آآآه والله تعبت ياخواتي.........شعر طاح؟؟

مشكورات خواتي على الردود:confused:

:pain:

أنا مثلج بعد من كم يوم شعري يطيح بشكل فظيع مب عارفه شو اسوي

:down::down:

تحياتي
بنت ديره
:smile:

:pain: :pain:

ما عندي اي فكره ان شاء الله الخوات مابقصرن معاج

انا مثلكم ولكن اتكالي على الله وعدم الياس من رحمة الله انشا الله بتجيب نتيجه وانا حاسه بهذا لكن ماراح اقول بتجربتي الا بعد مااتاكد من هذا النتيجه ليكون ضميري مرتاح وانتظروني بعدشهر اوشهرين وسامحوني

:smile: سلالالالالالالالالالالام للجميع
بقولكم تجربتي كان شعري يتساقط بشكل غير طبيعي :confused:
نصحتني وحده من صديقاتي بزيت دابر (زيت زيتون للشعر )
صراحه مررررررره روعه انصحكم فيه يغذي الشعر ويمنع
تساقطه هو بخلاصه الصبار وازيت اللوز اتمنى ان تلقين
الفايدة منه :o
[/SIZE]

اهلين حبيبتي انا اخذت وصفه من المنتدى عباره عن زيت العافيه مع الحلبه بصراحه رهيب وانا انصحك فيه:smile:وانا انصحك انك تاخذين ثوم وتفركين بها فروة راسك بس الله يعينك على الريحه:pain:بس استحملي علشان شعرك:smile:

يمكن انت مسويه رجيم قبل والحين بانت نتيجته او حالتج النفسيه ترا كله له اثر على الشعر والله يكون في عونج :shy:

زيت الجرجير واايد زين وبعد زين الخروع .... :up:


في خلطة يسونها بنات عمي يقولون عنها بيرفيكت ... انا ماجربتها لين الحين متعايزة ... بس هم يقولون كل ما نصلع :D2ونستخدمها يرد الشعر مره ثانيه ...


والخلطة .. تيبين كم حبة ثوم وتنقعينهم بزيت عافية او اي زيت للشعر وتخلينه يومين بعدين استخدميه ... وإن شاء الله يفيدكم



تحياااتي


تيمـــــــــا

جزاكن الله خير خواتي.......

بس انا الحمدلله صحتي زينه وما سويت رجيم لكن ما ادري يالغاليات ليش

شعري يطيح .....بس املي بالله كبير واتمنى اني القى العلاج المناسب

بإذن الله:o

السلام عليكم

انا نفس الحالة للأسف

ابي اي خلطة تفيدني

و بالنسسبة للخلطات اللي فيها الثوم او الحلبة

كيف ممكن نزيل الريحة

و كم المدة اللي تتم فيها بالشعر

اتمنى تفيدوني

و حياكم الله:shy:

السلام عليكم ورحمة الله وبركاته:

اختي شوق الوله احيانا حبيتي كثرة الضغوط النفسيه ومشاكل الحياه

تؤثر على الشعر فمهما حاول الانسان من علاج مايجيب فايده ابحثي

عن سبب المشكله الحقيقيه لديك وعالجيها بالهدوء النفسي والذكر

حاولي انك تبعدي عن اي شئ يجيب القلق والتوتر لانه سبب رئيسي

في تساقط الشعر.

لاني مثلك تماما انا عصبيه كتير وقلوقه وكثيرا مااعصابي تتوتر

فيؤثر ذالك على شعري .

ياخد وقته ان شاء الله وكل شئ يرجع لطبيعته

اقرأي على ماء زمزم ايات القرأن للشفاء واغسلي شعرك واعتمدي

على الله وثقي تما بالله عزوجل بأنه سوف يعيد لك شعرك

ولا تحاولي تمسكي شعرك بيدك وانتي بتفكري او انك تسحبيه

بأصابيعك انسيه تماما وتوكلي على الله . واستعملي امبولات

انتربيول لتساقط الشعر من الصيدليه يوم بعد يوم لمدة 3 اشهر

سعرها 115 ريال سعودي وان شاء الله تجيب معاكي فايده

وان شاء الله نسمع عنك كل خير.

اختك/ سلسبيلا

يعطيك العافية اخت سلسبيل على النصيحة الغالية

و بالفعل الحاله النفسية و العادات الغذائية هى اكثر شى بيأثر على نمو و شكل الشعر

انا كنت اعانى من نفس الشى بشعرى و كمان كان شكله باهت من كثر استخدام السشوار

بس الحين صرت اجرب اغلب الوصفات الى موجودة بالمنتدى و الله يعطى كل البنات العافية الحقيقة ماقصروا بتجاربهم و وصفاتهم المفيده

الحال تعدل و شعرى صار احسن كثير الحمدلله

جربى خلطة الزيوت( انا سويت خلطة زيت خس ، جرجير ، بقدونس ، الحبة السودا ، ثوم ، بصل ، سمسم ، لوز ، المينك ، جنين القمح ، صبار ، خروع ، لوز ، قرنفل ، زيتون و خلطت كل الزيوت هادى على بعضها و استخدمها مع ملعقتين حمام كريم اي نوع ( بناويل ، قولديز اى شى تفضليه )و ضعيه على شعرك بعد غسله لمدة نصف ساعة مرتين بالاسبوع و بتحصلى نتيجة كويسه انا جربتها و الحمدلله شعرى صار افضل

و كمان خلطة من ( زبادى ، عسل نحل ، ثوم مهروس مررة ، زيت شعر ، صفار بيض للشعر الجاف ( البياض للشعر الدهنى ) ، ملعقة مايونيز ، ملعقة قرنفل مطحون )
هادى الخلطة انا اسويها مرة بالاسبوع و نتيجتها مرة كويسة و يبان اثارها بسرعة بس لما تستخدميها لازم توحدى اليوم اللى تحطيها فيه يعنى كل سبت مثلا
( طبعا الكمية حسب طول شعرك يعنى انا شعرى قصير اخد ملعقة من كل شى و بيضه واحدة )

المشكلة بس تكون فى الريحة اغسلى شعرك بشامبو و بلسم له رائحه حلوة و ضعى بعد الغسيل كريم للشعر متل قولديز او اى نوع له ريحة عطرة و بتروح انشالله الريحة و تبخرى

و بعدين صراحة كله يهون فى سبيل يكون الشعر حلو و لا يتساقط

المهم خلال فترة المعالجة لا تستخدمى السشوار ابدا

و انصحك لما تضعى الخلطات تغطيها بنايلون ثم بقماش و كل شوية تسخنى بالسشوار عليها و تدلكى الشعر من فوق الربطة

لا انصحك بطريقة الفوطة الحارة لانها لما تبرد تجيب برد بالراس و صداع

و انا صراحة اخد كل الخلطات و اروح الكوافير اجلس تحت البخار او السشوار نص ساعة و هما يحطوها و يغسلوها بلا وجع قلب

انشالله اكون افدتك
بس هالوصفات مجربتها و شعرى تحسن كثير عقبالك

السلام عليكم ورحمةالله وبركاته

كيفك اليوم حبيبتي ان شاء الله تمام

حبيبتي الله يصبرك على مشلكتك

يا عمري الله لما يحب عبد يبتليه

اصبري على ها الفترة وقولي الله يعوضني بالاحسن ان شاء الله

وان شاء الله يصير شعرك زي ما تحبي

يعني توكلي على الله والله بيعطيك ان شاء الله

حبيبتي انا عندي كمن وصفة وكتبتها لاحد الاخوات قبل فتره وهي أغلبها من المنتدى بس مب مخزنه أصحاب الوصفات من الاخوات فاتمنى انهم ما يزعلون مني

راح أكتبهم لك والي ترتاحي لها وتحسي انها بتفيد شعرك جربيها

زيت ثوم + زيت خروع + زيت جرجير + فاتيكا + + زيت املا العادى + سدر مطحون + زيت عافية

o0o0o0o

تأخذين تقريبا 20 من
نواة التمر وتجففينهم أو تعريضنهم للنار وبعدين تطحينه لما يصير مثل البودر وتخلطينه مع زيت زيتون

وبالنسبة لنواة التمر تعتبر مثل سماد للشعرة

o0oo0o

اخدين كاس حلبة كبير وتطحنيها زين الين ماتصير مرة ناعمة وتاخدي لتر واحد من زيت عافية وتخلطيهم مع بعض وتخليهم لمدة عشرة ايام وبعدين تبتدي تسعمليها مرتين بالاسبوع وتخليها براسك من ثلاث ساعات لاربعة ساعات وغسلي شعرك وشوغي النتيجة كيف بس يبيلك تداومي عليها مو تحطوها اسبو ع او اسبوعين وتوقفي داومي عليها الين ماتوصلي للنتيجة الي تبينها

واذا حسيتي انه شعرك جف من زيت عافية جربي زيت النارجيل (باراشوت)

وانا أستخدمه حاليا وكثير أحس شعري احسن جربيه ويا رب ينفعك


o0o0o0

هذي انصحك فيها تستخدميها بعد ما يخف ها الحر يعني لما يبدا الجو يتعدل لاني اسمعت ان الجرير يكون كثير حار وما ينصحون باستخدامه بفتره الصيف عشان ما يضر الشعر بس اذا كنتي بمطقة باردة والجو فيها معتدل ممكن تستخدمينها

زيت الجرجير وزيت اللوز وزيت الخروع وزيت الزيتون وزيت السمسم وزيت الحبة السودا وزيت جوز الهند الطبيعي

o0ooo0

وهذي الوصفة للاخت الي تسال عن الريحة

لإزالة الروائح الكريهة من الشعر بعد غسل الشعر من الشامبو.. اشطفيه بالخل...... وخصوصا خل التفاح....

o0o0o

وبعد أنصحك انك تغسلي شعرك بالسدر وانا صرت استخدمه بعد ما شفت الكل يمدح فيه والحمد لله كثير ارتحت معاه

وبكتبلك طريقة الاخت روح المحبة
السدر مثل ما قالوا الاخوات مفيد للشعر


بس الطريقة في استعماله هي اللي تعطي نتايج ايجابية او سلبيه

الطريقة الصحيحه هي انك تاخذي مقدار من السدر المطحون جيدا وانصحك انك تشتري من العطار لانه يكون ناعم جدا يسهل غسله

ما يحتاج تنقعيه في الماي بس حطيه في راحة ايدك واخلطيه بشوية ماي وحطيه على فروة الراس وكل حين حطي كمية ليمن تحسي انه شعرك امتلى افركيه زين بالسدر وخليه عشر دقايق تقريبا واشطفيه بالماي واذا حسيتي انه فيه بقايا مشطيه تحت الماي بس لازم تستخدمي بعده حمام زيت لانه يخلي الشعر يصير جاف بس مع حمام الزيت راح تكون النتايج ممتازه ولا تستخدمي الشامبو مع السدر لانه راح يتقصف ويخشن والسدر يقوم مكان الشامبو يعني ماله داعي الشامبو مع السدر


o0o0o0

اتمنى اني أفدتك وان شاء الله تنفعك ها الوصفات يا رب

وبشرينا عن التطورات طيب


لمدة مدة 5 دقائق ثم اشطفيه بالماء...

*^*^*^*

تحياتي للجميع

اختكم

malaak

*^* سيف الطغاة اليوم أشهر حقده وعلى مرابعنا يفل ويهزم *^*

طريقة تحميم الطفل ... وبالصور

للاسف ما هو أفضع من سجن ابو غريب

اشكركن خواتي من كل قلبي ......والله ماقصرتن وياي :clap::clap:

واخص بالشكر.....

عذاب الشوق

اريج القمر

n.riadh

كيفي حلوه

tayma

اشرقت

سلسبيلا

رنوووو

malaak:up:

واسال الله ان يجعله في ميزان اعمالكن يوم القيامه......

السلام عليكم ورحمة الله وبركاته
اذا انتى متزوجه تنويع حبوب الحمل و يمكن تلبسي كاب او من نفس المويه الى تاخذي شاور
:smile:
brave

شوفي حبيتي لازم تستمرين على خلطه وحده
تحملي شهرين ثلاث والنتيجه ماتطلع بسهوله حتى لو استمر الوضع اربع شهور بعد تحملي


اول خطوه : زيت الخروع وزيت اللوز الحلو

ثاني خطوه : اربع فصوص ثوم مقطعه يتم تسخينها بزيت الزيتون ( حطي علبة زيت الزيتون الحجم الصغير او المتوسط كلها بقدر التسخين ) وبعد مرور يوم ونصف اليوم صفي الخليط ورجعي زيت الزيتون لغرشته ( على فكره اربع فصوص من الثوم في غرشه كامله لها مفعول على الشعر والريحه تطلع على طول بعد غسل الشعر ) لانه كميه الزيت كبيره بس المفعول اكيد

ثالث خطوه : خلطه من الزيوت العاديه ( زيت السمسم + جوز الهند + لوز + زيتون ) تخلطينهم مع بعض في غرشه خاصه

لا تغسلين شعرج الا بالاسبوع مرتين وبس
ليلة غسل الشعر ( يعني لو بتغسلينه السبت تكونين حاطه الزيت بليل الجمعه ) تدهنين فروة الراس بزيت الخروع وبزيت اللوز الحلو بس


في صباح اليوم التالي ( اليوم الي بتغسلين شعرج ) ادهني شعرج بخلطة الزيوت
ثم ادهنيه بخلظه زيت الزيتون والثوم


يعني تحطين كل هالخلطات بشعرج ( بس لا تنسين زيت الخروع واللوز المر اتركيه ليله كامل وبعدين اضيفي عليهم الخلطات الثانيه اليوم التالي


اتركيه لمده لا تقل عن اربع ساعات وبعدين اغسليه بشامبو جيدا





بعد شهرين بتلاحظين شعيرات صغيره في مقدمه الشعر وعلى الجوانب
الشعر بيطول وبيكثف باذن الله تعالى




ملاحظه : لا تبالين لتساقط الشعر من هالخلطه اصلا اي خلطه لو استخدمتيها بالبدايه رايحه تخلي شعرج يتساقط بشكل كبير
وخاصه لو شعرج من الاول تالف وضعيف فهالخطله بتطيح الشعر التالف الضعيف وبينمو لج شعر قوي وكثيف من جديد باذن الله تعالي



بس بالفعل دهن الشعر بزيت الخروع بليل له فايده كبيره
والثوم يلعب دور كبير بنمو الشعر من جديد بس اهم شي تكون كميه الثوم معقوله وليست بالكميه الكبيره الي تخلي الريحه من الشعر ما تطلع واحتمال كثرة الثوم تحرق بصيلات الشعر


يعني مثل ماجلت لج غرشه صغيره او متوسطه كامله من زيت الزيتون مع اربع فصوص كفايه




ادعي لنا الرب وان شاء الله يارب هالخلطه تفيدج وبتلاحظين النتيجه بس اصبري اصبري اصبري

اختي الفارسيه .....بارك الله فيك :clap::eek2::eek2:

ومشكوره على هالخلطات :up: