زوجي ما مسويلي سالفه بالمره

شوفي اختي الدلوعه،،،،،
تري فيه اشياء كثيره تاثر في الحاجات هذي : منها عدد سنين الزواج فكل ماطالت المده كل مانقصت الرغبه
وكذلك اذا كان زوجك عنده شغل كثير ويبذل فيه مجهود اكيد يؤثر،،،
او ذا كانت طبيعته كذا من الاول يعني من تزوجتي وهو رغبته قليله،،،
فانتي شوفي السبب وحاولي تحلينه ...
وانا رائي انك تافتحينه بالموضوع وتشوفين وش يقولك ومافيها شي لما تسالينه وتتفقون علي شي يريحكم انتو الاثنين
واتمنالك السعاده في حياتك .

اول شي الغالية .. لا تكبري المسألة .. ثانيا لا تضغطي عليه و لا تلحي برغبتج فهذا الشي..

لازم تشوفي شو سبب ابتعاده اذا ما كان جذيه من البداية.. ترا الريال اي شي ياثر فيه.. مثلا : الديون - مشاكل عائلية - عدم الانجاب - قلة المال - او التاخر في العمل لساعات طويلة.. و اخيرا اقولج انه يمكن تكون رغبته اقل لكن اللي اعرفه انه الرجل ما تكون رغبته اقل الا اذا انتي رغبتج كانت اكثر عنه بواااااااااااااايد؟؟ او عنده عجز بعيد الشر عنه .. انا بس اذكر لج احتمالات .. تحطينها فبالج وانتي ادرى طبعا فشريك حياتج
يمكن يكون تعبان ..
اقترح عليج اقتراحات التالية و شوفي اللي يناسبج ..

1- من خلال الافكار و الاقتراحات اللي ذكرنها الاخوات مثل المساج .. العاب.. اي شي بعيد عن ( الممارسة) بس حاولي تجذبينه لج .. و لا تنسي الدلع و حركات الدلع ترا ضرورية ..:cool2:

2- اذا ما سمعتي شريط " تنمية الحب بين الزوجين " انصحج تشترينه و تسمعينه انتي وياه او في اصعب الاحوال اسمعيه انتي اول و بعدين اهديه الشريط .. و لو اني افضل تسمعونه سوا في السيارة مثلا ...

3- حاولي بشتى الطرق انج ما تهملين نفسج ابدا خاصة في غرفة النوم... و تكوني جدذابة دائما.. و تناديه بالمسيات الحلوة " حبيبي- بعد عمري - " و في الليل سمعيه حتى لو تقتربي من اذنه و تقوليله بالهمس كلمات حلوة ...

هذا و الباقي عليج .. و ردي علي بالنتائج...:up:

:cool2::cool2:

انا ممكن افيدك بفكرة مجربتها

مثل ما قالوا الأخوات يمكن عنده مشاكل تخليه يبتعد

انتي مثلا بالليل تكونين كاشخه و تعملين له حركات تجذبينه و حتى مساج بالزيت بحيث تلاصقين جسمك بجسمه( اسفه على هاالعبارات) و بس تنيمينه بنفسج من غير ما تطلبين منه العلاقة الكاملة الا اذا اهو يبي يكمل و اذا ما اكتملت الصبح اذا كان يوم اجازة مثلا عنده يكون اهو مشتاق لج من الليل انتي بتقعدينه على حركات و كأنك تكملي اللي صار بالليل ترى اول ما يقعد الرجال و يشوف زوجته تريحه يكون في قمة نشاطه حتى لو وراه عمل اذا كان شبع نوم ( او حتى لو ما شبع هالحركات بتصحصحه)
بس طبعا انتي بتكونين قاعده قبله و مجهزة حالك يعني مغسلةومتعطرة و على سنجة عشرة
و حتى وقت الظهر بعد ما يرتاح من الغدا ما بيكون تعبان مرة يعني ممكن تمارسون هالعملية بنشاط اذا حسستيه انكي تبينه اللحين
تدرين يمكن انتي ما تبينين لزوجك انك راغبة فيه يعني مثل ما قلتي تخافين ينحرج
لا الرجال يرغب اكثر في زوجته اذا هي حسسته انها تبيه ليشنه يحس انه مرغوب من قبلها يعني اذا تبينه اصري على هالشي مو بالكلام لا بالحركات بحيث انك تجذبينه اكثر و اكثر و تخلينه يشتاق انه يكمل معاج في هاللحظة
اتمنى انه الفكرة وصلت و اذا كان شيئ عرضي يعني مو هذي عادته ترى اكيد باله مشغول بشي او يمكن ما في تغيير يخليه ينعنش من جديد
و انتي و شطارتك

ويمج يا دلوعة ... طمنينيا عليج....:shy:

مرحبا جميعا

سكر حبيبي واخواتي العزيزات ابصراحة ماقصرتوا

وانشاء الله قريبا يتغير



بااااااااي

الله يوفقج حبيبيتي و ان شاءالله يتغير و يتعلق فيج موووووت:smile: