دجاج بخلطة جديدة رووعة====>>

[CELL=filter:;][ALIGN=center] السلام عليكم ورحمة الله وبركاته



كيفكم اخواتى


ان شاء الله بخير

جايبه ليكم طريقة جديدة للفراخ انا جربتها مرة واحدة بس لانى لسه عارفاها

مش عارفه اذا كانت اتعرضت فى المنتدى قبل كدة ولا لا

بس الطريقة فعلا حلوة وجديدة وطعمها تحفة:up:



اول حاجة دى مقادير دجاجه واحدة:

دجاجة منزوعة الجلدوتقطع الى 8 قطع

يعنى 4 ارباع وكل ربع يقسم نصفين

بعد كدة هاتمسكى كل قطعة مثلا الدبوس على سبيل المثال

وتحاولى تبعدي اللحم عن العظم بدون ان تفصليه تماما

مجرد ابعاد فقط وكذلك اللحم نفسة تحاولى تبعديه عن بعضة يعنى تغرزى فيه

السكين يعنى الدبوس هايكون سليم ومكانه على العظمة ولكن مقطع قليلا عليها

ياريت تكونو فهمتو النقطة دى بس لو فيها اى استفسار انا موجودة

بعد كدة دى مقادير الخلطة للفرخة الواحده


-4 بطاطسات نيئة

-نصف كوب خل

-ملعقة ملح

-نصف رأس ثوم مقشرة طبعا

وممكن فلفل اسود وشطه حمرا لو بتحبيها حارة



المقادير دى كلها هاتضرب فى الخلاط مع بعضها بالترتيب

الاول البطاطس النيئة حتى تلين وتصبح سائلة ثم تضيفى الخل وتضربى ثم الملح

ثم الثوم والشطه لو هاتضيفيها

ثم تنقل لوعاء وتقلب قطع الدجاج بها وتغلغلى الخلطة بين قطع الدجاج كويس وبين اللحم كويس

وتترك فيها لمدة ساعة كاملة

ثم تنشل وتحاولى تصفيها بس مش اوى يعنى تنطريها بس

تاخدى كل قطعة وتحطيها على دقيق وتغطيها بدقيق كمية صغيرة

وتكونى مجهزة زيت غزيرعلى النار وسخن

تضعى الفراخ فية وتكون النار متوسطةوتتابعيها حتى يتلون وجه باللون الذهبى الغامق

اقلبيها على الوجه الثانىوهكذا حتى تستوى

وبعدها تنشليها وبالهنا والشفا

الطريقة عجبتنى كتير جربوها هاتعجبكم واى استفسار انا مش هاتاخر:smile:[/CELL]