شخابيط X شخابيط

السلام عليكم ..

هلا و غلا .. باعضاء هذا المنتدى الرائع ...

تعرفون مع بداية الدراسه و القرف و الكرف .. يبدا الواحد يمخمخ شوي .. ويطري على باله بعض الشخابيط .. فقلت خلوني اخيلها فرصه واخليكم تقرون بعض هذي الشخابيط ...

====

** شي يقهر لما تقوم الصبح مستانس .. ما في راسك شر و لا مشاكل ابدا .. وانت رايح لمدرستك .. لجامعتك لشغلك .. يجي واحد نتهور .. يسقط عليك .. يسوي حركه بسيارته ... يخليك تقلب الدعوه تلعين في تلعين .. و مزاجك يتعكر ...

** شي يوسع الدصر ... بالعكس شي يخليك تطير من الفرحه .. لما تتعب في عمل الين ما تنجزه .. و بعد ما يطلع العمل زي ما توقعته ويمكن بعد احسن .. ويجون الي عندك و يقدرون شغلك وعملك ..

** وعلى النقيض لما تتعب في عمل الين ما تنجزه .. و بعد ما يطلع العمل زي ما توقعته ويمكن بعد احسن .. يجون الي عندك ببساطه .. وينسبونه لانفسهم .. او يحتقرونه ..

** شي يوسع الصدر .. لما تقوم تدخل مكان عملك .. وتلقى كل واحد من الي معك في العمل .. تعلو وجهه ذيك الابتسامه العريضه بقدومك ..

** شي يقهر .. لما الشاب يحس انه كبر .. ولكنه يكتشف ان اهله ما زالوا يعاملونه وكانه طفل !!!!

** شي يوسع الصدر .. لما تحب احد في الله .. وبعد وقت .. تكتشف ان هذا الشخص يحبك ايضا في الله ...

** شي يقهر .. و ربما يخلي الدنيا تسود في نفسك .. لما تحس ان الناس تتقرب فيك مصلحة .. او لغرض ما .. وليش لشخصك ..

** شي يوسع الصدر .. لما تقوم بعمل .. يرضى وجه الله سبحانه و تعالى .. ومن ثم يرضي ضميرك ...

** شي يقهر .. لما تسوي عزيمه كبيره و تدعو لها عدد كبير من الناس .. وتدفع فيها المبالغ الطائله .. ثم تتفاجأ ان ما احد جاء .. او ان الي حضروا .. اقل من نصف المدعوين ..

** شي يوسع الصدر .. لما تحس ان فيه اعضاء قروا موضوعك .. لكن الي يوسع الصدر اكثر .. انك تلقاهم ردو عليه ..

====

ما قلت لكم ان الكلام الي فوق شخابيط ..
عموما ..
تقبلوا تحياتي ..