انا بمشكله مع زوجي

هلا اختي الغاليه

البنات كفو و فوا
وما ازيد الا دعوه على دعواتهم لك بالتوفيق و السعاده يا رب
تقبلي خالص دعواتي لك:shy:

سبحان الله بعض الرياييل على كثر ماتسوين لهم
مايبين بعينهم.

الله المستعان..

أنت مشكلتج نفس مشكلتي مع زوجي ينتقد كل صغيره و كل كبيره أنا مالجه بعدني ما تزوجته و بسبب كثرة المشاكل لحد ما وصلت إلى انه يظربني أنا احين طالبه الطلاق لأني مستحيييييييييييييل أعيش مع واحد يظربني........صراحه ما أقدر أساعدج لأني بحط على الرياييل حط لأني كرهتهم و كرهت معاملتهم الأف

هلا بنات

تصدقون اني لين الوقت هذا مشاكلي مستمررررره

الحمد لله

حابسني بالبيت
يطلع ولا يرد الا بالليل

وانا لي كم يوم ما احاجيه

خلاص كل ما اشوفه احس بغصه

ياويلي يابلي الهم والغم

قولو الله يخليكم شو اسوي

بموووووووووووووووووووووووووووت

محد يدري فينييييييييييييييييييييييييييييييييييييييييي



وينكم ساعدونييييييييييييييييييييييييييييييييييييييي


والله ابجي ومرضت وصوتي خلااااااااااااااص ما يطلع

ما اكلم حددددددددددد

ويمين بالله صرت اكلم روحي

شاسوي

شكله والله العالم وايد وايد يستهزء فيك

لكم الحل بيدك فرضي شخصيتك عشان يحترمك ويحترم خصوصياتك
يعني ولا شي من إللي تسوينه يعجبه عجل ايش يبي....؟؟؟؟

وبعد فيه احتمال ثاني
الظاهر يبي يلفت نظرك له عشان تهتمين فيه وتعطينه وجه بس انتي ولا عندك خبر

اهتمي فيه وخصوصا لما يكون في البيت تركي كل شي وجابليه

هلا مذهله مشكوره على المداخله
بس تكفون خواتي شوركم يمكن يخفف علي
والله يفرج همومكم

السلام عليكم ورحمة الله وبركاته
هلا اختي كيفك ان شاءالله بخير؟؟؟
من يوم ماقريت موضوعك وانتي ببالي حتى قمت ادعي لك بصلاتي ...
طيب مافكرتي تطرحين فكرة انكم تسافرون مع بعض بروحكم حتى عيالك تحطينهم عند امك والا اختك وخلي هالسفره هي محور الانقلاب بحياة زوجك ...
صــارحيه وعاتبيــه بس بريق حلوو ودلعيه يعني عيدي شهـر العسل بهذي الرحله جددوا حياتكم من الروتين القاتل
وان شاءالله اسمع عنك اخباار حلووووووه ولا تبخلين علينا حبيبتي طمنينا عليك

اختي مناهل .. علىكثر الردود و الحلول اللي نكتبت .. بصراحة هل جربتي شي واحد عللا الاقل.. وما جاب فايدة.. اتمنى يوم تطلبين من الاخةات الحلول قوليلنا شو جربتي وما نفع.. لانه نحن ما نعرف الغلط منج و الامنه..ز جربي اي حل او كل مرة جربي شي معين.. علشان نقدر نوصلج لدرب الامان اما بهذي الطريقة ما اعتقد ان بتسوين شي يوم انج بس تسمعين ولا تطبقين شي .. خلينا نشاركج المشكلة صدق... خبرينا شو سويتي وما نفع او شو سويتي وكيف كانت ردة فعله...


اتمنى تردي علي.. لانج كاسرة خاطري.. بس ابا اعرف منج الغلط والا منه؟؟؟؟؟؟؟؟؟؟؟؟؟؟؟؟؟

عزيزتي مناهل.....

والله ما ادري شو اقولج بس الظاهر... يعني يبيج تهتمين له اكثر .. يعني وقت ما يكون بالبيت خلي كل شي و افضي له... خاصه انج قلتي هو دايم طالع يعني قابليه وخليج من اي شي ثاني يشغلج عنه.... بيني له كثر اهتمامج له...
اتمنى اني ساعدتج و لو شوي.....

وان شاء الله يفرجها عليج يالغاليه

والله ياخواتي مهتمه بالبيت وبنفسي وشكلي
لكن ماشفت نتيجه ابددددددددا احسه احيانا يكرهني والشيطان صاير يوغزني
والله جربت اعاتبه خذ الباب والحين ماشوفه الا بالوجبات
اتفنن بالطباخ ومو مبين فيه متحطمه من جوااا قد ماتتوقعون والله ما اكذب
رقصت تدلعت مافيه فايده انا افكر اتطلق وبجد
والسفر توه قايل بيودي امه وابوه للسفر تخيلوا وانا ببقى ببيت اهلي
هذي مو حاله بالاجازه والله صرت بغرفه وكلما دش مكان طلعت منه لاني يااااائسه جدا
والله ادعي ربي
والحمد لله لاتفتكرون اني استعطف قلوبكم لالالالالالالالالالا
انا ابي نصايح او دعوه بظهر الغيب
وفمان الله كانكم تعبتو مني
صج الشكوى لغير الله مذله

(u)

السلام عليكم ورحمة الله وبركاته

الله يفرّج همّك يا رب...و يسخّر لك زوجك....و يبعد عنكم الشيطان...

اللهم آميــــــن

صدقيني علاجه هو الحــــــــــــــــــــب :smile: . . سمعيه كلام حلو كثير وشوفي النتيجة :cool2:

الله يصبرج ياأختي .... اغلب الرجال مايعرفون اثر الكلمه الطيبه والمعامله الحلوه على الحرمه ... بالعكس هذا اكبر دافع للحرمه ان تعطي بيتها اكثر واكثر ...

بسم الله الرحمن الرحيم

السلام عليكم ورحمة الله وبركاته


عزيزتي مناهل

نصيحة لك لا تهدمي بيتك بنفسك ابدا ابدا ابدا
وتحملي واصبري ولو عشاااان اولادك
فالصبر مفتاح الفرج ... ولابد راح يعترف لك بتقصيره وراح يندم اكيد

عليك عزيزتي بقراءة سورة المؤمنون وسورة يس لانهما مفيدتان جدا جدا وعليكي بالمداومة عليهم .

والله يهديه لك ويهديكي له ويصلح ما بينكما

ومن ساعة إلى ساعة فرج .. بس خلي إيمانك بالله قوي وتوكلي عليه وهو حسبك ونعم الوكيل

السلام عليكم ورحمة الله وبركاته
اختي مناهل في وحده من الاخوات سألتك سؤال مهم بس للاسف مارديتي عليه هل طبع زوجك هذا من اول ما تزوجتوا والا كان غير و فجأه تغير ؟؟؟؟؟؟؟ بعدين عزيزتي لازم تكلميه ما ينفع كذا مثلا كلميه وانتي تريدي تروحي تصلي وقولي له اريد اكلمك في موضوع بس اخلص مصليه يمكن ربك يهديه لما يشوفك تصلي وبعدين تدعي ربك ومن بعد تجلسي جنبه واخذي منه عهدانه ما يصارخ ولا يتضايق ولا يقاطعك ابدا وادخلي في موضوعك بس بطريقه حازمه مع بعض الاستعطاف واذا بكيتي يكون احسن يمكن هو ما حاس في الي يسويه معك ويمكن بيرحمك شويه بس الله يخليك لا تعلي صوتك ولا تصارخي بهدوووووووووووووووووووء وذكاء وذكريه باولاده وبالسنين الي عشتوها مع بعض وبكل شي جميل في حياتكم وبس تخلصي عطيه فرصه يتكلم واذا ما رد عليك وطلع لا تتضايقي المهم قلتي كل الي في قلبك يمكن شوي بترتاحي .
ومثل ما قالت اختي سكر حبيبي لازم تخبرينا عن اي محاوله سويتها مع زوجك سواء نجحت او فشلت والحلوووول كثيره من الاخوات ما قصرن والله .
الله يعينك ويصبرك ويفرج همك .

حاولي تفاهمين معاه لا تتركين حالك كذااا والله راح تنهارين

ودايم اكسبيه با الكلام الحلووو لا تستفزيه واذا غلط عليكي لا تردين لان بسكوتك راح يحسسه با الذنب وبكذا ممكن انه يتعدل وبعدين عودي نفسك على كذااا

كل وحده منا اتواجه من زوجها شي يقهرها لكن لازم تصبر وترضا بحاله لان وانا اختك مو كل يوم لنا زوج

الله يسخره لكي ويهدي باله عليكي يااارب

اختي مناهل لاتدمرين حياتك
اسمعي اختي لاتعتقدي انك وحدك في هذه المعاناه فانتي
تذكريني بشخص عزيز على ويعاني نفس معاناتك
اسمعي اختي اعتزليه هذه الفترة بمعني عامليه ببرود
والجئي الى الذي لايردك لا ليل ولانهار والذي يسمع شكوك ويزيح همك
الجئي الى الله عليك بالصلاة نعم لاتضحكي الصلاة قيام الليل واكثري
الدعاء بان يحببه الله فيك ويحببك فيه ادعي الله ان يجمع قلبيكما
وان يؤلف بينكما ادعيه وتضرعي له ووالله الذي لااله الاهو سوف تلاحظين
صدقيني ولكن لاتملين ولاتستعجلين الاجابه وكوني على ثقه ان الله
سيغيرة والله اني اتكلم وانا واثقه انك اذا وثقت بالله ستنحل مشكلتك
بكل سهوله وسوف تلاحظين انه من نفسه ياتيك ويقبلك ويغازلك
ويطلب ان يسافر معك ودعيك من كل الناس لان يحل لك احد ولن تنفع
محاولاتك الدنيويه اذا لم تدعي ربك
( اللهم ياحي ياقيوم حبب زوجي فيني واظهر محاسني له واخف عيوبي
عنه , اللهم حببني فيه واخف عني عيوبه واظهر لي محاسنه ياكريم
يامنان ياأرحم الراحمين )
وان شاء الله لن ننساك من الدعاء

اتمنى ما تزعلي من كلامي بس انا حبيت اعرف اذا انتي اطبقين شي والا لا ؟؟ بس علشان نعرف زوجج هذا من اي نوع.... بس اباج الحين تسالينه سؤال واحد شو اللي غيره عليج سمع شي.. قوليله انا هو هذا الشي الوحيد اللي ابا اعرفه .. يمكن سمع كلام من مكان او شاف منج موقف... بعد ما يجاوبج دافعي عن نفسج ما رضى يقتنع بكلامج سوي مثل ما كتبت اساهي.. لانه مرة شاورت دكتور اخصائي اجتماعي عن مشكلة كنت امر فيها وكنت مثلا اسوي كل المحاولات... لكن بعدين قالي الدكتور كلمة فبالي للحين " الباب المسكر لاتوقفين جدامه" يعني خلي الباب بروحه يتبطل وفعلا الغالية ما مر شهر من تطنيشي الموضوع وصار لصقة .. و الشي اللي كنت اباه صار.. عيشي حياتج اتسلي ويا عيالج طلعي ودخلي لكن بستئذات طبعا... لكن لا تتحسسيه انج بتذلين عمرج علشانه خليج ثقيلة شوي اغتقد سويتي اللي عليج يمكن اكثر... خلي الريال يفكر شوي فام عياله اشمعنى نحن الحريم اللي لازم نقول الكلام الحلو و نركض وراهم.... متى ايي دوركم يلرياييل و تراضونا و تخلونا نحس انه لنا قيمة فحياتكم!!!!!!!:down:

الله يعينج ياختي...

انا لو منج بصارحه وبزعل عنه وبدلع بعد صريحه في وقت حلووو و رومانسي يعني حاولي تتطلعين وياه وتخبرينه انج زعلانه ومتضايجه من اسلوبه...بس بهدوووووووء يعني حاولي انج اتوصلين الكلام لقلبه وعقله وانت ادرى متى زوجج يكووون في وقت رايق يسمع كلامج..


وإذا شافج تقرين كتاب وعلق عليج حاولي تلصقين فيه وتخبرينه عن الكتاب يعني حركي شي فيه خليه يحس انج مهتمه انج تتعلمين شي من الكتاب وتعلمينه ..على فكره اغلب الريايل يسووون جي لان هذيل يدوروون حريم يجابلونهخم 24 ساعه يعني ما يحبون حريمهم يرمسوون الا غيرهم حاولي انج تهتمين بيه اكثر ادري بتقولين انج ما اتقصرين بس الريايل لو تصنعيلهم صحن من ذهب بيقولون ما سويتي شي..