شي انا ملاحظته - منتديات عروس

ن

نجمة الفجر

عروس رائعة

05-06-2004 | 10:48 PM

السلام على من اتبع الهدى

خواتي اخواني كيفكم؟

انا بقلبي كلام ودي اقوله وملاحظته على الناس

ما اقول كل الناس الا الاغلب يتحلون بهالشي

ليش الناس دايما تتذكر المساوئ مهما قلت؟
وتنسى المحاسن مهما كثرت؟
بما معناه انه الانسان لما يعمل دايما خير، الناس ما تتذكر هالشي

بس يغلط يعمل سيئة وحدة ويمكن تكون غصبا عنه

ويكون عندها(غلطة الشاطر بالف)

الناس بتتذكر السيئة هذي وتنسى الاشياء الزينة اللي سواها

انا طرحت هالموضوع لانه ينطبق على الحياة الزوجية كثير

تلاقي الزوج كريم مع زوجته ودايما يلبي طلبات البيت وما منه قصور

بس مثلا يعصب لسبب ما

هنا خلاص يصير هالزوج سيئ والزوجة تندم على زواجها منه
او العكس..بمجرد تقصير بسيط من الزوجة تصير في نظر الزوج زوجةسيئة
ويندم على اختياره!

اللي احب اوصله انه كل واحد منا لو تذكر الاشياء الزينة اللي عملها هالشخص
مقابل لحظة سيئة منه كل شي راح يهون

وبكذاالعلاقات الاجتماعية راح يكون وضعها افضل بكثير لانه هالكلام ينطبق على جميع انواع العلاقات الاجتماعية
سواء بالمدرسة او بين الجيران او العمل او حتى بين اهل البيت نفسهم

وتقبلوا مني ارق واجمل سلام:smile::smile:

ش

شوكولاتة

مشرفة سابقة

05-06-2004 | 10:55 PM

صحيح عزيزتي ...

أنا معاك في هالشي ...

ومو بس الزوجة ضد زوجها او الزوج ضد زوجته ... هذا ينطبق في جميع علاقاتنا ..

بإختصار ..

مساحة السماح عندنا صغيرة جدا

تحياتي لك

ن

نجمة الفجر

عروس رائعة

05-06-2004 | 11:23 PM

هلاعزيزتي شوكولاته

نورتي والله

كلامك صحيح وانا ذكرت بالموضوع..انه حتى بين الجيران

وبين اهل البيت نفسهم

اشكر طلتك عيزيزتي:smile:

ع

عهد

عروس مشاركة

05-06-2004 | 11:40 PM

ابصراحه في هالشي صدقتي .. مب بس في العلاقات الزوجيه ...

حتى في عالاقاتنا مع الناس ...

بالنسبة لي مع أعز صديقاتي ...

دايم اسويلها الخير لكن ما تذكر .. ومن سويت شي ما يعيبهاااا .. سيده تذكر كل عيوبي ... ولا جد سامحتني .... :down:

ن

نجمة الفجر

عروس رائعة

05-06-2004 | 11:55 PM

عهد..هلا حبيبتي

يالله..يقولك:التسامح من شيم الكرام

اعذريني على الكلمة:smile:

اشكر مرورك عزيزتي

&

ღ رآقيهـ ღ‏

مشرفة سابقة

06-06-2004 | 10:06 AM

السلام عليكم ورحمة الله وبركاته

اختي الكريمة نجمة الفجر

فعلا كلامك صحيح

للاسف ننسى كل الايام الحلوة ولو كانت لسنين لغلط صار بدقائق

ليش التسامح هو ابعد شي ممكن نفكر فيه....... مع انه خيرهما هو من يبدا بالسلام

اتمنى انا نعتبر من الكلام الي ذكرتيه

وانا ننتبه انا ما نفرح الشيطان ببعدنا عن بعضنا البعض

تسلمي حبيبتي على مشاركتك الرائعة وأتمنى انك ما تحرمينا من مشاركاتك القادمة

^ * ^

تحياتي للجميع

اختكم

malaak

*&* اللهم صلي وسلم على سيدنا محمد وآل سيدنا محمد انك حميدا مجيد *&*

طريقة تحميم البيبي .... وبالصور

للاسف ما هو أفضع من سجن أبو غريب

ح

حلم المستقبل

عروس متألقة

06-06-2004 | 11:07 AM

كلامكم كله مع الأسف صح 100% صح إن الكلمة القاسية تجرح بس المفروض إنها ما تكون راسخة في مخنا على طول ونخليها حاجز بينا وبين الناس اللي حوالينا ونحاول نتذكر إن مثل ما هو في يوم من الأيام غلط غلطة إحنا بعد مو معصومين من الغلط .. ولازم نعفو ونسامح والله سبحانه وتعالى امرنا بالعفو والسماح عند المقدرة ..

شكراً لك اختي على طرح الموضوع .. تحياتي لك .

ن

نجمة الفجر

عروس رائعة

06-06-2004 | 11:31 AM

هلا عزيزيت ملاك شاركة لك طلتك الحلوة على موضوعي

انا سعيدة بهالتفاعل:smile:

اكيد عزيزتي الشيطان يفرح لما يشوف انه بني ادم يتخاصموا

مثل ماحرض ابناء ادم قابيل وهابيل
وانتهى الامر بذبح احدهم للاخر:down:

وساعتها ما نفع الندم

اشكر تفاعلك مرة اخرى:smile:

ن

نجمة الفجر

عروس رائعة

06-06-2004 | 11:36 AM

الله الله اختي حلم المستقبل

درر ماشاءالله

بالفعل احنا ما معصومين من الخطأ

مثل ما هالانسان الخيّر غلط بيوم احنا بعد ممكن نغلط وما نلقى احد يسامحنا

اهم شي صفوا القلووووووب (u)

اشكر طلتك عزيزتي الله لا يحرمنا منها:smile:

ن

نسمة الحياة

مشرفة سابقة

06-06-2004 | 11:37 AM

نجمة الفجر:

كلامك صح 100% ... للاسف

وماعندي تعليق أكثر من هذا :pain::pain::pain:

ن

نجمة الفجر

عروس رائعة

06-06-2004 | 11:43 AM

هلا اختي omboz

اشكر طلتك الحلوة:smile:

ح

حلم المستقبل

عروس متألقة

06-06-2004 | 01:29 PM

أشكرك جداً نجمة فجر وأفكارك ومواضيعك هي الدرر

تسلمين لي حبيبتي.

أ

أم أنوار

مشرفة سابقة

07-06-2004 | 07:51 AM

صدقتي والله أختي فجر أنا معاك بهذا الشي وياما ويام مواقف صادفتني بينت هذي الحقيقة.

عسى الله يصلح من شأننا ويبعد عنا الخلاف وسوء الظن

ن

نجمة الفجر

عروس رائعة

07-06-2004 | 10:07 PM

مشكورة اختي ام انوار على طيب مرورك

وكان الله في عون الجميع:smile::smile: