وينكم يالنشميات الحقو اختي بتتزووووج

السلام عليكم

هلا مناهل ...والف مبروك زواج اختج الله يتمم لها على خير ان شاءالله :shy:

انا مب متزوجة..لكن اختي متزوجة ..فبقولج بعض اللي شفته بغرفتها :shy:

نحنا اشترينا لزواجها مجموعة كبيرة من العطور ..متنوعة بين عطور عربية وعطور غربية :up: .. وهي لما رتبت العطور حطتهم أول في مندوس كبير لما كانت في بيت اهلي قبل العرس باسبوع ونثرت ورد مجفف له رايحه حلوة في المندوس ووزعت فيه العطور كلها العربية والغربية والعود والبخور بطريقة حلوة وغلفت المندوس بورق شفاف عليه نقوش ورد روعة :shy: ...عشان في البداية يشوفونه الحريم لما يجون يشوفون زهبة ( اغراض العرس) اختي :cool2:
ولما ودتهم بعدين لبيتها اليديد :shy: ... حطت المندوس في غرفة سوت منها مخزن لاغراضها الكثيرة اللي ما راح تستعملها بفترة قريبة خلال زواجها....واخذت بس المجموعة اللي تحتاجها في البداية من العطور ...يعني حطت شوية عطور منوعة من عربية وغربية على التسريحة.....وخلت الباقي في المندوس(الصندوق) ..ولما كان يخلص عطر من اللي على التسريحة..كانت تستخدم عطر يديد من المندوس :shy:

وبالنسبة للمكياج....اختي خلت كل ادوات مكياجها في علبة خاصة بالمكياج..وكل ما حبت تستخدم المكياج تفتح العلبة وكل شي فيها مرتب وحاطتهم جنب التسريحة ...يعني في متناول اليد :shy:

هذا اللي اقدر اساعدج فيه حاليا عيوني :shy:

وان شاءالله البنات ما راح يقصرون وياج والسموحة :shy:

أنا مع أختي الأنثى في فكرة المندووس ...


بس على المكياج أفضل أنها تاخذ المكياج إلي تحتاجه والشي الأساسي ... يعني ماتاخذ شي ماتحتاجه ... وتحطه في شنطه خاصه للمكياج ...

اختي سوت مجسم كبير كان شكله زي كيكه العروس ورتبت كل الماكياج عليه وكان شكله مره حلووو
اما بالنسبه للملابس وبقيه الاغراض كان لها ترتيبات لو تحبين

خيول الفجر


خبرينا عشان نستفيييد :up:

الانثى يابعد عمررررررررري:clap::up:

تسلمين ياقلبي وعقبالك الله يرزقك الزوج الي ببالك :cool2:


بس انا مو فاهمه وش معنى مندوووووس؟؟

حصه تسلمين على المرور

خيول الفجر وينك اتحفينا يالغاليه مانستغني عنكم كلكم:shy:

المندوس هو الصندوق التراثي الجميل وكانوا العرايس يحطون أغراضهم فيه..

أما عني أنا فخصصت درج بالتسريحه للعطور والدخون بس...

وشريت صينيه صغيره ومعاها المبخر وطاسه صغيره للدخون ومرش للعطر..

وخذيتها من محل العطور..

والميك اب أحطه بجنطه خاصه على التسريحه..

:smile::smile::smile::smile::smile::smile::smile::smile:

السلام عليكم ورحمة الله وبركاته


:pain: