان يقول عند الكرب:لاإله إلا الله العظيم الحليم ، لاإله إلا الله رب العرش العظيم ، لاإله إلا الله رب السموات والأرض ، ورب العرش الكريم). رواه البخاري ومسلم



دعاء الهم والحزن


ماأصاب عبداُ هم ولاحزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي . إلا أذهب الله حزنه وهمه وأبدله مكانه فرحاً رواه أحمد وصححه الألباني
اللهم إني أعوذ بك من الهم والحزن ، والعجز والكسل والبخل والجبن ، وضلع الدين وغلبة الرجال . كان رسول الله صلى الله عليه وسلم يكثر من هذا الدعاء

السلام عليكم ورحمة الله وبركاته اختي aboura

أول شي أقول انا اوافق اختي فطيم19
فعلا يا بنات..البنات داشة تعرض مشكلتها تبا لها حل منطقي ومن غير ما تهدم حياتها..وانتوا دخلتوا دخلة حامية عليها ولا اعطيتوها حل للمسألة
انا بروحي لما قرأت ردودكم تخرعت منها بصرحة :eek2:
لا تزعلون مني ..لكن فعلا اللي عندها حل تكتب حلها بدون ما تزيد هم صاحبة المشكلة بدون اي حل حتى :rolleyes:

شوفي أختي aboura :smile:

أول شي اختي الشرع ما ينزعل منه...والشرع حلل للرجل أربع...لكن الله سبحانه حلل اربع للرجل لأسباب محددة معروفة منها مثلا عقم الزوجة الاولى او مرضها او انه الرجل قوته الجنسية اكبر بكثير من تحمل الزوجة فيضطر يتزوج عليها حتى لا يقع في الحرام ..وغيرها من الاسباب...لكن مع هذا التعدد الله سبحانه اشترط العدل مهما كان بين الزوجات .وإذا لم يعدل الزوج بين زوجاته...يأتي يوم القيامة بأحد شقيه وهو مائل كما قال النبي صلى الله عليه وسلم...فالعدل أساس التعدد
وعلى فكرة اختي...في ناس وايد متزوجين اكثر من زوجة ..وعايشين في سعادة والحمدلله...وانا اكلمج بهالشي وانا اشوف تجارب في عايلتي ..تجارب ناجحة والحمدلله......وبعد في تجارب فاشلة..وهذا حال الدنيا.......يعني حتى اللي يتزوج زوجة وحدة بس..تلاقي احيانا بينهم مشاكل ومب مرتاحين ويا بعض وبالاخير يحصل الطلاق بينهم...

الزواج برجل متزوج..مش جريمة اختي..فلا تستمعي لاي كلام يقولج العكس ويزعجج اكثر من هالموضوع :smile:

بالنسبة لزوجج...انصحج أختي أول شي تهدين نفسج وتفكرين بعقل وخاصة انج حامل..وانتي خذيتي هالرجل ووافقتي عليه من الاساس وانتي عارفة انه متزوج..ومثل ما قلت لج قبل بكل شي الزين والشين ......

فانصحج اختي انج في البداية لا تفتحين معاه موضوع زوجته الأولى ..وانت تحبها أكثر..وليش اخذتني وانت تباها هي ..ومن هالكلام اللي غالبا يسبب الضيق في نفس الريال ويخليه احيانا ينفر ويضيج خلقه من وجوده معاج..أنا اتكلم بشكل عام اختي فلا تتضايجين من كلامي اذا كان قوي شوي :smile:
حاولي انج تكسبين زوجج....حاولي تخلين مسألة انج زوجة ثانية على جنب شوي....اهتمي بنفسج وملابسج وزينتج...حاولي تكونين كل يوم امرأة جديدة على قولة اهل المكياج :cool2:
في اليوم اللي يكون فيه معاج...حاولي تفتحين معاه مواضيع متنوعة ..نمي ثقافتج بكل المواضيع .افتحي معاه حوار ثقافي او اجتماعي عن اي شي ..حسسيه انج انسانة واعية ومثقفة وست بيت ممتازة....جهزي له الأكلات اللي يحبها ..تفنني في الطبخ...اثيري دهشته كل مرة يكون فيها معاج بشي يديد..لا تكونين روتينية ما تهتمين بتغيير مظهرج ولا تفكرين انج تعاقبينه لانه عند زوجته الاولى اكثر ....
حاولي تجذبينه ناحيتج مثل ما قلت لج ودايما خلي الابتسامة ما تفارق ويهج في وجوده ....لا ترفعين صوتج لما تكلمينه..خليه قريب من الهمس ..حسسيه بنعومتج ودلعج ..وخاصة في غرفة النوم :shy: ... اقترحي عليه بين فترة والثانية تسوين له مساج وتختارين زيوت معطرة حلوة ..تفرشين له على الارض وتقعدين جنبه تسوين له مساج وخلافه :shy: وتحضرين لكم كوبين عصير منعش وبارد مثلا ..بتكون بادرة حلوة منج ..وانتي تسولفين وياه باي موضوع حلو .....ولا تنادينه الا يا حياتي ..يا حبيبي.يا ابو فلان :shy:
وخاصة انج قلتي إنه قالج : أنا بجيك وانشاءالله قريب أحقق لك هالشيء " ..حاولي تاخذين هالجملة كأنها أمل وشمعة لج ...لانه يمكن الريال عنده بعض المشاكل اللي يحاول يحلها ويحس انج مثلا مب قادرة تفهمينه او تضغطين عليه .....حاولي تصبرين عيوني وتهيأين له كل أسباب الراحة والحنان ..
يعني انصحج تطبقين هالامور اللي قلت لج عليها فترة..وعقب بكلام حلو ولطيف وفي فترة صفاء بينكم افتحي موضوع حقج عليه كزوجة...قولي له حبيبي انا اشتاقلك وانت اكيد حاس بهالشي ..ومن هالكلام الحلو ...بدون ما تقولين زوجتك الاولى وزوجتك الاولى ..لا تعكرين لحظات صفاءكم بذكرها ......حاولي تستغلين كل لحظة يكون موجود فيها معاج وانظري للمستقبل .....وبالعكس اذا ذكرتيها ..اذكريها بالخير وقولي انج تعتبرينها مثل اختج..حتى لو هي ما حبتج...بس قولي هالكلام لزوجج وحسسيه انج انتي الزينة ..
وحاولي تلاقين لج هواية في المنزل تشغل وقتج في الوقت اللي هو ما يكون موجود وياج فيه ...اشغلي نفسج بهواية معينة في اي شي الله حلله ..لانه الفراغ الكبير على المرأة صدقيني يخليها تفكر وايد وتحس بالضيج وما تشوف جدامها غير المشكلة اللي هي فيها ..حتى لو كانت هالمشكلة بسيطة احيانا..لكن مع وقت الفراغ الكبير تكبر هالمشكلة في خيالها وتتعبها نفسيا وايد .. :smile:
انظري بتفاؤل للياهل اللي ياي بالطريج ..الله يقومج بالسلامة يا رب .... ركزي عيوني على الياهل واعتبريه حياتج ..... واشركي زوجج في الكلام عنه احيانا ... فكروا شو بتسمونه لو كان ولد او بنت .... قولي انا اتمناه ولد يشبهك مثلا..يعني كلامج خليه دايم يكون حلو ........لانه صدقيني الكلام الحلو هو المفتاح لقلب الريال :shy:
وان شاءالله كلها شهور قليلة وبيشرف البيبي وصدقيني بياخذ كل وقتج ... ركزي على هالشي بعد واعتبريه هالياهل هدية من أبوه تعوض غيابه احيانا :shy:

ومع هذا كله أختي..أنا ما اقول انج تنسين حقج كزوجة لها حقوق على زوجها .... لكن انا اقول أول تتخذين هالخطوات اللي قلت لج عليها حاولي تخلين بيتج بهالطريقة هو الجنة اللي يحب زوجج يرجع لها بسرعة ..ويشتاق لج دايم :shy:
يمكن في البداية ما تحسين صار تغير..لكن لا تيأسي..صدقيني راح تحسين بنتيجة صبرج واهتمامج فيه مع الوقت ...والريال على قولتهم طفل كبير..يحتاج لكلمة حلوة وتعامل حلو .... :shy:

وانصحج بعد..لا تحطين حاجز بينج وبين اهله.....بالعكس حاولي تزورينهم معاه وتقعدين وياهم..تاخذين معاج هدية حلوة حق امه ....ترى الهدية بركية..والرسول صلى الله عليه وسلم قال: "تهادوا تحابوا" ...حاولي تكسبين أمه بالكلمة الحلوة...بدون طبعا ما تهدرين من كبريائج جدامهم .... لا تتدخلين في أمورهم....ولا تسمحين احد يتدخل في أمورج بس بدون هواش..بالعكس كل شي بالعقل :shy:
واذا حسيتي اهله مع محاولاتج هاذي كلها مب متقبلينج....لا تزعلين ..بالعكس انتي سوي اللي عليج وزوريهم وتكلمي معاهم بالزين ...... وحتى قولي لزوجج..امك انسانة ممتازة...وهي مثل امي حسيتها..من هالكلام اللي يحبب زوجج فيج :shy: .. ولا تحاولي تقولين له لو صارت مثلا مشكلة بينج وبين امه او احد من اهله....حاولي تكونين انتي الزينة ..بس اذا زاد الموضوع مثلا ممكن تقولين له انه هالنقطة ترى ما تعيبج ..بالتفاهم والعقل :shy:

ولا تنسين ذكر الله سبحانه والادعية واللجوء لله سبحانه يخفف عليج واطلبي من الله سبحانه وادعيه انه زوجج يفهم حقج عليه ويرجع لج أحسن ما يكون ..وادعي دايم وخاصة قيام الله..ادعي انه الله يرزقج طاعة تجدين حلاوتها في قلبج ويعيينج على دنياج وعلى طاعة زوجج ..وصدقيني سهام الليل لا تخيب..الجأي لله وتضرعي له بكل اللي تتمنينه.... من غير ما تتمنين معصية كأن تتمنين انه زوجج مثلا يترك زوجته الاولى عشانج ...لا....ادعي انه الله يوفقج ويوفق زوجته بعد ...ادعي بحسن نية وبرغبة حقيقية ..والله ما بيخيب رجاءج ان شاءالله .....وتذكري الحديث الشريف فى صحيح البخارى من حديث أبى هريرة أن رسول الله صلى الله عليه وسلم قال " يستجاب لأحدكم ما لم يعجل، يقول: دعوت ودعوت فلم يستجب لى " .


اتمنى أكون أفدتج عيوني .... ولا تزعلين لو قلت كلمة غلط بدون قصد :shy:

الله يوفقج في حياتج ويحنن قلب زوجج وتعيشون عيشة راضية دنيا وآخرة يا رب :smile:

مشكورين كل البنات اللي ردّوا علي ولكنكن لم تسألن أحدكن يعني اذا لم أكن الزوجة الثانية فملايين من البنات سوف يرغبن بأن يأخذن مكاني يعني مش عيب اني أوافق على الزواج ولا حرام وشو المشكلة يعني اذا ما اخذني هالرجال بياخذ غيري ، ولولا كان عنده نقص في بيته و زوجته الأولى ما كان أقدم على الزواج من أُخرى و لكن أين العدل يابنـات ؟ حرام عليكن الإجابة علي بهذا الرد السلبي وأنا لجأت إليكن للمشورة وليس للعتاب ، أتمنى لكن العافية

aboura ...قريتي ردي اختي ؟؟؟

السلام عليكم أختي عبوره ...
كلامج صح ...لو ما خذاج ...بياخذ غيرج ....بس انتي تعرفين أنه عنده بيت ثاني ...و يمكن مسؤوليته كبيره في البيت الثاني علشان جذا ما يسأل عنج أو مقصر في حقج ....بس إنتي المهم اهتمي في نفسج و في البيبي اللي في بطنج ....و ادعي ربج ....و يمكن بعد ما تولدين ...يتغير الوضع يوم يشوف البيبي .....بس انتي المهم لا تكونين حنانه وايد عليه ...و خليه يشوف الراحه عندج ....اكيد هو خذاج لأنه كان يدور على الراحه ....فاستغلي هذي الفرصه...و كونوا ملجأه وقت الضيق..و أكيد راح تكسبين قلبه بسم الله الرحمن الرحيم

شوفي عزيزتي اهم شيىء صفاء النيه اذا كنت صافية النية وما ضريت او حاولت تضرين الزوجة الاولى صدقيني الله بيساعدج اما اذا كانت نيتج خبيثة فابشرج مالج حل(كما تدين تدان)وانبهج ان بتيلج وحدة بتقولج ليش ماتسوين له عمل(طب)انا بقولج العمل اول ما ياذي ياذي صاحبه وانتي عندج الجنين الي الله بيتمم عليج وبتيبينه فصبري واحتسبي اجرك عند الله كبير حبيبتي في غيرج صبرو سنين واذا ماتبين انفصلي بكرامتج وبدون غضب الله عليج

حبيبتي الله مع الصابرين لكن الوحد ه منا يوم تقدم علي الزواج لازم يكونو الاهل اول شي موافقين وذا هم ضد ان ابنهم يتزوج علي زوجته اكيد شايفينه انه مرتاح مح حرمته الاوالي وميريدونه يضلمها وخاصه اذا كان فيه يهال وبسالج سؤال صريح ليه اهلج يوافقون علي واحد اهله ميريدون بنتهم حرام
حاسه فيج انج الحين ضلمتي نفسج وصدقيني الريال مايهمه اذاكانت الحرمه عندها يهال اولا اذا يريد يطلقها ............................................
وذا هو اخذج اكيد بياخذ غيرج يعيني الي مافيه خير في حرمته الاولي وام عياله ومافيه خير في اهله اكيد بيكون مافيه خير فيج ولا في البيبي الي ياي
لازم تعرفين الله وتعرفين حقج عليه وعلي اهله اكيد اذا هم جافو فيج الطيبه وحسن الخلق والتواضع وانج مراعيه شرع الله بيحترمونج مع الوقت وهذا رايي والسموحه

حاولي انك تتحملي


لأن مشكلتك مالها حل


إلا


انك تصبري


وترضي بالأمر الواقع


مثل مارضت الزوجة الاولى بنصيبها ( وهو : زواج زوجها عليها)


ومثل ما انتي قاعدة تشتكين وتصيحين وتدورين على حل ....


أكيد الزوجة الأولى قاعدة تشتكي وتصيح وتدور على حل ....




وإذا انتي قاعدة تشتكي ؟؟؟

ايش تقول الزوجة الأولى؟؟؟

شوفي اختي نصيحتي لج بانج تصبرين على زوجك, وفاتحيه بالموضوع بانه يكون معاك ليله والليله الثانيه مع زوجته الاوليه, واذا قمتي بتفاتحينه بالموضوع اقري المعوذات وقولي هذا الدعاء ( اللهم اجعل خيره بين عينيه وشره بين قدميه واستعين بك عليه) وفاتحيه الله يهديه ان شاء الله وينصف بينكم, ووضحي له امور يمكن ناسيها وهي عقاب الي ماينصف بين زوجاته. والله كريم