وين كنتي لما تفاجأتي بالطلق؟؟ و ايش سويتي؟

هلا فوانيس

انا لغاية الحين ما جربت لأني حامل لأول مرة وللعلم انا موظفة والله خايفة تجيبني آلام الولادة فالدوام


لكن ادعي ربي اني اولد بأيام الإحازة او الأيام العادية لكن بعد ساعات الدوام الرسمي لأنه بالفعل شيء مخزي

وننتظر مشاركات البقية اللي مروا بهالمواقف

مرحبا

مشكورة اخت فوانيس على الموضوع الحلو

وانا يوم ولادتي ، كنت ماخدة اجازة قبلها باسبوع من الشغل وخلصصت اجازتي ورحت داومت وكان اول يوم برمضان وتاني يوم اصحيت الساعة 7 الصبح ولما رحت الحمام (اعزكم الله ) شفت نقطة دم ، عرفت انها علامة الولادة وقلت لزوجي انا حاولد اليوم ، ما صدقنيش وكان حيروح الشغل ولكنه راح سأل امه قالتله ايوة هذه علامة الولادة ولاتروح الشغل وخليك عندها وما كان عندي وجع وبعد ساعتين بدا الوجع معي ورحت المستشفى الساعة 11 الظهر وولدت الساعة 7 بعد المغرب وجبت بنت امورة

وطبعا كان معايا بالمستشفى امي وحماتي وزوجي وجارتنا صممت انها تيجي معي

والاغراض الى اخدتها معي كانت حماتي هي الى مجهزاها(ملابس للطفل وبامبرز- وملابس الى

وانا الآن حامل ببداية الشهر السادس وخايفة اني تكون ولادتي صعبة زي اول مرة وخاصة اني طولت كثير وتعبت كثير

مع تحياتي

هلا حبيبتي شهد

شكرا لتجاوبك معاي :up:

بما انك بكر لا تخافين

لأنه البكرية يجيها الطلق بالتدريج الملل

بس المشكلة ذا انفتح كيس الماء و انتي بالدوام:o

الله يستر:cool2:

:up:(a)(u)






هلا فيك يا احلى ذكرى(a):shy:(u)

شكرا لك حبيبتي على المشاركة:up:

كويس زوجك ظل معاكي :up::cool2:

و يا رب تقومي بالسلامة و يهون عليكي الولادة








بالنسبة لتجربتي:cool2:

في الولادتين الحمدلله أتفاجأ بالطلق الفجر:o

الولادة الأولى بدأ الطلق قبل موعد الولادة بإسبوعين

لأنه كنت اعاني من الضغط

و دايما اللي فيها ضغط تولد قبل موعدها:pain:

و في هالليلة...نمت ساعتين تقريبا

و بعدين صحيت عشان كنت ابغي اسير الحمام:o

لأنه البيبي خلاص نازل و ضاغط على المثانة

بس استغربت اني اتردد على الحمام كل 10 دقايق تقريبا:rolleyes:

و بدون ألم:up:

و بعد مرور ساعة تقريبا و اثناء توجهي للحمام

فجأة تمزق كيس الماء و نزل الماي بغزاره:rolleyes:(a):o

طبعا انا ركضت الحمام..اشوف الماي اللي تفاجأت فيه:rolleyes:

و قلت بخاطري...خلاص يا فوانيس..اليوم ولادتك :D2:cool2:




أكمل الموضوع بعدين.....:up:(a)

السلام عليكم ورحمة الله وبركاته

أنا بخبركم بتجربتي مع بنتي البكر...

لما تفاجأة بالطلق وين كنت؟
كنت في البيت وكانت الساعه 10 مساءا .. بس ما كنت متأكده أنها طلق لآني أول مره أحمل وأولد..تميت أحسب الوقت إذا منتظم بين الطلقه والطلقه الثانيه.. ولما تأكدت ... خبرت عمتي وخوات زوجي وطبعا زوجي..

ايضا لما تأكدتي انه فعلا طلق شو سويتي بذاك الوقت؟؟
يوم تأكدت خذتني عمتى(أم زوجي) للمشي ومشتني شو وعطتني بعض النصائح :cool2:

و من كان معك من أهلك؟
محد بس خوات زوجي .. لأنا ساكنه معاهم..

و هل تألمتي من أول لحظة؟؟
شوي....

و هل انتابك الخوف و لا تحمسي أكثر للولادة؟؟
بيني وبينكم كانت ريولي ... ترتجف... بس والله كنت متحمسه للولاده..

و أيضا لما طلعتي للمستفشفى من كان معك؟ و ما هي الأغراض اللي خذتيها معك؟؟
أمي وعمتي ... وما خذت شي معاي غير ماي زمزم .. بس كانت الشنطه جاهزه في السياره من أول ما دشيت التاسع...:smile:

و بعد في سؤال أخير>> ايش كنتي لابسه
بعد شو كنت لابسه أختي فوانيس ...مايوه مثلا..:D2 ...
طبعا جلابيه .. ...و ..و...و...... :cool2:

بعد شو كنت لابسه أختي فوانيس ...مايوه مثلا

:D2:D2:D2:D2:D2
:D2:D2:D2:D2:D2

تسلمين يا بشاير على المشاركة

بس أحلى شيء يوم حد وياج:smile:

الحين بخبركم بتجربتي مع ولدي الثاني...

لما تفاجأة بالطلق وين كنت؟
صباح ذاك اليوم نزل ماي شوي بس ما كان شي ألم وكان موعد الولاده بعد أسبوع بس أنا طنشت ورحت الكليه.. المهم نفس اليوم كنت أصلي المغرب ولما ركعت الركعه الأولى حسيت نار بظهري وأنا من النوع اللي ما يحصلي (منان في الشهر التاسع) ...بس بعد طنشت وقلت يمكن ضغط شو حصل في بطني.. خلصت الصلاه وواعدت أمي عشان نروح للسوق...رحنا السوق وزاد الألم ... قلت خلاص وصلنا...:cool2:.. الحبيبه ما ردت البيت.. لا رحت الصالون وقصيت شعري :cool2: ... وأنا فيني الطلق :smile:...قويه صح.. أمي كانت تضحك علي.. وبعد ماربيت خبرت العالم كله السالف..:D2

ايضا لما تأكدتي انه فعلا طلق شو سويتي بذاك الوقت؟؟
لما رجعت البيت...أول شي سويته شربت كوب عصير برتقال طازج مع نص غرشه خروع...:cool2:... وبعدين رحنا أنا وزوجي ومشيت 3 كيلو... وبعد ما رديت يلست في ماء ساخن لمده ربع ساعه.. (لآنه الرحم يفتح أكثر وبسرعه في الماء الساخن)... وبعدين رحت المستشفى الساعه 1،30 فجرا..

وبعد ساعتني معانا أنجبت ولدي الساعه 3فجرا... والحمد الله كانت الولاده أسهل من الأولى لآن في بنتي تميت 22 ساعه أتألم...

:clap::clap::clap:
:clap::clap::clap:



تسلمين حبيبتي بشاير على مشاركتج الوافية :smile:



بإنتظار باقي البنات:cool2:

السلام عليكم ورحمة الله وبركاته

حلو جدا جدا الموضوع...

يمكن أنا ما جربت الولادة...بس من كام يوم كان عندي شغل في مستشفى الولادة ( أركب لهم شبكة اتصالات :cool2: )....و شفت واحدة مسكينة لابسة جلابية النوم...و مش قادرة تمشي من الألم...و ساندها زوجها و والدتها تقريبا...

كنت راح أبكي عليها...شكلها يقطع القلب و هي جاية تولد...

ظليت أدعي الله يقومها بالسلامة...أعتقد زمانها الحين مع إبنها...:cool2:

السلام عليكم ورحمة الله وبركاته

راح اقول لك تجربة أمي في الولادة...

كانت الدنيا الفجر...و أمي الله يحفظها كانت حامل في التاسع...

كان باص المدرسة جاي كمان ساعة.,..و أنا ألبس...و بعدين قلت لماما تعمل لي ضفيرة في شعري...فجلست على الكرسي و هي بدأت تضفر شعري...

بس أنا كنت حاسة إنها تتألم...و الضفيرة كانت بالمرّة مش مضبوطة :confused:

شفت ماما...لقيتها بتقول لي أنا شكلي بولد...عندها و طريان على بابا اللي كان نايم...و قلت له الحق ماما بتولد...مسكين لبس في نصف دقيقة...و ماما لبست العباية على قميص النوم...و نزلوا طيران على المستشفى...

و أنا رحت المدرسة...و ما فهمت و لا شيء يومها...و رجعت البيت أقول بشروني...

قالوا لي جاء عمـــــر اخويا....

كان يوم رائع...و الحمد لله ولادته كانت كويسة...

عقبال ما أجرب الولادة بنفسي إن شاء الله...و وقتها أشارك معاكم بتجربتي...:smile:

:clap::clap::clap:
:clap::clap::clap:



تسلمين حبيبتي مرموم على المشاركة:up:

و عقبالك و عقبال بنات المنتدى:smile:


:cool2:






يا بنات تقدرون تشاركون بالحديث عن أخواتكم أو اقرباءكم:up:


(a)(u)

مرحبااااااااااااااااااااااااااا

أنا بخبركم بتجربتي مع بنتي ...

لما تفاجأة بالطلق وين كنت؟
بصراحه انا ما عرفت ان اللي ياني الطلق لاني بكر وكله على بالي منان وكنت عند زوجي وكان فيه من يومين ...... وزاد عليه في ليل قعد زوجي من النوم وقالي قومي نروح المستشفى قتله لا بعده وقت المهم .... اخذت موبايله وقمت العب فيه:cool2: ( انسانه متفيجه ) وشوي شوي بدا يزيد عليه وقمت احسب من بين طلقه وطلقه وشفت انهن ورا بعض يعني بيكون ويع الولادة :confused: ورحت للدكتورة الصبح وقالتلي روحي المستشفى انتي بتولدين عقب ساعه تقريبا:rolleyes: بس للاسف ولدت بعملية قيصرية :confused:

و من كان معك من أهلك؟
عمتي ( حماتي ) وخوات ريلي وزوجي ...

و هل تألمتي من أول لحظة؟؟
وااااااااااااااااااااااااااااااااااااااايد واااااااااااااااااااااااااااااااااايد

و هل انتابك الخوف و لا تحمسي أكثر للولادة؟؟
بيني وبينكم كنت وااااايد خايفه لاني كنت من قبل داخله مع اختي في ولادتها :eek2:

و أيضا لما طلعتي للمستفشفى من كان معك؟ و ما هي الأغراض اللي خذتيها معك؟؟
أمي و زوجي ... وما خذت شي معاي لاني كنت ظاهره من العياده على طول على المستشفى ....

ايش كنتي لابسه ؟؟؟
طبعا جلابيه ..

انا ماجاني طلق وكانت ولدتي سهله جدا جدا .انا ولده في اسبوعي الثاني في الشهر التاسع .بس نزل علي ماي الساعه6 صباحا ورحت المستشفي ودخلت والساعه 8,30 جاني الطلق والساعه 11ولدتي ولدي والحمد لله كانت ولاده سهله رغم اني بكر ويجولون البكر تتعب بس ربك بغالي السهاله
والله يسهل علي كل وحده بتولد

ياي الموضوع رهيب وانا احب ها المواضيع اشارك فيها
:smile:

بقولكم تجربتي

انا من الفجر وانا اطلق كل نص ساعه وكل عشر دقايق اقوم من النوم اروح للحمام وانتم بكرامه..ارجع من الحمام اكمل نومتي...على ها الحاله لين صحيت الساعه 8 الصباح..وكان وجهي يرثى له من التعب...قال زوجي مب رايح للدوام وانا قلت لأ روح مافيني الا العافيه(صدق اني بزر ) ولا علمت احد اني اتالم مره وباقيلي امتحان نهائي واحد بعد 4 اربع ايام...من يوم طلع زوجي وانا اذاكر وكل مابين طلقه وطلقه اسكر الملزمه واذا خفت قعدت اذاكر :o (غبيه) هههه لمى جت الساعه 4 العصر اتصلت بزوجي قلت تععال الوضع لايحتمل لمى جاء كان فرحااااااااان وقال يلا يلا ولدي بيطلع اليوممممممممم .....همه ولده ........ :down: قلت مب رايحه لين اكل وجبة من كودو جوعاااااااااااااانه ...راح وجابلي اكل وانا في قمة الالم وقعدت اكل وهو يستنى اخلص عشان نروح...ولا علمت احد الى الان غير زوجي....... وصلت المستشفى 5 ونص وانا بالطريق اكتب مسج اني ولدت من الفضاوه....لمى دخلت على الدكتوره وكشفت قالت ساعتين وانتي والده يلا يلا
لمى دخلت غرفة الولاده وسمعت الصراخ ...ًحت مثل الاطفال حضنت زوجي بقوه وقعدت اقول انا مافيني شىء طلعني ابي اروح البيت...
وكان علي قميص لاختي لابسته وكنت طول الوقت اقول قميص اختي اخاف يجيه شىء.....زوجي كان حمقان علي وعلى القميص لين شلته وافتك...ههههههههههههههههه...........لمى ولدت زوجي طار لولده وخلاني بلا اوكسجين يريحني...وطول ماهو في الولاده كان على بالي بيصير رومانسي ويقول كلام حلوووووووووو هههههههههههه
زييييييييييي الافلالالالالالالالالالالالالالالالالالام
صار يقول

يلا يلا بيطلع شوفي يلا يلا

كان يساعدهم ماكان يساعدني
:confused:



قلتله مره الثانيه بطلعك براااااااااااااااااااااااااااااااااااااااااااا

جبتك تساندني مو تعاونهم علي

ههههههههههههههههههههههههههههههههههههه.


ماكان معي في الولاده غير زوجي.....فقط ماعلمت احد ابد

الموضوع شيق جدا
وبالفعل نستفيد من تجارب العضوات

انا اتمنى انه ما حد يدخل معاي غرفة الولادة غير زوجي لأن لو صدرت مني حركة غير طبيعية من الألم محد يضحك علي بعد الولادة

امي وخالتي مصرين انهم يدخلوا لكن اعتقد اني ما بخليهم


يارب يسر و لا تعسر
اللهم اجعل ولادتي سهلة ياااااااااارب العالمين

غرشوبة تسلمين يا الغالية على المشاركة:clap:

اخذت موبايله وقمت العب فيه ( انسانه متفيجه )

:D2:D2:D2

صدق متفيجه:pain::rolleyes::o

المطلقه الحزينه:shy:

ماشاء الله عليج:up:

فعلا كانت ولادة سهله

الله يسهل على الجميع يا رب:up:


:smile:(a)(u)

مملوحه شكرا حبيبتي على مشاركتج:up::clap:

قلت مب رايحه لين اكل وجبة من كودو جوعاااااااااااااانه ...راح وجابلي اكل وانا في قمة الالم وقعدت اكل وهو يستنى اخلص عشان نروح..

:D2:D2:D2:D2:D2

بصراحة يوم ولادتج كان فلم:cool2:

بس فلم حلو و حقيقي و مليان مواقف:up:

والله أنها سوالف:D2:D2 الحين لكن يوم كان وقتها كنا:confused::confused:


أنا يوم ولادت بنتي البكر كنت نايمة وكنت اصحى كل شوي أدخل الحمام لأني كنت أحس بضغط على المثانه وكان يدوبك اوصل لباب الحمام غير نصها بالحمام والنص الثاني فعمري:o:smile: لكن لما قمت الساعه وحده حصلت السرير مبتل ماي حسبت نفسي عملتها:o:o بالفراش وأستحيت من زوجي يعرف فقلت أروح الحمام اول وبعدين أداري فشلتي:D2
لكن يوم رحت الحمام شفت الماي ما توقف وينزل على شكل تدفقات كبيره فرحت أصحي زوجي ومسكين كان نايم فجيته بسرعه اقوله يقوم من النوم وقلت له قوم ماي كثير ينزل مني وما اعرف شو السبب بعدني غبيه :D2 فقال لي كيف نروح المستشفى الحين فقلت له صبر شوي خلني اتصل بأمي واتصلت فيها وجات مسكينه هي واختي ورحنا للمستشفى كلنا وجلست أختي تمشيني قبل عن ندخل قسم الولاده وكل شوي تسألني في ألم أقول لها لا أحسب كذي الولاده بس :D2 لكن بعد كمن ساعه إلا وعينك ما تشوف النور بدأت الالم الطلق وطلعت بنتي أنوار على نور الصبح الساعة 7 .

وكنت لابسة ملابس امي ليش أنا طول فترة الحمل كنت اتوحم على ملابس أمي لأنها فضفاضه ومن القطن وريحتها حلووووووووووووووه.


بالنسبة للحمل الثاني تعبت شوي لأن الرحم كان مفتوح 4 سم من الصبح لحد الليل وما زاد فأضطرت الدكتورة أنها تخليني تحت المراقبه خوفا علي فكنت طول الليل أمشي بممر المستشفى وأدعي الله بالسهاله وما جات الساعه 6 الصبح إلا وكيس الماي منفجر وعلى الساعه 10 ولدت خلود حبيبي.

ونفس الشي أمي وأختي وزوجي كانو معاي بس اللي كان معاي بغرفة الولادة وفوق راسي أمي بالولادتين .
وعلى ولادتي الثانية كنت لابسه جلبيتي مو جلبية أمي:D2

السلام عليكم ورحمة الله وبركاته

واااااااااااااااااااااااااااااااااو



مووووضووع يخبـــــــــــــــــــــــــــــــــل (wink)



ربي يبااركلكم بالعيال اللي يبتوهــــــم .. ويرزق البناات :shy::shy:



ويرزقــــــــــــــــ كل عقــــيم بأذن الله :smile:




:z_bye: