اخوي يقولي انتي راح تهدمين بيت اخوي الثاني !

السلام عليكم


ياهلا فيكم بنات ... كيف الحال ان شاء الله بخير ؟

اشتقت لكم والله


واليوم جيت عشان اشكي لكم الحال لانكم دائما معاي في كل مشاكلي وتساعدوني في كل شي يصادفني واليوم ابيكم تقولون لي اذا انا غلطانه ولا سويت شي يستدعي هالكلام اللي انقال لي كله ..

والموضوع كله


اني اليوم ونا جالسه بالبيت رن التلفون واتصلت زوجة اخوي الاجنبيه لانها من غير بلدنا المهم وكانت جالسه تبكي وتقولي لازم تجين عندي ابغاك ضروري قلت لها وش صاير قالت انتي بس تعالي قلت انا خلاص اكيد متهاوشين هي واخوي وتبغى تقولي وش صار معاهم وايش قالها ... طبعا انا قلت لها خلاص بجي عندك بس قبلها اتصلت على اخوي وسئلته وش السالفه فقالي انهم كانو طالعين لمكان وكان بهالمكان شباب وكانت نظراتهم مريبه لخوي وزوجته لان زوجته تلبس نقاب ماتغطي عيونها فقالها اخوي غطي وجهك فهي رفضت واصرت انها ماتغطي فقام اخوي عصب ورفض يشتري لها بعض الطلبات اللي كانت تبغاها عشان الضيوف اللي جايين عندها ... فصارت تصرخ على اخوي وتقوله صدقني لو ماتجيبلي اللي ابغاه راح اسويلك سحر واخليك تصير تابع وخاتم بأصبعي ووين ما ابغاك اخليك تروح على كيفي ... وماخلت مسبه الا وسبتها له المهم رجعو للبيت واتصلت علي وقالت لي تعالي ولما علمني اخوي بالسالفه لاحظت انه فعلا مثل ماقال ماتذكر الا الشي السئ له ومستحيل تقول عن نفسها كلمه ماهي كويسه وانها قالت له كلام مو كويس و ماتذكر الامور الطيبه اللي يسويها لها اخوي طول عمره من تزوجها ونا لما سألتها قلت لها طيب وش السبب عشان يقولك ماراح يجيب لك الاغراض اللي تبغيها لضيوفك ... قالت بس لانه يبغا يفشلني قدامهم ويطلعني صغيره ونا لما اروح لهم مايبقى شي مايحطونه انا بصراحه ماتوقعت ان اخوي يسوي كذا لاني اعرفه مايرضى ان احد يطلع افضل منه ومن اهل بيته... فأنا قلت لها خلاص انا هالحين اتصل عليه واقوله يجيب لك اللي تبغينه فلما كلمته حلف بالله انه السالفه كلها كانت بخصوص تغطية عيونها كانت ولو انها منفذه له طلبه كان جاب لها اللي تبغاه بس لانها طولت لسانها عليه هذا اللي خلاه يرجعها للبيت وحلف مايجيب لها شي ... بس مع كذا قال انا اعطي عيالها فلوس ويروحون يجيبون لها اللي تبغاه وجلس يقولي عن اللي سوته فيه وكيف انها ماتحترمه بكلامها وان اسلوبها معاه كأنه مجرد بس رجال متزوجته عشان يصرف عليها ويجيب لها وحتى الاحترام ماتحترمه وهذا الواقع بصراحه واللي حتى احنا نشوفه بعيونا المهم فلما كلمتها قلت لها ليه تقولين له هالكلام لانه هو قالي عادي قولي لها ان اخوي علمني باللي قلتيه عليه وفعلا هذا اللي حصل وقلت لها اني تفاجئت بكلامك عليه بهالطريقه يعني مو معقول ان درجة الاحترام بينكم تكون مفقوده لهدرجه فاسوت نفسها تضحك وقالت انتي تصدقين اني اسوي كذا هذا بس كلام ومزح لانه فور لي دمي ولا انا مجنونه اسوي فيه كذا .. وطبعا هي حسيت انها انقهرت ليه جا وقالي هي بخاطرها انا دائما ابغي ابين لهم اني انا الافضل والاطيب وان ولدهم هو الردي بتصرفاته معاي فاسوت نفسها انها ماكانت تقصد هالكلام ... المهم فاتصلت لخوي وقلت له خلاص انسى اللي صار ولا تجلس الان تحاسبها على اشياء انت اللي عطيتها المجال انها تسويها وتلبس كذا وبعدها تجي تقول الان لا تسوينها ولا تلبسين كذا مثل ماعودتها انك تخليها تسويها عودها بالتدريج انها تتركها وماتسويها .. وخليها ساعتها تحترمك وتنفذ كلامك في حدود الواجب والمعقول لان مو معقوله بتجيها بالفرض وتبغاها ترضى وانت اللي كنت مدلعها ومدللها ومخليها فوق الكل ومعتبر ان الكل ولاشي والان فجئه تبي تجي تغيرها فقالي والله انها وحده ماتستحي وخلتني احس انها ماخذتني عشان اصرف عليها وعلى اهلها وكل شوي ماطلبت مني فلوس عشان ترسلها لأهلها قلت له انا طيب انت اللي كنت راضي كيف الان تجي فجئه وتقولها لأ فقالي والله هذي انا بيجي يوم واطلقها ولاتهمني هي وعيالها فقلت له انا انت رجال وتقدر تسوي كل شي تبغاه بس فكر مين بربي لك عيالك احنا مانقدر عليهم وامي حرمه كبيره ربتنا والله يجزاها خير تبيها الان بعد ترجع تربي عيال من جديد فقالي خلاص اجل تاخذهم ولا تهمني لاهي ولا عيالها قلت له انت الان تقول كذا بس لما يروحون عيالك وش راح تسوي انت اللي بتحس بفراغهم فقالي لا .. ولاراح يهموني قلت له عموما انا مالي دخل بينكم وسوي اللي تشوفه مناسب لك وانتهى الموضوع معاه على هالكلمتين ... فارحت اعلم اخوي بالسالفه اللي قلتها لكم فقالي انتي تروحين تشجعينه على انه يطلق زوجته قلت له اناااااا ... ونا متى شجعته على طلاق زوجته قالي شوفي وش قلتي له قلتي له سوي المناسب لك يعني اذا تبي تطلقها طلقها قلت لخوي هذا اسمع انا ما اشجع لافي زواج ولاطلاق لان لو فيه تشجيع على زواج كنت تزوجت من زمان وارتحت منكم ونا اقوله هالكلمه مسوي نفسه مايسمعني وبعدين قلت له وبنفس الوقت ما اشجع على طلاق لاني مو خرابة بيوت انا لاني اعرف الله زين وفوق هذا محد بيبتلي بالعيال الا انا وبرجع لزمن التربيه المتواصل ونا هالشي مابيه لالنفسي ولا لهم لانهم صغار ومحتاجين للعيشه مع امهم وابوهم بدل مايتشتتون وبعدها بجد انقهرت وصرت ابكي من كل قلبي لانه خلاني اني جالسه احرض اخوي على تطليق زوجته ونا الله الشاهد علي ولا عمري افكر اسوي مثل هالحركات لان الشي اللي ما ارضاه على نفسي ومارضاه على غيري حتى لو اني عارفه ومتأكده من خطأ زوجته عليه وعدم احترامها له رغم ان كل طلباتها يلبيها على اكمل وجه بس لو يجي يوم مايسوي لها الشي اللي تبغيه صار ماسوى لها شي طول عمره وهذا الشي مايعنيني ولا لي دخل فيه بس الله العالم اني مره رحت ونصحتها عشانها وعشان اني مابي عيالهم يتشتتون بعيد عنها او عن ابوهم ولا والله في حياتي فكرت اني افرق مابين اثنين الله العالم بهالشي رغم انه تحصلي معاها مواقف احس فيها بالاهانه منها مع كذا اما اني ارد عليها بأسلوب لبق واحرجها او مرات اقول ماله داعي ارد لاني عارفه البيئه اللي جات منها بس خلاص صارت هالاشياء الان جزء منها وهذا طبع فيها ... وفيه حاجات تكونت عندها مثل الغرور والتكبر والتعالي علينا وعلى الغير من اخوي نفسه لانه هو كذا في نظراته للناس مع كذا اسكت واقول عديها بس والله مافي حياتي حاولت اضر أحد بأي طريقه كانت والله الشاهد علي .. وفي الاخير سامحوني لاني طولت عليكم بس حبيت ارتاح واقول كل اللي بخاطري (u)