شلون انزف للصالة بدون عبايه؟

السلام عليكم

هلا اختي ازهار

صراحة انا مو متزوجة ... لكن بقولج عن اختي اللي تزوجت

صراحة كان موضوعها سهل لانها نزلت من غرفتها لصالة الفندق في طريج الحمدلله كان محد يمر منه من العاملين في الفندق ولا حتى زباين الفندق ..يعني كان الموضوع مهيئ .. ونزلت بدون ما تلبس عباية :up:
ومثل ما قلت لج محد غريب شافها ابدا :shy:


بس أقدر انصحج بفكرة احسن من العباية.....على حسب ما سمعت انه مع فستان الفرح يجي معاه طرحة ثانية غير الطرحة الاصلية الخفيفة اللي تلبسها العروس......في طرحة ثانية سميكة وما تبين اي شي من جسم العروس تقريبا من نفس قماشة الفستان او من شي قريب منه وتغطي العروس من فوق لحد تقريبا الفخوذ وهي لابسة الفستان طبعا .... وتكون سهلة وما تخرب التسريحة ابدا ..ولما توصلين القاعة تشلحين الطرحة هاي وتدخلين عادي بسلام :shy:
وخاصة انها ممتازة لما يدخل العريس ومعاه مثلا احد من اهله اخوانه مثلا يدخلونه يزفونه ..فتلبسين هالطرحة عشان ما يشوفج اخوان المعرس ..وتعرفين العروس تكون متعدلة ومتكشخة ويمكن فستانها يكون عاري شوي ..فحرام يشوفونها اخوان المعرس...لو لا سمح الله دخلوا معاه
....فتلبسينها اول ما يدخل المعرس واخوانه..ولما يطلعون تشيلينها

..وهالطرحة تطلبينها من المحل اللي اخذتي منه الفستان :cool2:



وان شاءالله الاخوات يفيدونج اكثر :cool2:

نفس كلام اختي الانثى...في رداء يسويه لك نفس المشغل . يوضع على راسك لحد رجولك يعني طويل وساتر ..هذا كل العرايس يلبسونه لما يكونوا برا الصاله ...وخامته ثقيله تعرفين رداء ليلى والذيب الاحمر؟ نفسه :D2

ايييييييه صح كلام الاخوات صح

حتى انا بعرس ولد خالتى سويته من لون ثوبي لمن دخل المعرس لبسته علشان مااخرب الشك الى في الفستان لانه تدرون العبايه تكون ضيقه اذا كان الفستان نافش فسويته نفس ردا ليلى والذين ولبسته من لون الفستان وكل عرس اخيط واحد من لون الفستان


تحياتى النونه

السلام عليكم ورحمة الله وبركاته

مشكورين حبيباتي على ردودكم مع اني احس رداء ثاني بيكون حوسه لي و لا عندي وقت اصلا اخيط لي ثاني لان عرسي بعد 3 اسابيع مافيه افكار ثانيه

السلام عليكم ورحمة الله وبركاته
احنا عندنا عاده نلبس مثل العبايه بس لونها اخضر مثل اليى نلبسها فى الصلاه وتكون ساتره وحلوه فى نفس الوقت .ومااظن انها تخرب التسريحه او اتبهدل الفستان,وان شاء الله تعجبكِ افكارنا





ام النور

أنا مع الانثى ....

لاني سويت نفس الحركة يوم زواجي


تحياتي(u)

اختي ازهار يمديك العرس بعد 3 اسابيع!! بعدين الرداء ساااده ما عليه شك ولاشي..ماراح ياخذ وقت بالتفصال و ماعندك حل غيره.لا تبردين روحي بسرعه وسويه عشان ماتوهقين

:shy::shy::shy:

مرحبا اختي

تقدرين اتسوين من قماش ابيض عبايه..

نفس عباية ليلى و الذيب :D2
ان شاء الله فهمتي قصدي..

هاذي اللي مثل الشال و تتسكر من عن الصدر ..


و ما راح اتعبج لانها مرتبه

انا رايي تسوين لك عبايه بيضه افضل ولسه في وقت