يا .. للأسف !!

يا يمه .. عجبت من الذي شفته .. زمان كل ما فيه جنون وعذاب وغربه .. زمان فيه سهل تنزل الدمعه زمان تتغرب فيه البسمه.. زماني ذا يا يمه وللأسف حياتنا مره للأسف نشوف الأسى وناخذه جرعة جرعة ...

يا يمه زادت كل الجروح اجروح وزادت القسوه يايمه ضاع الوفا وحارت الخطوه .. يا يمه من الغلطان ومنهو الذي عن غلطته ندمان وش نعتبر صفعة الأقدار وش نعتبر صرخة الأحرار يا يمه أنا من عالمي حيران .. عيت كل السطور تشيل اللي شاله قلبي التعبان ..

يا يمه مرضت اسطوري واختلط الحبر مع ملوحة ادموعي .. أناظر ذا الزمان وذي الظروف الصعاب .. حروب ودم يتطاير وخوف بكل عين ساكن .. وأمل مدفون .. وحزن دايم شتات واختلاف واحقاد .. وخيانات بلا تعداد .. ناس يموتها القهر .. وناس يموتها الغدر .. جشع .. طمع .. وحسد بالجوف انزرع .. وحب من كل قلب انتزع ..

يا يمه .. ظلمة عالمي ما ظن بعدها ظلمه .. لا بدر يظهر ينبض بالحياة ولا قمر يحرسه النجم .. يا يمه الوجع في كل روح والأمل يزورنا ساعه ويروح .. الضحكة ظاهره .. والفرحه لحظه عابره ما هي عتمة الأيام ذي اللي تغطينا ذي انعكاس لما في النفس من عتمة ..

يا يمه..دمعتي فاضت واشعاري القديمة بشبابها شابت .. ونظرتي الحزينه لكل مشاهد الدنيا كرهت وعافت .. يا للأسف إنا نعيش بكوكب على كثرة الألوان فيه .. صبغته سودا .. وقلوبنا مثل الغمام رقه وحب ووئام .. يا للأسف .. اعيوننا ما تبصر على كثرة الموجود أشكال الجمال .. يا للأسف ..!