بنات ابي خبرة اللى راحت ماليزيا

رغوده 09-06-2004 2 رد 1,305 مشاهدة
ر
السلام عليكم ورحمة الله وبركاته

تكفون يابنات مادري ليه متخوفه لانه الظاهر اول مره اسافر من غير قروب

سياحي يعني هالمره باعتمد عليكم ابيكم تقولون لي شنو احسن الفنادق

والاماكن الحلوه حتى اماكن الاطفال والملاهي

والاسواق ...........

كمان يقولون انها رخيصه هل الرخص يتواجد في المجمعات الكبيره

ولا لهم اسواق اخرى ..(تكفون من شان الهدايا).........

واللغه الرسميه...هل ينفع الانجليزي .والابعد نتوهق.......

تكفون لاتخيبون ظني فيكم........
ر
السلام عليكم ورحمة الله وبركاته
انا من سنتين رحت لها بس في ثلاث مناطق فيها :
اول منطقه جزيرة بيننغ جزيره وايد حلوه ونزلنا في فندق شنغريلا وايد راقي الفندق وهو بجانب السوق الليلي كنت اروح في الليل نتمشى من الفندق للسوق يفتح في الليل وكل مطاعم بجانبه وفيه اشياء رخيصة وايد
وبعد انتي تطلبين تاكسي من الفندق وتتعاقدين معاه باليوم يعني اذا وداكم مكان ممكن ياخذ في اليوم 30 الي اكثر حسب كل تاكسي وفي امكن فيها مثل جزيرة للتزلج وحديقة الفراشات والطيور والقرود واهم مكان فيها حديقة الفواكه وانتي اخذي كتيبات السياحة من الفندق وطلبي وين تبين تروحين.
والمنطقه الثانيه كولامبور العاصمة فيها نفس الاماكن مثل حديقة الفرشات والطيور ...متكررة الاماكن والاسواق ارقى فيها مثل البرجين التوام كنت اروح له مشي من فندقنا اسمه بارك هوتيل انصحج تشوفين الكتيبات
والمنطقه الثالثة هي جنتنغ نحن نزلنا في هوتيل بس اشوف انه ماله داعي لان ممكن تروحين للمنطقه بسيارة من كولامبور وفيها الملاهي وتتاكدين اذا كانت مفتوحه الملاهي لان قعدنا ثلاث ايام فيها بس الملاهي مسكره وطبعا ما فيها سوق بس الملاهي وحواليها فندق كبير والغيوم تشوفينا لانها منطقة مرتفعة .
وبالنسبه للغة يكفي الانجليزي لانها بلد سياحي
انصحج ما تفكرين في منطقه لنجاوي لانها جزيره حارة واكثر ما فيها الغوص يعني شبابيه اكثر واتمنى اني اكون افدتج وشوفي الانترنيت عن ماليزيا
ر
مشكوره الف شكر يارنيم الامارات

بصراحه انك افدتيني كثير.........

والاماكن اللي دلتيني عليها كلها كنت في حاجتها واسماء المدن والفنادق

وانتظر خبرة باقي الاخوات.........
X