يوم زواجنا.. - منتديات عروس

ع

عروس الجنة

عروس مشرقة

10-07-2004 | 06:28 PM

بسم الله الرحمن الرحيم ..
السلام عليكم ورحمة الله وبركاته..

اخواتي الحبيبات.. مثل ما تشوفون في العنوان.. يوم زواجنا راح يكون بعد اسبوع او أقل شوي..

وعلى فكرة ترى نحن مالكين بس.. يعني بيمر سنة على عقد القران.. وأبي اسوي لزوجي مفاجأة فعلا ينصدم منها.. مع انه دوم يذكرني بهاليوم.. يعني مب ناسيه..

انا مخزنه كم من مسج اطرشه قبله بيوم ..
والحين قاعدة اسويله عالفلاش بطاقة.. راح ادخل فيها صورنا ونحن صغار وبعض الأشعار :).. وطبعاً راح اشتريله هدية..

فلا تبخلون علي بالأفكار خواتي
وجزاكم الله خير

أختكم في الله
عروس الجنة.. (a)

ا

العاش

عروس متألقة

11-07-2004 | 12:32 AM

مرحبا,,,, حلوه حركة الفلاش و احلى لو تهدينها له بعد ما يدخل القاعه و يكون جنبج.. طبعا الغرفه بتكون مرتبه و معطره...بس شو رايج اتخلين حد في البيت او الفندق يملا الحوض ماي دافي و تنثري ورق ورد روز احمر و معا زيوت معطره..لانه اكييييد بعد هاليوم المتعب بيحتاج حوض ماي دافي ..امممم بس ما ادري انشالله تعجبج الفكره

ع

عروس الجنة

عروس مشرقة

11-07-2004 | 11:34 AM

مشكورة أختي العاش على ردج الجميل :) .. هي فعلا فكرة حلوة عزيزتي.. بس هذي للمتزوجين يعني بعد الزفاف..
أما انا مالكة بس والزفاف بعده ماصار (a)

ولج مني اطيب تحية..

أنتظر ردودكم خواتي.. لو ماعليكم كلفة

أختكم في الله
عروس الجنة :)

ح

حنين العشاق

عروس مبدعة

15-07-2004 | 02:46 AM

:down: :down:
بصراحه ماادري
بس البنات مارا يقصرون معاك ان شاء الله

k

kholoud_sa

عروس ماسية

15-07-2004 | 08:33 AM

انا اقول لج

ارسلت له قصيده عن طريق التيلفون هذي الرسائل الصوتيه مع بوسه وكانت لها صدى روعه خصوصا انه اول شي يصطبح فيه :)

وياكثر هالارقام موجوده سواء اغاني اشعار نكات اللي تبين