بنات قطر بليييييز

اشدعوه ولاحد رد علي ....ماهقيتها منكم يالنات بلادي:cry:

هلا وغلا شهد

بصراحه أنا ماجربت للحين أفصل لأني ما أعرف محل معين ..

بس بقولك أفكاري وإذا طبقتيها أو لقيتي محل يفصلك قولي لي تكفين ..

أولاً : ممكن إنك تشترين الخامات المشجره من محلات الستاير ...

أما إذا كنتي تبيه ستان أو قطن ساده .. فممكن تلقين القطع في سوق العسيري فوق بالهبل خصوصا اللي وراى كلش ..أسعارهم زينه ورخيصه ..

وإذا كنتي بتضيفين له قطع مشكوكه عندج مركز دانا وحرير بومباي عندهم قطع أوقنزا شي مطرز وشي تطريز مع شك خفيف .. لكن روعه ..
انا بصراحه خذيت لي منهم حق مفرش طاوله حق رباي بس ما لقيت خياط مضمون أخيطه عنده <--------داشه عرض ..ماعلينا بنكمل ..

وعندج الدانتيلات والورود والشيفون في الرونق ...

هذي الخامات ..

أما الموديل .. فياترسمين لك انتي موديل أو تختارين لك من مجلات أو من النت ..

بس يبقا الخياطين ... ممكن تجربين الحريم اللي قالوا عنهم البنات واللي خاطري أعرف رقم وحده منهم <------- :confused: ساعدوني :confused:

وفيه فكره ثانيه أسهل إنك تشترين لك مفرش جاهز مع التلبيسه مالته ..
وتسوين عليه إضافات من عندك لوكان بيج تدخلين عليه الشيفون والدانتيل أو حتى الورود الصغار وانتي وابداعاتك ..
وهذي ميزته إن حتى الخياط العادي يقدر يسويه لج ...


هذا اللي عندي .. واتمنى أكون فدتج ولو بشي بسيط ؟؟:o

مشكوووووووورة ياعمري على ردج...بجرب وأقول لج النتيجة....المشكلة اني أبي أفصل ملاحف لغرف اليهال يعني أشياء طفولية وتكون متناسقة مع ديكور الغرفة وألوانها ...بحاول آخذ سادة وأدخل تشكيلات فيه بخامات ملونة ....مشكورة مرة ثانية حبيبتي