اريد مساعدة

اختي راح أنقل مشكلتك لقسم قضايا وحلول حتى تلقين الاجابات من الاخوات

والله يعينك ان شاء الله

33 قرئة ولا رد مفيد يحل هذه المشكلة والله احياناً من كثرة ما تطلب ام زوجي فلوس على كل شهر 1000 درهم و1500 اتمنى موتها عشان ما تطلب حتى ، ما تقول بخاطرها انا تونا مزوجين وجاى طفل في الطريق يحتاج انوفر له بالعكس تطلب كل شهر اكثر وانا وزوجي نجعد عل حافة اخر الشهر لا نجدر نطلع نفرج عن نفسنا ولا نجدر نجهز ولو مراضع للمولود الجاي في الطريق....

والله يا عزيزتي الله يعينج على هالموضوع..

يمكن زوجك ما بحس بالمسؤوليه إلا لما يشوف البيبي...

ولا تتهاونين بأخذ مصروف البيبي منه .. بعد أن تولدين بالسلامه..

لأن بعد جذي بيتهاون وبخلي مصروف البيبي عليج..

وإن شاء الله الأخوات ما بقصرن معاج...

عزيزتي cis

اول شي بدي تستغفري ربك على انك بتتمني موتها :o

تاني شي .. هي امه و هو مسؤول عنها هالكلام لو ما في حد يصرف عليها .. لو فيه بيقى موضوع تاني .. بس حاولي انك تحكي معاه و تخبريه ان هالمسؤولية مشتركة و البيبي مسؤوليتكم انتم الثنين .. حاولي تتفاهمي معاه عزيزتي و فهميه ان البيبي لازمه جهاز و من هالكلام برواق و بدون عصبية و ان شاء الله بتتفاهموا و كل شي بيمر بخير

بالتوفيق
تحياتي
اختك
:)

شوفي عيني هذي ام ريلج يعني بحسبة امج فامايصير ادعين عليها بالموت استغفري ربج...!!!


وبعدين حاولي تعذريه وقدري ظروفه يمكن ليش انج اتساعدينه بمصاريف البيت على باله انه انتي عندج ومب محتاجه بيزات

وامه هو مسؤول عنها يعني حتى لو ماعنده بيززااات هووو مجبووور انه يطلع الفلوووس من تحت الارض عشانها هذي أم...!!!:smile:


على العموم انتي حاولي وجعدي ويى ريلج واسأليه وعاتبيه بلطف وبهدوء ومن غير لاهوشه ولا منااجر



وان شاء الله كل شي الي تبينه بيصيرررر:up:

أول شئ عادي لما يعطي امه فلوس
ولها حق عليه

بس لازم يوافق بينكم يعنى مثل ماقلتين
جاي بيبي بالطريق ولازم تبدين تشترين
الاغراض ..... تراك ماتعرفين الظروف

واذا ولدتين بالسلامه ان شاء الله اكيد ماراح
يقصر

واذا كان على صرف البيت انصحك قللي من المساعده
يعنى هو الرجل وعلشان مايتعود فأنتين ساعديه بشئ قليل
وبسيط بنفس الوقت
وشوفي النتيجه علمتينه على البخل يعنى
يعطي امه وانتين يقول لك ماعندي .... يعنى يكذب عدل

عزيزتى والله مخي صدى ههههه
احس الافكار مو مترابطه بس اعرفك فهيمه
مثلي

ونست ابارك لك على الحمل مأخرا
والحمد لله على السلامه مقدما هههههههه

تحياتي

[CELL=filter: glow(color=white,strength=5);][ALIGN=center]والله أنا مو متصور في أزواج مدلعين بهذا الشكل؟؟؟

معقول؟

تدفعين نص أيجار البيت والفواتير وشايله هم الولد الجاي؟؟؟

الله يعينك عليه ودائما باب النجار مخلع وجالس يصلح أبواب الجيران

نعم والله

فبعض الرجال من الزملاء يصرف فلوسه هنا وهناك وبمناسبه وبدون مناسبه ومن تكلمه زوجته تطلب ولو شوية أغراض للبيت هب فيها

شخط وزمر وفي الأخير يقول لها ذبحتيني؟؟؟



عموما أنا أشوف أنك تهدي اللعب شوي أقصد تمسكي يدك شوي وتقولي

له الأيجار من اليوم وطالع عليك وماني مشاركه بشي لأنك مو مجبوره

والفواتير بعد عليه ويكفي من وجهة نظري واللي أشوفه دارج بين الناس

أنك تتكفلي بملابسك وحاجاتك الخاصه وفوقها شغالتك أذا عندك شغاله

وكان الله غفورٌ رحيم



كل التوفيق مع دعائي لكما بحياة زوجية أكثر تفاهم وأكثر سعادة



المسافر[/CELL]

ما ادري ايش اقولك .........

بس هذا ريلج وانتي ادرى فيه .......

كل انسان له شخصيه .... وردت فعل ...حسب تفكيره

لا تستعجلي الامور ناقشيه بهدوء وان شاء الله بتوصلون لاتفاق...


ادامك الله

الله يكون بعونك اختي

دائما المساءل المادية نقطة خلاف صعبةبالحياة الزوجية

وبصراحه يا وخيتي ولاتزعلين مني بما انك تدفعين نص الاجار والاكل فاتوره جوالك فهو بيعتمد عليك برضه بالمصروف حق البيبي

ما اقول انه خطأ منك لا عزيزتي موعيب الزوجة تساعد زوجها بالمصاريف وبما انه هذا اتفاق بينكم في بداية حياتكم الزوجية حاولي تتأقلمين معاه

امه لازم يصرف عليها وبالعكس انتي شجعيه على البر بامه

وبالمناسبات المفروض تتساعدون وتشترون لها هديه لانها بمكانه االام الله لايحرمنا منهم واذا بينتي حبك لامه وحرصك عليها بتكبرين بعينه

عزيزتي لاتخلي مثل هالامور تخرب عليك فرحتك بالمولود ان شالله ماراح يقصر معك اصبري عليه وحاولي تتفقين معاه على انكم تطلعون يوم مع بعض تقضون حق المولود وتتشاورون بعد يمكن لما يشوف ملابس البيبي واغراضه يحس بالمسؤوليه الجايه

والله يهديكم ويسخركم لبعض


لاتنسيني من دعواتك:shy:

وشلونك اختي...."cis".....


والف مليون مبروك على الحمل........


بالنسبة لرائي..انا ما اتفق نهائيا مع الاخوان في الكلام اللي قالوه


انا ما انصحك انك تقولين له الأيجار من اليوم وطالع عليك وماني مشاركه

بشي لأني مو مجبوره......راح تصير مشاكل ما لها اخر

والصراحة الرجال يكونون حساسين في موضوع الفلوس بذات

من رائي:ناقشيه بهدوء ..وقولي له محتاجه فلوس حق البيبي وما فيها

شي اذا اعطاك مثلا 150درهم بالشهر وانت مثلهم ..وانصحك ما تقرنين

بينك وبين امه مهما كان "هذي حلوة اللبن"

واكيد عارف انها محتاجة فلوس ومن حقها..ويشوف ان موضوع البيبي

ملحوق عليه وفي التزامات اهم..

لا تخسرين زوجك عشان كم درهم وكلي ربك وراح تنحل..


تحياتي

والله الرجال ما ينعطون وجه بالفلوس

عينهم على راتب الزوجة وفلوسها


الوحدة تحط في بالها انه الحياة الزوجية مشاركة بس هما تعطيهم ظفر ياكلوا الذراع كلها بدون ملح بعد



من رايي استمري في التجهيز لطفلك القادم

وادعي انه يهدي زوجك لما يحب ويرضى

ولا تقارني بينك وبين امه

لانه هذيك الماما..يعني اللي جابته لهذي الدنيا

ومن حقها عليه انه يعطيها

بس انا اشوف انكم تعيدوا النظر في تقسيم المسؤليات

الله يوفقكم يارب ولا تشيلي هم مو زين علشان البيبي:smile:

بعد كلام الأخ المسافر

ان شاء الله ترجع بالسلامه
خخخخخخخخخخخخخخخ


ماعندي كلام

انتي حرمه اشلون تدفعين نص الإيجار والفواتير

كأنكم ربع اعزوبية وساكنين مع بعض مش زوجين

والبيبي هو ملزوم فيه مثل ماملزوم بأمه ولا جان ما تزوج وجلس يم امه