@إلــى بنيات الرياض@سؤال عن الحفــلات@

السلام عليكم ورحمة الله وبركـــاته ..
:) حيــاكم الله .. وجزاااكم الخير علشان دخلتوا موضوعي ،،،
هذي أول مرة أحط موضوع وما حطيته إلا بعد ما بحثت في القسم علشان أطلع طلبي ، لكن مالقيت .. يا بنيااات الرياض ، حبيت أسأل عما إذا كنتم <-- قلبناها مدبلج ، عما إذا كنتم تعرفون طقاقات ( مجموعة من الحريم يضربون على أشياء دائرية ) :D وتكون أسعارهم معقولة وطقهم جميل ، السعر ياليت يكون حول الستة آلاف على أقل تقدير " ولا تقولون مافيه بهالسعر لأن أنا أعرف فرقة واتصلت فيهم وقالوا 3500 ريال فقط للحفلة ، مو زواج وبدون أورج ، واستغربت سعرهم القليل لكن الصراحة أخاف طقهم سيء وشين وأسألكم علشان تعلموني إذا كنتم تعرفون طقاقات منتازات متأكدين من جمال طقهم ، وبنفس الوقت سعرهم زين " ...

وترى نفس الطقاقة اللي كلمتها قالت انها في الزواج تجي بـــ(7000) .. نقلة فريدة من نوعها صح ؟؟ .. الظاهر الناس بيجيبونها لزواج ومايعلمونها قبل ، أحسن يقولون لها هذي حفلة بنات .. عشان ماتاخذ هالسبعة ههههههه ،، على فكرة تراها برضه تزيد 1000 إذا كنا نبيها مع أورج .. بنات رجااءً إذا تعرفون لا تبخلون علي أو حتى عطوني أرقامهم فقط .. طيب ؟؟ :o

الحاجــة الثانية :
وشكلــي كثرت طلبات .. لكن الشي الثاني أبغـــى أعرف إذا كنتوا تعرفون استراحة كويسة مهيب بعيدة مرة عن الرياض ، وتكون مخصوصة للمناسبات ، وكبيرة شوي بقدر يكفي (150-200) مدعوة فقط .. حم .. تعرفون استراحة بهالمواصفات ؟ أو حتى قاعة في فندق .. أو قصر صغينون .. أتمنى من كل قلبي ان أي بنية ترد علي وتقول انها تعرف وحدة .. سأكون شاكرة جداً وبرضه نفس الشي ياليت تعطوني رقمها لو عالخاص علشان أستفسر منهم بنفسي ..

الحاجة الثالثة :
إذا تعرفون مكان مضمون ، يسوي الإضاءة لكن مو بس وقت الزفة ، كللللللل الحفلة ، يعني باختصار زي طريقة الدي جي ، ودخان وهبال وحركات ، (ههههههههه) ، لكن يكون مكان مضمون وياليت اللي تشرف عليه حرمة علشان نعرف كيف نتفاهم وزي كذا .. ها تعرفون لي مكان زي كذا ؟؟
:o
بنات أنا شكلي تعبتكم في القراية .. لكن يعلم الله ان هالأسئلة مهمة جداً وأشكر كل من بترررد علي ،،،

لكن تدرون ؟؟؟؟؟؟؟؟؟؟
;) ;) ;)
عشان ماتكونون فتحتوا الموضوع بدون فايدة .. أحب أقول لكم مكان حلو واقتصادي ورهيب علشان تجهزون منه تشترون منه مكاييجكم ، ألا وهو محـــل مي اللي في السويلم .. بنات لا تستهينون بهالمحلات لأن بكل بساطة مضمون ان اللي فيه أصلي ، وغير كذا فيه ناس شايفين سيارة ( قزاز ) وراه قاعدين يحملون منه .. وش الفرق بين الشراء من قزاز والشراء من السويلم ؟؟ فقط جهاز التكييف .. والرخام ، صدقوني ، ههههههههه ، استحملي الحر حبتين واشتري عطورك و الميك أب كله بسعره الأصلي .. ولا تهمك المظاااهر ..
;) أتمنــــــــى اني ماأكون طولت عليكم ،،،،، مشكورين جزيل الشكر مرة أخرى ، وأنتظر الإجابااات على أسئلتي .. إلى اللقــــــــاء
:)