مشكلتي مع المكالمات الغريبة !!! أريد حلا

أول شي اختي ذات الخمار احب اقولج اني فقدت اسمج بالمنتدى فترة مو قصيرة ... وثاني شي انا صارت معاي نفس المشكلة وعالجتها بالتجاهل لين مل .. و عرفت بعدين منو كان ورا هالموضوع وفهمته اني عرفته و اعتذر و من عقبها ما كررها .. بس انه السالفة تطول سنتين !! السكوت ما ينفع و ممكن ينفهم غلط ... لازم تحطين حل للموضوع و بالذات اذا كان معاج بالمكتب ناس ثانيين .. ما راح تكون زينة جدامهم التيلفونات اللي ما تنتهي هذي ... الله يعينج بس لازم تحطين حد للموضوع و تنهينه...

بسم الله الرحمن الرحيم
أختي ذات الخمار أنا اعتقد انه الي وراء هالمكالمات شخص ربما يكون معجب ومستحي يعبر عن شعوره وحصل هالطريقه المزعجه عسب يقول وبس ظل جبان وما قدر يتكلم وانا برايي طنشي الموضوع وخليه يموت حره :D2:D2

السلام عليكم ورحمة الله وبركاته

حقيقي أختي مشكلة صعب التصرف فيها...

إنت من جهة مليتي من هذا التصرف...

و من جهة ثانية مش عايزة تعملي مشاكل في المكتب...

رأيي من رأي أختي عبير الشرق...أنا خايفة هو يحسب إنك مبسوطة على التليفونات هذه...لأنك ما اتخذتي أي موقف...

محتاجة فعلا أختي توضعي حد للموضوع...يعني لو رن مرة التيليفون...قولي له إنك كلمتي صاحب التيليفونات في الوزارة...و التيليفون متراقب...و عيب شيء مثل هذا يصير...و إحنا بنات ناس مش لعبة...و مكالمة ثانية بتكلمي المدير اللي راح يتصرف هو...

و بعد ذلك لو أعاد المكالمة...حاولي ما تردي نهائي على التيليفون...يمكن يكون عايش على إنه يسمع صوت ألو منك...لذلك...ما تخليه يسمعها..و نشوف شو راح يعمل وقتها...أكيد راح يحاول يظهر بأي شكل...

الله يكون في عونك بصراحة...بس خذي بالك لا ينتبه أحد من اللي حواليكي باللي قاعد يصير...

طمنينا عنك أختي ذات الخمار...

السلام عليكم اختي ذات الخمار........


من وجهة نظري تطنشين:up:..........مافي الا هذا الحل.....:up:



غير كذا ابي اسالك .........في احد معين تشكين فيه في المكتب أو غير المكتب؟


معاك احد بالمكتب من زملاء؟



هالقصة صارت حق وحدة من زميلاتي .....ولما الحين اهي تعاني


جربت كل الطرق من...تطنيش وكلمت اهلها يحطوله حد ما أستحى 0 الله يعينك

إشتري جهاز كاشف الرقم

وكذا بتعرفين مين صاحب المكالمات

وبتوصين حد من اهلك يتصل عليه يحذره

او لما تشوفين الرقم تطنشين لحد مايتعب ويبطل

مرحبا عزيزتي

انا بعد صار لي نفس الموضوع لدرجة انه اتصل لي البيت وذكر اسمي وانه من العمل ويسال عني بس انا طنشت السالفة لانه انا حس انج خايفة بيلعب باعصابج وبعد ممكن يلعب بسمعنج

اوانا مع الاخوات طنشيه

ولا تحسسينه انه الموضوع هامنج

وهذا بيكون واحد من الشغل عندكم يعمل بالملفات بحيث انه يعرفج ويعرف في اي قسم تشتغلين عشان جذي انتي اول ما تحسين انه هو اللي يتصل شيلي السماعة ولا تتكلمين وبعدين صكري التيلفون


وحتى انا صار لي بالمستشفى

حيث انه اتصل واحد ويقول انا اعرفج وانتي غرفتي رقمها كذا لدرجة انه خفت وحسيت انه قلبي بيوقف ولكن تمالكت نفسي وسكت عن الموضوع



والله في ناس وايد قالوا لي نفس الوضع صار لهم بالتطنيش راح يملون


والله يكون في عونج

هلا اختي ذات الخمار

:smile:

انا مريت نفس مشكلتك..بس على موبايلي

وانا مطنشة..وفي مرة من المرات بعد تقريبا ست شهور

بروحه فضح روحه:D2

اتصل على المكتب يبي زميلي

وعطاني الاسم..وانا مسكت اول خيط<--انفع محققة:cool2:

واكتشفت ..والله ما سكتت عنه

وطلع واحد من عندنا بالعمل طايش مراهق

وعطيته شغله زين..والحين لما يشوفني بالممرات احيانا

ينزل راسه:D2

وحتى السلام ما يقول:cool2:

نصيحتي لك الغالية..وقفييييه عند حده

مافيها شي اذا تشتكين عليه بالوزارة

وكل وزارة لها مكتب الامن..على الاقل يراقبون الرقم من التحكم عندهم

وبإذن الله راح ترتاحي من المعاكسات

لانه مدة سنتين مدة طويلة :s2

بس انا استغرب..هذولا اللي يعاكسوا ..ما عندهم خوات؟ما عندهم امهات؟:eek2::pain:

اللي ما ترضونه لاهاليكم لا تضونه لبنات الناس

في امان الله اختي:smile:

أول شي تعمليه انك : لازم لازم تقولي لرئيسك أو لمديرك في الشغل ....

ولاتفكري اذا خبرتيه بالسالفة راح يفكر فيكي بالغلط ، أو انك راح تخربي سمعتك ...:pain: بالعكس انتي راح تحمي نفسك .. ( خليكي واثقة من نفسك ، وشخصيتك تكون قوية ... )

وبعدين اطلبي كاشف للتلفون ... ( عشان يطلع عندك الرقم )

لازم تحطي حد لهذه المشكلة ... قبل ماتكبر السالفة..

وبعدين ممكن ان الشخص يتمادا معك أكثر وأكثر ، ويعمل أشياء ماتتوقعيها.


وعندها ماينفع الندم..

الله يعينج الغاليه على هالإنسان...

وأنا بصراحة أتفق مع الأخت omboz الأفضل إنج تخبرين مسؤولج وما تسكتين عن الموضوع خصوصا أنه صار عالموضوع سنتين..وبصراحة أشوف إن التطنيش مب دايما الحل..يعني ممكن تكون النتيجة واحد من الإثنين
1- يا إنه يمل ويختفي
2- أو إنه يتمادى ويدور طرق ثانية أشد وأقوى بس عشان يوصلك

توكلي على الله وكلمي مسؤولج ولا تستحين ولا تخافين وأنا متأكده إنه بيتفهم الأمر وبيتصرف وبيحترمج أكثر لانج حريصة على سمعتج ومكانتج وحطي في بالج إنه (كل راع مسؤول عن رعيته) ومن واجبه كمسؤل أنه يحافظ على سمعة موضفينه من كبيرهم لصغيرهم وسمعة الشركة...ودام إنج عارفه نفسج واثقة من أخلاقج ما عليج من حد ولا تحطين في بالج إن هالشي ممكن يهز صورتج جدام الموضفين, وهذا شي طبيعي إن البنية تتعرض لهالنوعية من المواقف.........الله يكفينا شر ضعاف النفوس..

ورددي دايما هالدعاء:
اللهم من أراد بي كيداً فرد كيدهُ في نحره..

والله ييسر عليج ويحل مشكلتج وإن شاء الله نسمع أخبار طيبة عنج.....

تحياااتي..

السلام عليكم ورحمة الله وبركاته

ما تدرون أنا اشقد فرحت لمن شفت ردودكم وتفاعلكم معاي :smile:

وخلوني أرد على تسآولات البعض منكم.....
انا بروحي في المكتب لما الأحين ، والمفروض تيي موظفة ثانية معاي امكن على بداية السنة ان شاء الله!
خواتي اللي أقترحوا علي أن أكمل تطنيش، ترى والله ضدقت بالسالفة ومو قادره أسكت زود.
للأخوات اللي قالولي ما أشيل التيلفون : مع العلم ان هالتلفون تيجي عليه مكالمات للعمل بس تدرون أني ساعات لمن ينيي أتصال أحس انه هو وما أشيل السماعة مولية وأخلية يرن ، بس المصيبة انه يرن يرن ، يعني ما يسكت الا لما ينقطع الخط. لا ويرجع يتصل لين أرد....خلوني أخبركم هالسالفة ، مرة كنت أصلي بالمكتب ورن التيلفون وعرفت انه هو لأنه تم يرن وما سكت. لمن خلصت صلاة السنة طلعت فيشة التيلفون ورديت أصلي، انتهيت من الصلاة ورديت أشتغل ونسيت الموضوع بالكامل ولمن مرت تقريبا 20 دقيقة تذكرت الفيشة فرديتها لمكانها والمفاجأة ان التلفون كان بعدة يرن ويرن والله اني خفت وقامت تدور براسي أفكار سودة. :s2
يعني معقولة ياناس!!!

أخني أكمل ....
في حد من أخواتي الحبيبات سألني اذا كنت شاكة في حد؟

والله اني شكيت في شخص بس واحد منهم شطبته من القايمة لأنه كان موجود خارج المكتب يتكلم مع واحد من الزملاء لمن يا اتصال من هذا المجهول.
باقي الموظفين مجموعة منهم جدا جادين بكل معنى الكلمة ومحترمين في عملهم وما أقدر أشك فيهم والمجموعة الثانية ما اعرف عنهم أي شي أحتى أسماءهم ما أعرفها فما أقدر أقول عنهم شي!!!!
اللي قال انه معجب فأنا أقوا انه معجب مريض أو جدا جبـــــــان وفي كلا الحالتين يفتح الله.

انا لمن أشيل السماعة واعرف انه هو ما اقدر اقول شي أبد لا أهاوش ولا أهدد ،،،، والله اني ما تعودت أرد على اللي يرزون ويهم بالمغازل دوم كنت أطنش :pain:

اعتقد الأقتراح اللي راح أتبعة اني راح أكلم المدير انه يغير الرقم وبخبره المشكله كلها مع اني راح أكون ميته في ثيابي من الفشلة :o
وراح أطلب منه ان يخلي الأمر بيني وبيني، يعني ما لاه داعي يخبرهم ليش يطلب تغير رقم التلفون.....

ان شاء الله على بداية الأسبوع راح أخبركم اش صار معاي .... ادعولي الله يستر على بالدنيا والأخرة .... فآخر ما أرجوه اني أصير السالفة اللي تسلي الموظفين أثناء عملهم...

السلام عليكم

الله يستر عليكِ و علينا و تخلصي من القصة و ابقي طمنينا شو صار معك

تحياتي :)

عزيزتي لما الحيرة مافيه اسهل منها وبما انك بوزارة حكومية الحمدلله

ومديرك ان شالله متفهم لوضع المرأه باي مكان عمل

اطلبي منهم تغيير التحويلة او الرقم نفسه

ومافيها شي اختي انك تقولي انك تنزعجين من الاتصالات والازعاجات المستمرة والتي تؤثر سلبيا على انتاجيتك بالعمل ونفسيتك وانتي تشتغلي


حبيت اقول لك سالفه انا قبل 3 سابيع طلبت غرفه جديده عندي بالعمل وماقصرو الاداره اعطوني مكتب جديد بس مانقلو التلفون الاول حقي ولا التحويلة حقتي كلمت الصيانه قال مافيه اسلاك للتوصيل وان شاالله اول مانجيب بنرجع التلفون قلت له وهو هندي قلت له لاتحرص انا ما ابي التلفون صحيح انه مهم بس ارتحت من الاتصالات اللي مالها داعي وتوجع الراس:D2

بالتوفيق اختي


ام ميرال

:pain:.... والله بلشة أنا بعد صار معاي جذي بس على موبايلي ... وبعد استمر سنيين وكله مطنشة ... تلفوني كله على الصامت ... يعني لو دق مستحيل حد يرد عليه :D2... بس أكل تهزيئات من ورا هذي السالفة من الاهل وصديقاتي انه كل ماارد على التلفوناات :down:.... بس ظليت صامدة على التطنييييييييش لين مل وفكـــــناا ,,,:cool2:

السلام عليكم ورحمة الله وبركاته

بجد الله يعينك أختي سنتين وانتي ساكته ...

حبيبتي مشكلتك لازم تدخل فيها الادارة وخاصة ان المكالمات ما تجيك غير على المكتب مب على الموبايل او البيت

فما في غير انك تكلمي مديرك أو أي شخص له سلطة وممكن يتحكم بالاتصالات الي توصلك

وبعدين ليش خايفة انهم يتكلمون عليك

انتي الحمد لله سمعتك كويسة عند الجميع ومستحيل راح يتكلمون عليك بالعكس هو الي راح ينفضح

واحتمال يكون أصلا كل الرجال عارفين بالموضوع اذا كان واحد منهم .... وبسكوتك راح تبيني للكل انك راضية ومتقبلة الوضع والدليل انك لمده سنتين وانتي ما قمتي باي رده فعل .. أنا ما ابغي أخوفك بس لا قدر الله لو كان فوق ها الحركات الي يسويها يكون بعد نذل و يكون قايل للكل عن حركاته معاك

يعني حبيبتي اخاف يكون سكوتك بيجيبلك مشكلة أكبر

كلمي المسؤول عن الموضوع وأكيد راح يتكتم عن الموضوع اذا طلبتي منه ها الشي

واكيد راح يتعاقب بشكل اداري

واطلبي منهم انهم يزودونك بجهاز فيه كاشف للارقام

طمنينا عليك حبيبتي وان شاء الله تتخلصي من مشكلتك بأقرب وقت

*^*

تحياتي للجميع

أختكم

*^* malaak *^*

النمص ... في الشرع ... والطب

جايبة لكم احلى هدية

غرفة طفلك من ولادته حتى سن العاشرة ... مهم للامهات

مره ارسلت لخوي رساله حلوه ومدري كيف راحت الرساله انحولت وشبكت بموبايل رجل ثاني.. فاتصل علي يبي يعرف من هالمعجبه.. فتفاجأت بالموضوع وعرفت إنه ظن إنه لقي صيده ..

فقال ليش ترسلين لي هالرساله (يتميلح هو وجهه ) فقلت والله ياوليدي اشتقت لأبني وارسلتله رساله ووصلتك بالغلط والسموحه وانا امك قال لي كم عمر ولدك قلت من صوتك وانا امك إنه بعمرك فقفل السماعه بوجهي :D2 ..طبعاً غيرت صوتي كني عجوز واكل المقلب ..وافتكيت من هالمشكله:D2

مانتي هينة يا ام الترك:D2:D2


:cool2:

ههههههههههههههه
تركيه فكرة والله