أفضل دكتورة للي يعانون من ارتفاع هرمون الحليب (البرولاكتين)

ا

ام حمد

عروس مشاركة

29-06-2004 | 12:42 PM

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

اخواتي الكريمات ...حابه انكم تساعدوني في هالموضوع ولتعم الفائده على جميع العضوات ..

مثل ما هو معروف فهرمون الحليب (البرولاكتين) علميا..يعانون من ارتفاعه نسبه كبيره من بنات الخليج ..والله العالم السبب وراء ذلك..

ومن هالمنطلق انا حابه كل عضوه ..تعاني من هالمشكله وتتعالج منها ..
تكتب لنا الدكتور المعالج لها ..وعنوانه مثل الاسم الكامل وفي اي اماره موجود ..وشو اسم عيادته (بعد اذن ادارة المنتديات)
..

وعل وعسى الاخوات يستفيدون من هالموضوع مستقبلا ..والله يعافي جميع بنات حواء ويرزقني واياهم الذرية الصالحه ..

ا

ام حمد

عروس مشاركة

29-06-2004 | 12:47 PM

بديت العلاج مع مستشفى دبي ..ولكن للاسف كل مره كانوا يحوولون ملفي عند دكتورة وكنت اضطر اشرح الموضوع من اول لكل وحده ..علشان جذيه توجهت للخاص ...

رحت عند الدكتورة حسنيه قرقاش ولكنها تنسى وايد ولاحضت انها تبالغ في اسعارها ولو كانت استشاره طبيه واذا اتصلت فيها بسألها عن شي ولو بسيط ..ما ترد عليج...

حاليا اتعالج عند الدكتورة عفاف حلمي ..ولكن الزحمه الي عندها بالعياده اتضايقني ...بس من ناحيه استشارتها على موبايلها ..فهي ترد عليج باي وقت ..بس هي كبيره في السن واحيانا اروح العياده وما تكون موجوده ..لانها تعبانه ..
وانا مستمرة ...

انتظر ردودكن بنات الله يوفقكن للخير دايما ...

غ

غرٌِابه

عروس مبدعة

29-06-2004 | 02:35 PM

هلا ام حمد

عسى ربي يأجرنا علىما بلانا ونصبر ان شاء الله
وعلى كلامك ان بنات الخليج يعانون من ارتفاع هذا الهرمون
الظاهر فينا حب وامومه طافحها حدها واصله السما :D2
عسى ربي يفرح قلوبنا ونفرح في الذريه الصالحه المعافاه

بالنسبه لي انا غير اماراتيه لو اماراتيه كان قلت لكم وين بتعالج

اناعايشه في الخارج واتعالج في الخارج لظروف غربتي والله يسهل علي

في البدايه رحت عند طبيب ما عرف ان عندي ارتفاع في الهرمون ولا عطاني ولا علااج بس قالي انتظري وعمل لي سونار داخلي فقط

والحمد لله زيارتي الثانيه للطبيب وكان طبيب اخر بس في نفس المستشفى اهو اللي اكتشف ان عندي ارتفاع في الهرمون وعطاني علاج

حبه كل اسبوع لمده شهر فقط

وعلى الله ان شاء الله نفرح ونتشافى قريبا ياذنه تعالى

وسلامتكم وتعيشون

ا

ام حمد

عروس مشاركة

01-07-2004 | 09:32 AM

وينكم يا بنات المنتدى!!!!

ح

حورا

عروس برونزية

02-07-2004 | 11:42 AM

أنا كنت أتعالج عند أوراس بس غيرت الحين بسبت الزحمه وأحسها ما عندها وقت لي

والحين باروح مركز التاج الطبي عندهم دكتوره شاطره وانتظر ثاني يوم دوره علشان أروح..

المركز بالشارجه وربيعتي نصحتني بها...:smile:

ر

ريمــاوي

عروس جديدة

03-07-2004 | 11:27 AM

افضل علاج لهرمون الحليب استخدمتة وخذيتة من احد المنتديات هو حبوب اسبرين الاطفال حبة واحدة فقط وسلفتي تعبت كثير من هرمون الحليب واعطوها مرة علاج لمدة شهريين وماتحملت وبعدين اعطوها نوعية ثانية وماقدرت تتحملة واستخدمت اسبرين الاطفال وللة الحمد انخفض الهرمون والحين حامل