أن الله يمهل ولا يهمل

بسم الله الرحمن الرحيم صلى الله عليه وآلةوسلم والسلام عليكم ورحمة الله وبركاتة، راح أقول لكم قصة وإن شاء الله تكون فيها العبرة للبنات..

السالفة وما فيها إن كان في شاب حلو وشاطر وجداب عجبتة وحدة من البنات، كانت هذه البنت من عيلتهم المهم إنه كلم أبوه وأمه وراحوا خطبوها ليها جان اهلها ما صدقوا من الفرحة والأناسة وحتى أمها كانت تقول لوخطبني فلا جان ما رديته على أساس أنها مزحة أو ودها تخبر أهل الشاب إنهم متشرفين ومفتخرين بهذا الشاب.

بعد اسبوعين اتصلوا أهل البنت لشاب وقالوا ليه حياك عشان تشوف البنية وتقعد معاهاوتتفاهمون.. وبالفعل راح الشاب مع أمه وقعدوا مع البنية وتكلموا مع بعض لحد إن الولد خلاص صمم إنه يتزوج البنية وانها دشت دامغة والبنية بعد عطت الشاب رقم التيلفون وطلعت معاه ومع أمه للباب وسلمت على امه وتقول لها يا خاله قعدي معانا بعد و.......

رجع الشاب مع أمه فرحان وطاير وقال خلاص اعتبر البنية موافقة من خلا ل تصرفها معانا. . وكأنه خلاص ذايب ذوب في البنية وظل ينتظر منه رد مر اسبوع ما في رد مر اسبوعين بعد ما في رد مر شهر كامل اتصلت أمها لشاب تقول له خلاص ما في نصيب زين ليش " تعتبرك أخوها" الشاب مرض وسخن وبعدين خلاص نسى و تعافى بس أم البنية اتصلت له من جديد وقالت له انتظر عليها شوي لإنها الحين تقدم امتحانات الدكتوراة (طبيبة) والفترة اللي تقدمت فيها كانت مشغولة وتعبانة وتحاتي امتحاناتها واتوقع انها على ذا الأساس قالت لا..

الشاب انتظر 6 شهور ولا في خبر اتصل لأمها جان تقول الحين هي كملت الامتحانات وخلصت انتظر النتيجة وانتظر ولمن اتصل من جديد قالت له انها مانجحت في المواد كلها بعد انتظر... 6 شهور لدور الثاني وهذي سالفته...


انتظر لمدة 7 شهور اتصل يسأل قالت له أمها هذا الاسبوع "ملكتها" تخيلوا معاي "هذا الاسبوع ملكتها" هذا الشاب خلاص انهار وأهله مثله شلون يسون جدي بولدهم شلون يتلاعبون به وبالفعل ملكوا عليه، اتصل الشاب لأم البنية يبارك ليهم بس ما ردت عليه وبعد 10 أيام بالعدد وصل الخبر لأهل الشاب إن
البنية "بتطلق" يا الله الكل قال الله يدفع عنا وعنكم البلا والحين ام البنية قاعدة تحاول تكمل لعبتها من جديد وقاعدة تتصل للشاب عشان يتقدم لبنتها من جديد شوفوا شلون النهاية ان الله يمهل ولا يهمل ضيعوا من عمر الشاب سنة وشهرين وعلى شنو على الفاضي والحين يتلصقون فيه عشان يقبل ببنهم بعد ما صارت "مطلقة" هو ما كان قبل سنة أخوها ألحين عادي تتزوجة ..

أقول لكم يا بنات ياللي مو متزوجات وعلى وجه زواج شوي شوي على شبابنا واليوم إذا تقدم لش فقير بكرة يمكن محد يتقدم ليش!!!!

لا آله إلا الله ...

تم التعديل بواسطة malaak