******* بنات بوظبي .. ممكن تساعدوني ؟؟ *******

السلام عليكم
ان شاء الله بيساعدوكِ الصبايا

بس اذا بدك رأيي
فيك تشوفي وحدة تجي تساعدك بالبيت كل يوم
يعني ما تبات عندك .. ساعات معينة بس
و اذا الساعات اللي ما بيكون زوجك فيها بالبيت بيكون احسن .. يعني انتِ ممكن تتفقي معاها

تحياتي
اختك
:)

هلا اختي

كان الله في عونك


:smile:

تسلمن على الردود خواتي ..
بانتظار المساعدة من البقية ..

:smile:

هلااا اختي
انا رايي انج ما اتيبين خدامة بالساعات لانهن مو نظيفات اولا و ينخاف منهن
بعدين حتى لو جبتي الي بالساعات انا ما انصحج اتيبينها الوقت الي زوجج مو موجود و الله ترى يخوفن
اذا تبين نصيحتي شوفي خدامة حد من اربيعاتج او اهلج و اعطيها اجر الساعة طبعا بالتفاق مع صاحبة البيت


طبعاا هذا رايي انا :shy:

هلا الريم ..
بصراحة أنا فكرت في رايج من قبل ..
لكن ترددت تدرين ليش ؟؟
لأن أحس يمكن راعيتها تحتاجها في الحزة اللي أطلبها ..
وتستحي تقولي .. أو تكون الخدامة تعبانة من شغل بيتها وازيدها ..
يعني مادري أحس مب حلوة ..
وغير جيه منو متفيق اييبها ويردها .. ويمكن ما يرضون يخلونها اتيني تكسي ..
يعني أحس صعبة شوي .. وفيها احراجات ..

عالعموم تسلمين على رايج .. وبانتظار آراء البقية ..

:smile:

والله عزيزتي انستازيا يوم قريت موضوعك تذكرت نفسي ..

شكلها طبيعتك مثل طبيعتي ..

انا جبت شغالة بالساعات تجيني كل يوم 3 ساعات تشيل عني الشغل

المتعب مثل غسيل الحمامات والمطبخ والكوي ..

انا اسكن بالخالدية وهاذي الخدامة تسكن قريب من بيتي

وحصلتها عن طريق حارس البناية ..

لو انت ساكنة في نفس المنطقة خبريني ممكن اساعدك ..

الله يعينج الغاليه والحال من بعضه بس أنا من دبي وانشاء الله بيساعدونج بنات ابوظبي
أنا حصلت طريقة اتخفف عليه ، خليت بشكارة أمي ( وهي ما عندها شغل وايد ) تكوي عني لأن ثياب الرياييل تعيز بصراحه :o






ا

السلام عليكم ورحمة الله وبركاته

و الله أختي أنستازيا أنا عندي نفس المشكلة...و أنا ساكنة في أبوظبي...و امرأة عاملة...و البيت كبير...و تنظيفه ياخذ وقت...

نفسي واحدة تيجيلي 3 ساعات في الأسبوع بس...و الله راح تريحني كتيـــــــر....

بس أمي جربت هذه الطريقة...و اللي سرقت...و اللي تروح ما تيجي تاني...يعني مش مضمونين...

هلا ام عدنان ..
للأسف أنا كنت في الخالدية لكن انتقلنا من شهور عقب ما ضاقت علينا الشقة ..
وحاليا بشارع المطار ساكنين .. لكن أعتقد تقدر اتيني الخدامة تكسي وبعطيها فلوس التكسي .. ولا شرايج؟؟
أنا حتى ماريدها كل يوم .. يكفي يومين في الاسبوع لمدة ساعة أو ساعتين بالكثير ..
بس بغيت اعرف كم تاخذ عالساعة ؟؟
اللي اعرفه انهن ياخذن 10 عالساعة و10 للتكسي .. صح ولا ؟؟
ياريت لو تطرشيلي رقمها .. وتخبريني شرايج فيها من ناحية شغل واخلاق ..
ومشكورة على مرورج الغالية .. ما قصرتي ..



هلا yn1 ..
مرحبابج .. تسلمين الغالية عمرورج .. وبالنسبة لثياب الرياييل صدق انها تعيز ..
عشان جيه بس اريد وحدة تكويلي وان شاء الله بقدر عالباقي ..
وخدامة هلي ماتقصر كل ما اتي تنظفلي البيت كله .. لكن المشكلة ..
بيني وبين بيت هلي نص ساعة طريج .. بعيد ..
عالعموم مشكورة ..



هلا مرموم ..
الله يقويج والله .. أنا شقة على قدنا ومب قادرة عليها فكيف بالبيت الكبير والشغل ..
الله يعينج صراحة .. لكن ليش ما تجربين اتيبين وحدة .. يمكن تكون وحدة أمينة ..
والمفروض ماتدش غرفة النوم .. بس غرفة الكوي والحمامات ..
وأكيد بتكونين فوق راسها ..
أنا بصراحة تعبت من الشغل وما فيني أقعد أشكك .. بنجرب ليش لا ..
ودي ألاقي وحدة مضمونة .. عشان أطلبها على طول ..
مشكورة الغالية على مرورج .. والله ييسر عليج ..

عزيزتي انستازيا ..

ما اتوقع انها راح تجي لشارع المطار لأنها ما تشتغل إلا في الخالدية

وبالأخص في المنطقة هاذي وزوجها ما يخليها تركب تكاسي ..

لكن اذا حبيتي أسألها لو تعرف وحدة زينه تقدر تجي عندك ..

ولو حبيتي اطرش لك رقمها وانت تكلمينها ..

شو تفضلين ؟؟

هلا ام عدنان ..
ياريت لو تطرشيلي رقمها وانا بتفاهم وياها ..
بس ما قلتيلي هي شو جنسيتها ؟؟ وكيف شغلها ؟؟ ..
وكيف اخلاقها أهم شي ؟؟ ..
ومشكورة لمرورج مرة ثانية ..

:smile:

هلا اختي اتوقع اتكون مشكلتج في تنظيم الوقت يعني لو نظمتي وقتج


بترتاحين يعني مثلا لا تيمعين الصحون واغسليها اول بأول بالنسبة للثياب


خلي يوم للغسيل واليوم الثاني للكوي انا كان ريلي يودي الثياب والغتر


اللوندري وبس يكون عليه الفوانيل والوزرة بالنسبة لتنظيف البيت فما


يحتاج كنس يوميا خاصة اذا ما عندج عيال يوصخون بس بيكون عليج غسيل


الحمامات يوميا وخاصة انتي في شقة يعني الوضع احسن مب مثل البيت


مترامي الأطراف وانا ما يبت بشكارة الا بعد ما ربيت وحتي يوم كنت حامل


كنت اشتغل في البيت ........والله يسهل عليج

عزيزتي انستازيا ..

طرشت لك اللي تبينه على الخاص ..

تحياتي لك وبالتوفيق ..

هلا عروس دبي ..
لا بالعكس والله المشكلة مب في تنظيم الوقت ..
كل شي أسويه أول بأول ..
أغسل الصحون أول بأول ما أترك شي .. حتى لو قفشة ..
والثياب كلهن أغسلهن اليوم وباجر أكويهن .. حتى ثياب ريلي وغتره ..
مانودي شي اللوندري وهذا اللي متعبني ..
وما أخم يوميا ولا أغسل الحمامات يوميا .. وفوق هذا ما ألاقي وقت ..
وخاصة اني صارلي ثلاث سنوات ونص من عرست وعندي بنتين الحمدلله ..
وللحين صابرة بدون خدامة ولا مساعدة حد .. وقايمة بالشغل كله ..
بس الحين أحس خلاص انهد حيلي وودي حد يساعدني .. ولو شوي ..
عالعموم تسلمين على مرورج ..

===*====*===

أم عدنان .. مشكورة الغالية ما قصرتي ..

:smile: