يابنات أبيكم بسالفة

اهلا اخت همسه....
انا مب نتزوجه و ما عندي خبره...بس باعطيج راي و يمكن صح و يمكن غلط...

اذا زعلج زوجج...مب تزعلين كنه و تلبسينه و ما تعطينه سالفه....حاولي تيلسين معاه ....تتكلمين معاه...تفهمين انج زعلت و انج كتضايجه من تصرفه...وتقوليله انج ما بتحطين في خاطرج منه ..بالعكس بتسامحينه...لانج ما تقدرين تمين زعلانه منه و حبج له اكبر من اي شي ثاني


شو رايكم كلامي صح:o

بصراحة سؤالك حلو

وراح اجوبك بحكم الخبرة ;)

اذا زعلك البس وتكشخي واعملي له احلى اكله يحبها

اكيد بيكون متضجر من العمل او من نواحي اخرى

اجلسي وناقشيه وحسسيه انك امه واخته وزوجته :D

واشرحي له ان ها الاشياء تأثر على البيت وعلى الاطفال

اذا كان عندك اطفال وشوفي النتيجة :cool:

اهو يزعلني واروح انااااا اراضيه لابعد واعمله الاكل الي يحبه ليه ليه
انا صراحه ما اطنشه ولا اهتم فيه زياده اخلي الامور طبيعيه الا بعد ما يجي يراضيني طبعا الامور تختلف
واذا كل مره زعلني ورحت انا اهتم فيه راح يصير زعلي با النسبه له طبيعي راح يقول مصيرها بتزعل وبترضى

هههههههههه........ معاتج حق يا فاتن.....
شوفي حبيبتى.....
اذا زعلتج الغالي.....حسسيه انتج زعلانه منه بس مو انتج اطنشينه
:mad:
لالالالالالا.....ادلعي عليه( طبعا مايحاتج اقول انتى وشطارتج) وقوليله مثلا لا تكلمنى اليوم انا مخاصمتك...لانى زعلانه منك..او مثلا قوليله انت ما تحبنى.. كل مره تزعلنى فيها.........وبعدين بيسالتج عن السبب وبيراضيتج ان شاء الله.....
بس ياخوفي انه يطنشك.....ههههههههههههههه ويقولك ابركها من ساعه...:p :( :p :confused:

بناااااات أقولك شيء اول مرة أصير عاقلة ;)

المهم جاء زوجي من رحلة عمل قصيرة فجئة ........

وبعدين .....زعلني والله هو اللي مزعلني .

رحت لغرفتي .......:confused: :confused: :confused:

وبعد ماهديت .......جتني فكرة حلوة.

قمت و رحت الحمام((أعزكم الله)) وزودت الشموع اللي فيه و فواحات

وزعتها في أماكن مختلفة ......و قمت بملئى البانيو بالماء الدافىء

والأملاح ورغوة ..........وطلع الحمام ((;) ))

وبس ..........ورحت كني ماااااسويت شيء

قلت راح أناقشة بعدين.........

وش رأيكم ..........والله أول مرة أتصرف بعقل وحكمة!!!!!!!

أختكم:همووسة

المهم بعدين وش صار
اقول لالالالالالالاتغيرين السالفه ............. انا لازم اعرف

وبعدين شووووو صار ياهمسه.........خبرينا...........
ههههههههههههه اكيد طنش.....خلاص فهمنا السالفه :p :p :p

تدرون يابنات ........اني أحرجتة مرة مرة .

ومااااقال شيء .........أختكم إستغلت الفرصة وطلعت إلى في خاطرها

ومااااارد على .........لأنه عارف الحق لي ;)

وأنه غلاطان ...........بس تعرفون رجالنا مايعترفون بأخطائهم .

وهذي كل السالفة ........وهذي كل السالفة :)

بناااااات عطونا أفكار حلوة ورومنسية .........نحرجهم فيها .

أختك:همووسة

من خلال معرفتي....ترى الرجل مثل الطفل.. وأهم شيء ان الزوجة ما تستخدم أسلوب العناد أو الانتقام حتى تزعله..ومثل ما قالوا الاخوات بالمعاملة الحسنة راح تكبر زوجته في عيونه ويعزها أكثر ....

ايوه ياعم ايوه ياهمسه ........والله وطلعتى همسه بجد :p اثاريتج خطيره.......بس تدرين حلوه الحركه اللى سويتها.....
صح انى انا بعدنى مو متزوجه....بس اسالكم اختى وسالها شو تسوي من حركاااااااات واخبركم :p :p :p

حلوه منك يا همسه (y) ...حلوه هذي الطريقه احرجتيه :o


بس اذا كان هو غلطان و زعلني و .بصراحه انا مستحيل اكون طبيعيه وياه ....لازم اتكلم معاه من غير نفس و احسسه اني زعلانه و ان هذا الشي ضايقني ..

:(

(u)

بصراحة يا بنات انا لما يزعلني زوجي....ما احب اعاتبة...وانا من النوع اللي لما اكون متضايقة ما احب اتكلم...و لا احب حد يكلمني.....


صارت مرة....
كتبت له رساله.....بس كلها لؤم.....ماشالله علي؟؟؟
عاتبته فيها.....بديت بالمسكنه....ليش و ليش...وخليت روحي مسكييييينة...وبعدين كتبت..انا ما استاهل...انا اللي ....و تميت عاد اتغزل و اوصف حبي و تضحياتي....;) مع انه و الله لو فكر فيها بيحس اني مفتريه؟؟؟؟

المهم....الرساله كانت قصييييرة....بس الكلام اللي فيها كان معبر و اييد....و عفوي.....

اخر شي ختمتها.....
انا احب على قد ما اعطي ....اخذ....

وهذي هي الحياة

وش رايكم في لؤم اختكم؟؟؟؟؟؟:eek:

حلوه هذي العباره
بس تدرين بيصير ok لمده اسبوع او اسبوعين وبعدين ترجع الامور مثل قبل

من ناحيتي انا يااخواتي



فانا ..... واعوذ بالله من كلمة انا



ما احب اعاتب احد ولا اشي في خاطري من احد



فكيف اشيل في خاطري من الانسان اللي عايشة معاه على الحلوة والمرة واللي بكون وياه لين آخر عمري و24 ساعة مجابلني


واحاول اني ما ازعله عشان هو بعد ما يزعلني وان حصل احاول الطف الجو باي طريقة



وان شاء الله اكون افدتكم بشي

يا لورا يا حبيبتي العتاب بين الزوجين يعطي طعم للحياه الزوجيه
هذي اسمها بهارات الحياه الزوجيه ........ انتي شوفي الاكل بدون بهارات شلون يصير طعمه ......... الحياه الزوجيه نفس الشي

ما تصدقين انا قبل يومين مليت وفخت من الروتين اليومي رحت زعلت زوجي ...... طبعا متعمده بس تدرين شنو استانست ...... الواحد على الاقل يحس بطعم مختلف

اوكي انا معاكم يابنات ..بس نصيحه خذوها منى وصدقونى ما بتندمون....لا تحسسون ابو لعيال انتج ميته فيه وعاشقته موت وانتج ماتعيشين بدونه(يعنى تكبرين راسه)....طبعا انا مو قصدي انتج تخفين مشاعرتج ناحيته لالالا........
انا قصدي انتج تبادلينه نفس الشعور بس بحدود .....لانه صدقينى بيتكبر عليتج في يوم من الايام وبيقولتج انا ادري انتج من دونى ولاشي ولا تقدرين تعيشين بدونى وانتى قلتى هالكلام بنفستج........فنصيحه خذوها منى...........

انا معاج يا اخت فاتن


بس بطريقة معقولة



وانا ما يهون على اني ازعله او اشوفه متكدر


هاي كل السالفة

يا اخواتي الزوج ما تقدرن تزعلنه لانك دوم بتحسين انك مقصرة فيه لو حتى هو اللي غلطان وبعدين هم ما يعترفوا بأخطاؤهم ولا يعتذرون... انا يوم اكون زعلانه منه احاول ما ابين شيء بس اكيد يبين في تعاملي انه في شي في خاطري... وبعدين انا زي همسه اسويله حركة تخليه يتلوم ويجي لي ندمان صح ما يقول انه غلطان بس يبدى يقول انا مثلا تأخرت عليك وتبدأ معاملته تكون رقيقة ولطيفة... لو عاندت وبينت زعلي ما بيعبرني وبينام دون ما يكلمني وهذا ما يرضيني

مرحبا خواتى ........

مشاء الله عليكم ردودكم حلوة .....

بس أحب أخبركم بأن الزعل ملح الحياة الزوجية ........

أما عن نفسى أتصرف طبيعي ولا كأنه فى أى شيء حتى لأ أكدر مزاجة لأنه يعالم وش يكون مزاجة وأروح أنا أكمل الناقص ما يصير

ويعتمد على حجم المشكلة أو الزعل إليي صاير إذا كبير المفروض بعد فترة فى جلسة صفا بينى وبينة لازم أخبرة وأقلة ترانى ذيك اليوم أخذت على خاطرى منك يو صار كذا وكذا وأتناقش معاة بكل هدوء ومحبة حتى هو بنفسة بيعترف بالخطأ ويتأسف وسا عتها برد علية خلاص أنا نسيت الموضوع بس حبيت أوضح لك الموضوع وإلا عادى أنت زوجى وأكيد ما قصدت تزعلنى بهذى الحركة هو بيفهم أنى موب غلطانه وبعد أحط الخطاً عليا وأكيد بيقدرنى بأنى محترمه كدورة زوجى وما أرضالة بأن يتأسف لأى أحد ... وإذا كان الموضوع عادى خلاص ما فى داعى للعتاب والشكوى كثرها موب زين تتم الوحدة أنت قال أنت سويت الوحدة لازم تتحمل ..

أتمنى أن يكون تعبيرى واضح