اقمشة هندية

حبيبة قلبي ودي أساعدك بس أنا من دبي.. يلا يابنات همتكم لاتقصرون وياها...

عزيزتي..

انا ادلك ع الي بالبحرين..
في عندنا محل اسمه "ان ستايل" هذا يجيب شغلات وايد حلوه.. تلاقينه بمجمع يتيم بسوق المنامه
وفي عندك محل اسمه "اشكال" وفي "روبام" وهذيلا تلاقينهم بمنطقه الحوره في المنامه
وفي عندنا محل اقمشه وخياطه اسمه "السعفه" وهذا للمصممه كبرى القصير وتلاقين عندهم اقمشه وموديلات هنديه بس اسعاره اغلى من الي تشترينهم من المحلات الثانيه وهذا بشارع البوكواره بالرفاع


واذا بغيتي اكثر ترانا حاضرين :)

sunflower كان بودي أفيدك ، إن أحتجتي شيء من الرياض أنا حاضرة

الله يعطيك العافية لميس ......

ماتقصرين ، تسلمين لعين ترجيك ....

شكرا دموع الحب اعرف انك ما تقصرين

لميس مشكورة
انا اعرف محل السعفة اللي في شارع بو كوارة لكن الاسعار فوق المعقول انا كنت هناك ليلة الجمعة وشفت البضاعة اللي عندهم صحيح حلوة لكن مو هذي الاسعار
ممكن سؤال وين منطقة الحورة اللي في المنامة؟؟؟؟
هو الاسم مو غريب لكن ياليت تذكريني؟؟

همسة شكرا لك اقول انشاء الله باطلب منك المساعدة في المستقبل

اشكركم كلكم
:)

عزيزتي..

الحوره هذي قريبه لشارع المعارض والعدليه وتصير على شارع القصر القديم..
المحلات المعروفه فيها مركز دسمان (مجمع الهادي سابقاً)، فندق كازبلانكا، مجوهرات رفيع، محلات عجيب، وزارة التربيه والتعليم، البنك الأهلي المتحد، بنك البحرين الوطني، وهذي كلها محيطه بالمحلات الي ذكرتها لك

اذا حبيتي اوصف لك كيف توصلينها قولي لي وين تعرفين من البحرين وانا ادلك انشالله

شكرا لميس تعبتك معاي

الحورة قبل شارع المعارض؟؟

يعني وانا جاية من باب البحرين يجي شارع الحورة وبعدين شارع المعارض؟

واذا كان كلامي خطأ ياريت توصفي لي من المكان الاقرب له مثلاً باب البحرين او مجمع السيف او شارع المعارض اي مكان قريب


وشكرا لك

معليش تعبتك معاي

الله يعطيك العافية.

مرحبا اختي...مجمع الخبر مول في الخبر عنده جميع اشكال والوان الاقمشه وانا متاكده انك حتلاقي اقمشه هنديه واقمشة سواري مررره حلوه...

آسفه أختي من الشارقة


واللي من الشرقية و البحرين تساعدها:p :p ;) :p :p