أرجوكم ساعوني ولي يرحم والديكم

ع

عضوة

31-08-2002 | 03:33 PM

:(

أنا عروس وعرسي عقب أربعة أشهر والمشكله إني خايفة ومرعوبة

بديت أشتري الزهبة بس أبا نصايحكم أي نصايح إجتماعية نفسية

جمالية إقتصادية أي أي شيء

و صدقوني ما بنساها لكم :confused:

ع

عبير الوفا

عروس مشرقة

31-08-2002 | 05:52 PM

الف الف الف الف الف الف مبروووووووووووووووك الله يسعدك ويحقق مناك يارب
بنسبه لنصيحتي لك
اهتمي في غذائك واشربي لك عصيرات طازجه واكلي خضروات واشربي حليب وابتعدي عن شرب القهوه والشاي واذا كنتي سمنانه اعملي نظام عذائي غير مرهق وان كنت نحفانه حاولي تزودي كميه الاكل حتى يكون جسمك تمام
اهتمي في شعرك بعمل حمامات الزيت وخلطات لشعر وحاولي تجنبيه الاستشاوروكفايه الي راح يحصله بعد الزواج خصوصا الفتره الاولى ومارح تقدري تسوي شي لشعرك وقتها وارجعي لقسم العنايه بشعر راح تلقي حمامات زيت حلوه مررره
اهتمي ببشرتك بعمل اقنعه مغذيه لها وعملي لها مساج يوميا ً وخاصه قبل النوم ويكون بكريم اذا ماكانت بشرتك دهنيه حاولي تبعدي عن المكياج خصوصا الفتره الاخيره قبل الزواج منها حتى ترتاح بشرتك والشي الثاني حتى تظهري بطله متميزه يوم عرسك
اعمل اقنعه لجسمك واهتمي بترطيب بشرتك دائما
اما بنسبه لزواج
اعملي قائمه بأسماء المدعويين وصديقات ولاقارب حتى لاتنسي احد بعدين تصابي بالحراج بعد فوات الاوان
اعملي قائمه بمستلزماتك ولاشياء التي ريدين شرائها وكل ماتذكري حاجه اضيفيها في نفس القائمه وكل ماتحضري شي تحطي عنده علامه حتى تنتهي
وقائمه بماستلزمات الحفل والزفه
اسفه طولت عليك اذا بغيتي المزيد لك عيوني والف الف مبروك مره اخرى

d

dmoo3_el7ob

مشرفة سابقة

01-09-2002 | 01:40 AM

ألف مبروك حبيبتي..

ماشاء الله اختي عبير الوفا ما قصرت بس نصيحتي انك تحددين مصاريفك وتبدين بالأساسيات وبعدين الكماليات عشان ما تنسين شي و ما تحتاجين شي..

راجعي مواضيع المنتدى وبتلقين اللي ينفعك..

واكثري من الصلاة والدعاء..

والله يوفقك

أ

أنستازيا

عروس رائعة

01-09-2002 | 02:57 AM

أهم شي ما تخافين .. ترا بيتعبج وبيسببلج شحوب في الويه من كثر السهر والتفكير ..
ويمكن تضعفين .. خلج طبيعية وواثقة من نفسج .. وكل شي ان شاء الله تمام ..

بس رتبي كل شي .. وسوي كل شي في وقته ..
والحمدلله عندج وقت .. أربع شهور تكفي وتوفي ..

وألف مبرووووووووك .. :)

ولي رجعة ان شاء الله

ع

عروس قديمه

مشرفة سابقة

01-09-2002 | 05:11 PM

اكتبي كل اللي تحتاجينه في ورقه مع ميزانيته...عشان ماتخسرين فلوسج في اشياء مالها داعي...
ورتبيهم حسب الاولويه...

مثلا ..
قمصان النوم...العدد..5...الميزانيه..500..مثلا...فهمتي علي..
وهكذا..

وابداي اهتمي في جسمج ..وبشرتج..واكلج...
وخلي تفكيرج ريلاااااااااااااكس..ولا تفكرين وايد ..عشان مايأثر في نفسيتج..

واي استفسار ثاني ترى خواتج في المنتدى بعد ما بيقصرون...

l

lura

عروس فضية

02-09-2002 | 09:45 AM

مرحبا اختي خفاشة الليل

الاخوات ما قصروا وانا ما ازيد اكثر منهم

والف مبروك ان شاء الله