جميع العضوات ..ابى اعرف.. و كل شي عن الاعراس ..ساعدونى تلرى انا غشيمه

ياهلا والله ومرحبا علاية

وألف ألف ألف مبروك ، الله يسعدك ويوفقك....

إنتي خذي جولة في قسم العروس ......وراح تستفيدين

وبعدين لازم تبدين بالإستعداد للزواج من الحين ......

1) إهتمي بنفسك من خلطات للجسم والشعر والبشرة ....(إعملي جدول عناية إسبوعي)

2) إكتبي قائمة بمشترياتك وماتحتاجين له ......بالتفصيل

3) إختاري قاعة الحفل من الأن ، وشوفيها .......وإستفسري عن جميع خد ماتها

4) إختاري موديل الفستان ...أهم شيء اللي يناسبك مو على الموضة وبس .

5) إختاري الكوافير ، والمصورة ......من الأن ......إسئلي عن الأفضل والمناسب للإمكانياتك المادية

6) إختاري الزفة ..........وإدربي على المشية من الحين ....دامك ماتعرفين وشلوون:)

المشية تكون .........خطوة وحدة .....توقفين شوي ........خطوة .....توقفين ..........

لحد ماتوصلين الكوشة

الإبتسامة... ...حاولي تبتسمين على خفيف <<==== الله يستر ماتبكين بس :D

هذا اللي أذكرة الحين .........والبنات ماراح يقصرون ، خصوصاً العرايس الجدد

خليج طبيعيه..حتى لو كنتي مستحيه..مو مشكله..المهم لا تخافين...
هذا بالنسبه للمشيه...

اما عن الباقي همسه ماشالله عليها ما قصرت...
واي استفسار بعد احنا حاضرين

حبيبتي أنا ودي أساعدك بس همسة ما قصرت...
كل اللي أقدر أقوله انه مافي أحلى من البساطة...


الله يوفقك

هلا فيج ..

خلج طبيعية جدا .. بس برزانة .. :)
ابتسامة حلوة خفيفة .. يعني مو فرحانة وايد ولا زعلانة ..
ابتسامة كنج شخصية الأنظار كلها عليها ..

وبالنسبة للمشية عادية .. لكن خطوتين وتلتفتين يمين ..بشكل كامل ..
عشان يشوفون كشختج ..
وبعدين خطوتين وتوقفين وتلفين يسار بالكامل ..
وبعدين خطوتين ويمين وخطوتين ويسار ..
لين ما توصلين عن الكوشة .. حطي في بالج ما تدوسين الفستان ..
حبة حبة .. وتكملين بنفس الطريقة اذا كان فيه ناس على يمين ويسار الكوشة ..
لين ما تقعدين .. بس مو تقعدين على الطرحة ..
لازم حد يكون وراج يرتب فستانج والطرحة .. ويوسعلج مكان تقعدين فيه ..
عقب نزلي راسج شوي مستحية وارفعيه تفرجي عالعالم بثقة .. :)

ههههههههههههه يا زينها من نصايح .. بنكملها بعدين .. :)

[movel]ألف مبرووووووووووووووك أخيتي وأسأل الله لك التوفيق والسعادة [/movel]
ماقصرت أختنا همسة
لكن أحب أضيف بعض الأشياء أتمنى تنفعك
تذكري ان الثقة بالنفس هي الجمال وهي الملفته للنظر وهي سبب احترام الناس لك وزي ماقالوا الأخولت قبلي الحياء زين لكن لاتكثرين مره :o
وإذا فكرتي انك تخافين من الناس أو تهابنهم تذكري انهم بشر زيك ومروا باللي مريتي فيه وانقطه هذي أنا جربتها بنفسي ونجحت لأني ماكنت أرفع راسي من الأرض من الحياء وخدودي دايم كذا:o
والحين الحمدلله لازلت خجولة لكن واثقة من نفسي ;)
واحذري احذري احذري أن تبدأي حياتك بمنكر خلي زواجك يكون هاديء وبريء زي شخصيتك البريئة
وتذكري قول الرسول صلى الله عليه وسلم ( أكثرهن بركة أيسرهن مهرا)
وهذي أنا مجربتها بعد والله إني أحصد ثمرتها الآن والحمدلله
واسألي زييييييييييييييييييييييييين عن أخلاق الرجال ودينه لأن اللي ماعنده دين ولا أخلاق ليس كفؤا لك....ولالبنات المسلمين لأنه ماراح يتحمل المسؤلية ويااااااااااما شفنا
وأهم شيء ادعي الله انه يوفقك فالدعاء سلاح المؤمن...
و.......و..........و ......... وياكثر النصايح اللي ودي أكتبها بس ماأحب أطول أخاف تملين :(
إيه تذكرت بعد ملتتزوجين ان شاء الله بالتوفيق اسمعي أنتي وياه بالسيارة بمشوار يكون طويل شريط للشيخ سعيد بن مسفر هدية للعروسين ... وبعدها بكم شهر بحر الحب لإبراهيم الدويش وهذا أنصح فيه جميع المتزوجات خيااااااااال بس تذكري لازم أنتي وهو سوا تسمعونه....(l)
وحياة سعيدة وآخرة أسعد للجميع
أختكم اللؤلؤة العربية ......دمعة سابقا